Festzeit.ch Forum » Politik / Religion » Glaubt nicht alles den Medien, ein aktuelles Beispiel
| Autor | Beitrag 1 - 15 |
|---|---|
| ARK0NDo 18.12.08, 12:01 | Ich will der heutigen Jugend mal aufzeigen das man nicht alles in den Medien blind glauben sollte. Sie verdrehen die Tatsachen so das sie eine gute Schlagzeile haben. Beispiel gefällig? "Ricardo Lumengo will Red Bull verbieten" So oder ähnlich hiess es bei vielen Tageszeitungen wie der 20 Minuten. Was steckt nun wirklich dahinter? Ricardo Lumengo sah auf Télé France 2 eine Sendung in der es um Red Bull ging und einige Todesfälle die damit in Zusammenhang gebracht wurden. Danach wollte er in der Fragestunde des Nationalrates folgendes wissen, wie die Zulassung für solche Getränke in der Schweiz funktioniert und wie unabhängig sie sind und ob diese eventuell sogar von den Herstellern finanziert werden. Er wollte Hintergrundsinformationen erfragen und das war es. Daraus entstanden dann diese Artikel.... |
| DREISTDo 18.12.08, 12:19 | d'media liege wo's nur goht und stell dr vor, es git sogar millione vo lüt wo sich beiflusse löhnd. d medie sin die gröschte hetzer wos git (blick zB) |
| SlightReturnDo 18.12.08, 12:52 | ändlich seits mol öpper. me chönnt würklich meine dass das ganz gratiszitige theater e grossaglegti volksverblödig isch wo s hirn vom verbruucher über joore weichklopft zums "gefügig" mache  was eifach mol e paar lüt begriffe müesste isch das d woorheit sehr verdreit cha wärde (und wird). und medie wo nid s ziel hän informatione z verbreite sondern durch möglchst vill wärbig e biz gäld z verdiene nutze die eigeschaft und schribe was de läser will läse. do steckt no vill psychologie dehinter  au beliebt ischd wärbig wo komplett unbewusst uf ein iwirkt. du blätterisch durch e zitig und gsehsch unbewusst sovill wo di beiflusst. s ziel vo wärbig isch nid d ussag "hey liebe verbruucher, lueg mol ich ha do öppis schöns für dich wo du ganz billig bi mir kasch kaufe will mir alli so lieb sinn" sondern de firme-/markename brennt sich ins unterbewusstsi und bestimmt ganz ohnis z merke in welli läde me villicht goot PORPAGANDA!!! und DU bisch e teil devo  |
| digitalrebelDo 18.12.08, 12:56 | Es git Gruppierige, wo bewusst Wikipedia Artikel fälsche, und Tatsache verdreihe ... Nur will öppis in dr Zitig oder im Internet stoht, isches no lang nid woohr. Das sött me wüsse. |
| NobelpreisträgerDo 18.12.08, 13:14 | Also wär das, wo 20min etc. eso schriibe ärnscht nimmt, däm isch eh nümme z hälfe... |
| YelinaDo 18.12.08, 13:25 | Wie etz grad wieder mit dere Amokdrohig in St. Galle. Polizeinews.ch weiss no nüd gnauers, 20min.ch weiss aber scho, dass de vater vonere schüelerin aglüte hed, will sini tochter mit de waffe i dschuel gange isch....  |
| phallusimpudicusDo 18.12.08, 13:26 | Wenn mes aber mit dr Skepsis übertriibt ka me au sehr schnell bi de falsche Sache vorignoh werde... Eifach ufpasse und nit grad als Fakt aluege, aber au nit von vornherein in Wind schloh. Edit: btw. Hesch glaub s falsche Forum gno  1 mal bearbeitet, zuletzt Do 18.12.08, 13:29 |
| pr0xlmusDo 18.12.08, 13:57 | Volksverblödig durch d´Medie isch jo scho lang Mode. Darfsch jo kei eigeni Meinig mehr verträte geschweige denn überhaupt no sälber dänke...Wenn d´Menschheit so witer macht, gits bald nur no es paar wenigi wo ihri Meinig dure bringe... Wär hald i dene Käsblätter alles glaubt, isch sälber schuld. |
| finelineDo 18.12.08, 14:11 | Do gset me die unändlichi Macht vo de Medie. Allne vora vo de Gratisblätter... |
| BoozerDo 18.12.08, 14:17 | DANKE! jede daag liis ich mit verabscheuig "Blick am Abend", ".ch" und all dä dräck. Und me frogt sich denn amme, was do für scheiss usegloo wird. Sache wie z.B. die ganz Sach mit dr Calmy Rey und dr Ussag "denn miest me jo au mitm Bin Laden rede". D Rey het in irer reed allgemein gfunde, s wäri wichtig, mit lüt z diskutiere, mit Länder s gschpröch ufnä und all das. Denn het irgende (französische?) färnsesänder das ufgno und drzue gfrogt, ob me denn au mitm Bin Laden reede miest. Schwupps, unde duure. Oder Blick am Abend. uiuiui. S foht scho a bim schöne "Schmid des Tages". Gleini sache, wo schliichend s bild vo öbberem in dr öffentlichkeit beiflusse. Die ironietriefende und teils rächt verletzende kommentärli, immer im gliiche doon. Neutrali bericherstattig? Guet, die isch bi BaA scho lang uf dr strecki bliibe. Grad vores baar däg, wo de wo die ganzi Nef-Afäre ins rolle brocht het gse hesch. Vergliche ischr mitm Bruce Willis undm Kevin Sutherland, als detektiv und einsame Held, wo am Schluss no zu sim "Happy End" kunnt. Oder die ganz Facebook-Histerie! Wo konnt die här? Worum will BaA immer irgend no e fb Gruppe zu jedem Thema promote? Und die ganz Rasergschicht. Unfäll mit überhöhte Gschwindigkeite sind Rückläufig! S isch eifach grad e schöns Thema für d Medie, zum ufmerksasmkeit z errege! (S gliiche übrigens au für Politiker) Odr Glogger mailt. Dr gröscht dräck! Dä will sich doch nur profiliere, nomol em läser rächt gä, in däm wo är grad glääse het und wonr grad drüber ufghetzt worde isch! I find, das do, publiziert unterem Titel "fairness in Blick am Abend" (  ) seit wohl alles über das wo die "kollumne" usseit...Fairness bei BlickamAbend Helmut-Maria Glogger hat am 4. 12. In seiner Kolumne geschrieben, SF-Chefredaktor Ueli Haldimann habe SF-Mitarbeitenden wegen einer Unterstützungsaktion für Radio Energy «mit Abmahnungen, Freistellungen und Entlassungen» gedroht. Dies trifft nicht zu. Ueli Haldimann hat keine SF-Mitarbeitende zurechtgewiesen oder ihnen gedroht. Wir entschuldigen uns für die Formulierung, Haldimann habe einen «perfiden, arroganten Diktatoren-Ton» und sehne sich «nach einer obrigkeitshörigen Medien-Diktatur à la DDR». Zerst so dr Macker usehängge loo, voll für Radio Energie (kört übrigens au Ringier (Und wär das nid gmerkt het bi dr berichterstattig vo BaA, dä het e biz e zwenig kritische blick ufs ganze)) go istoo, und denn dr Schwanz iize. Zu rächt.Was dr Glogger do abzooge het isch unter aller sau. Haltlosi beleidigunge, ufme Niveau, wo eifach nur no inakzeptabel isch. Als Zittig so öbbis go publiziere seit scho alles. allgemein isches eifach nur erbärmlich, so sache denn au ohni antwort stoo z lo. So, gnueg gseit. |
| finelineDo 18.12.08, 14:32 | anyway, es funktionier. d'gsellschaft konsumiert ohni z'hinterfroge und fällt somit ihri vorurteil. de plan got uff, fascht die ganz gsellschaft isch stürbar nur durch news. |
| phallusimpudicusDo 18.12.08, 15:08 | Aber du nit! |
| finelineDo 18.12.08, 15:48 | Zitat: phallusimpudicus das hani nid behauptet. ich ertapp mi no des öfteren wieni genau uff so scheiss iifall wie do obe erwähnt worde isch.Aber du nit! |
| mondkindDo 18.12.08, 16:00 | *gähn* 20min, Blick und .ch... |
| vaffancapDo 18.12.08, 16:04 | Zitat: fineline passiert bi mir au ab und zue. Zitat: phallusimpudicus das hani nid behauptet. ich ertapp mi no des öfteren wieni genau uff so scheiss iifall wie do obe erwähnt worde isch.Aber du nit!  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©