Festzeit.ch Forum » Liebe & Sex » Goldene Hochzeit: 50 Jahre verheiratet!
| Autor | Beitrag 1 - 15 |
|---|---|
| PhillyonairDi 19.8.08, 10:21 | 1 mal bearbeitet, zuletzt Mi 1.6.11, 07:20 |
| holysmokeDi 19.8.08, 10:26 | jä aso es ghört sicher au e stück diä ander moral dezue wo si durch ihr alter halt hän. dasme sich nit grat scheidet sondern halt sich e kli us wäg goht usw. und hütt sehtme glaub au kei grund me zämme z blibe wemme sich verstrittet. wemme 20 johr het chöne freiwillig zämme läbe söttme gschider e monet pause mache statt sich grat z trenne, oder... well es bildet sich jo au e gwohnet. und dorum chame locker 50 johr zämme sii  |
| JBTDi 19.8.08, 10:26 | i dänk die wichtigschte pünkt hesch scho ufzellt... wenn die pünkt zu 100% geh sin denn stoht annere lange beziehig glaub nüt im wäg |
| zaggiDi 19.8.08, 10:32 | i find ei punkt fehlt no: akzeptanz isch zwar schön und guet we me villes cha tolleriere, allerdings mues me au lerne zakzeptiere dass dr ander jetzt nun mal sini mackene het und so isch wiener isch... älläi nur s tolleriere glaubi chunt uf zit use nid guet! |
| JBTDi 19.8.08, 10:42 | het öbbis, aber isch nit immer ganz eifach  |
| zaggiDi 19.8.08, 10:43 | logisch, weis ja au jede dases nid eifach isch e bezieig z füehre... und iz stell dr vor, muesch das 50johr schaffe! |
| BorstiiDi 19.8.08, 10:44 | Toleranz und Akzeptanz ghört bi mir sehr oft mitenander verbunde... |
| SnörebrääädDi 19.8.08, 10:45 | wichtig isch au, dass me nid immer no was "besseres" suecht oder süsch was und glücklich isch mit däm was me het. das isch au e grosses problem bi de meischte hütige beziehige, die vergässe wohl wieso sie die person liebe |
| JBTDi 19.8.08, 10:45 | i muess gar nüt! nei scho klar, aber i dänk wenn sich zwei mensche finde wos eifach passt isch das kei problem... mit "wos passt" meini dass de ebbe gar nüt muesch akzeptiere wills vo afang a dim charakter entspricht. aber das wirds wohl nit geh |
| zaggiDi 19.8.08, 10:47 | ja de akzeptiersches halt ohni dases merksch, umso besser! //ne gits nid 1 mal bearbeitet, zuletzt Di 19.8.08, 10:47 |
| pianobarDi 19.8.08, 10:54 | Ein Journalist fragt ein Paar an seinem 50. Hochzeitstag nach dem Rezept für das lange andauernde Glück. Darauf antwortet die Frau: als wir auf der Hochzeitsreise waren, waren wir hoch zu Ross unterwegs. Das Pferd meines Mannes stolperte und warf ihn ab. Er wischte sich die Hose ab, stieg wieder auf und sagte : eins! Als es wieder passierte, murrte er, stieg wieder auf und sagte: zwei! Das dritte Mal stand er auf, sagte: drei!, nahm das Gewehr und erschoss das Pferd. Ich war ausser mir und schrie ihn an: was hast Du getan?! Das arme Pferd! Du kannst es doch nicht einfach erschiessen, nur weil es ein paar mal gestolpert ist!? Bitte erklär mir das!! Daraufhin sagte er zu mir: eins!  |
| SubsonicParkDi 19.8.08, 10:59 | haha odr ganz eifach, lass dich nicht erwischen  |
| finelineDi 19.8.08, 11:17 | Mini grosseltere sind mittlerwiile glaub sitt 60 Joor verhürotet. OK, de Grossvater isch stark demänt mittlerwiile, aber d'Grossmueter hebt zuenem und die sind ei Härz und ei Seel. Ich bewundere das enorm. Si sind mini grosse vorbilder was das aabelangt. |
| finelineDi 19.8.08, 11:25 | Und no e chlini anektote Es Päärli Hürotet und do seit d'Frau zum Ma: "Vo jetzt aa willi alles, aber wirklich alles mit dir Teile. nur ei Gheimnis muesch mer lo. Und das isch die Schachtle wo ich unterem Bett verstau. Versprich mer, dass du nie in die Schachtle wirsch ineluege". Är dänkt, jo wenns witters nütt isch und willigt ii. Und siehe da, si händ e wundervolli ehe. Aber am 40. Hochzytstag muess är widr an die Schachtle dänke. Und denn seit är sich... Jetzt haltis nümm uss, jetzt muessis wüsse. Ä nimmt d'Schachtle und macht si uff. Was är findet sind 3 Fläsche Bier und 244 Franke. Irgendwie wird är nid ganz schlau druss und versorgt d'Schachtle widr... Und au scho bald packt en s'schlächte gwüsse und är beschliesst sinere Frau z'verzelle was är gmacht hett. Är goot zuenere und seit "Schatz.... 40 Joor hani mi verspräche ghalte, aber ich has nümm ussghalte... ich ha dini ominösi Schachtle miesse uffmache. Aber... Ich chumm ächt nid druss was ich mit däm Inhalt söll aafo. Bitte erklär mers." Si schiint gar nid bös z'sy und seit "Jo weisch... Immer wenni di betroge ha hani e Fläsche Bier trunke und ha se dört inegleggt." Är isch nid gross beunruhigt, will är dänkt dass 3 moll fremdgo in 40 Joor nid de Wältuntergang sind. Aber denn seit är: "aber was sind denn die 244 Franke?" Denn findet si "Jo irgendwenn händ d'Fläsche kei Platz meh gha und das isch s'Depodgäld woni für die Fläsche becho ha woni zrugg brocht ha." hahahahaha |
| labdancerDi 19.8.08, 11:31 | ich finds schön, wenn me si partner gfunde het und au die meischti ziit vo sim läb emit dere person dörf verbringe... dorum: Härzlichi glüggwünsch vo mir für dini grosseltere... mine grosseltere isch das glügg leider nid vergönnt gsi, si händ ihre partner vorhär verlore und mini eltere wärdes au nie erläbe, well si scho sit 21 joohr gschiide sind |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©