passwort vergessen - registrieren

Festzeit.ch Forum » Politik / Religion » Ist das schweizer Volk und/oder Staat rassistisch?

Autor Beitrag 1 - 15
UmBraTicuLuSDi 27.1.09, 09:14
Also ich find das thema söt me mol diskutiere. Rein us neugier, zum luege was do so usechunt.

Mini meinig dezue isch, dass d`schwitzer gesellschaft zimmlich igschrenkt (bewusst) isch, gegenöber vo fremnde kultureverständnis. Und dass sie sich anstatt, sich mit dere kultur wo grad im moment "fremd" isch, beschäftige und kennelerne, sie sich blockiere vor em unbekannte oder vo ihre typische unverständnislosigkeit, und sich so schnell vorurteil aeigne, wo so zimmli gli in rassistische ine gönn.

e typ het mol gseit us de gschicht sött meh lerne, aber dschwitzer gesellschaft macht immerwieder de gliche fehler, dazumals mit de jude vor und während em 2.welkrieg, mit de italiener ind 70er, spöter mit de spanier und portugiese 70er - 80er, und jetzt mit de zuwandere vom balkan, bsundrigs albaner und türke wobi dtrükei jo nit ganz zum balkan köhrt... .

was ich demit will sage isch, vellicht loht meh sich au zu fest vo de schlagzeile vo de zittige beiflusse oder vo de politik, aber ich find eifach dass dvorwürf vo integrationschwächi und dass es zu vill sind völlig unverständlich und teils falsch sind. es wird zu ufgspielt vo de politik und de medie. und wenn meh so imene gebildete und wohlstandsvolle land wie in de schwitz lebt sött meh eigendlich gnueg gsundi intelligenz entwickelt ha um all die vorurteil und vorwürf wo de momentane "fremde" gmacht wird als teils nit richtig gseh. aber jo wie heisst so schön me brucht immer e sündebock und do suecht meh halt die aktuelli bedrohig, fürd politik isch das e gefundenes frässe und wie si mängmol do mit mi dem volk spiele und beiflusse, erstunt mi ebbe obwohl eigendlich me meh erwartet vomene land wo so gebildet isch...

ich will no vormerke dass ich nit uf die einzelene mensche do in de schwitz losgang sonder, das vo minere meinig us gseh, alls ganzes alueg.....
elbenedettoDi 27.1.09, 09:17
Also ich kenne nun ja beides. Ich kenne die Schweiz und ich kenne Deutschland und du wirs in jedem Land die gleichen Probleme haben das einfach eine gewisse Antisympatie besteht. Ich hatte ich Deutschland auch eine gewisse Abneigungen gegen manche Grupierungen aus anderen Ländern aber das ist von Mensch zu Mensch unterschiedlich, ich denke auch einfach das es nicht immer eine Abneigung gegen die Menschen ansich ist sondern eher gegen dessen Art zu leben weil es für einen selber fremd ist. Ich habe als Deutscher die Schweiz als extrem freundliches Land kennen und lieben gelernt, aber eventuell ist das als Deutscher auch anderst.
2nice4uDi 27.1.09, 09:26
@alb: es mag sie dass vieli Schwyzer gwüssi Vorurteil händ aber ich dänk wältwit gseh händ mir dennoch e sehr gueti Integrationspolitik...
Aber lueg mal din Text ah... Sälbst du wirfsch de de Schwizer gwüssi Vorurteil an Kopf, und genau das isch s Problem, Rassismus isch i de Schwiz scho au es Thema, aber meistens vo beidne Site, es git Schwizer wo meine sie sige öbis bessers, genau so wie s Usländer git wo das meine...
Damit d Integration funktioniert müend beidi Site uf enand zugo, wobie sich aber ehrlich gseit de Usländer meh Müeh sött gäh, well es isch au an ihm de Schwizer z verstoh...
LeRoyalDi 27.1.09, 09:31
Aso du chasch sicher nid erwarte das sich d Schwizer in ihrem eigene Land mien offe zeige für anderi Kulture und verständnis zha.. Ganz im gegeteil, die wo indr Schwiz lebe hen sich ender azpasse..

In dr Schwiz hersche anderi regle und sittene und das weiss jede wo usem Balkan chunt und oder sust eme andere Land wo nid dr ganz glichi Lebensstandart het...

Ich ha absolut nüd gege Usländer, i verkär selber mit vielne, aber meh cha do nid alles mache und due wo meh will.

Und dases zviel Usländer het isch ahsichtssach, überleg mol was z.B d Spanier denke wen halb Mallorca voll Dütsche isch!?
Sie Nerve sich mega, well die Dütsche nid die gliche Sittene hen wie d Spanier, so ähnlich isches halt in dr CH, fast 50% vo de Iwohner in Basel sin Usländer...
UmBraTicuLuSDi 27.1.09, 09:35
jo aber ich mein wenn es lüt im volk gitt wo dere politik de rücke stercke denne isch das kei vorurteil sonder e fakt...

http://blog.omc.ch/wp-content/uploads/2007/10/svp.gif

und zu de integration me muess immer wüsse wo meh d`integrationserwartige überschrietet und zu asmilation öbere goht....und wenn meh agriffindi schlagzeile und wenn meh vomene bundesrot an chop bechunt das jede albaner sicher in sim lebe scho ei raubüberfall uf sim buckel wird ha muess meh sich nit wundere wenn meh plötzlich uf unverständnis stoht....
1 mal bearbeitet, zuletzt Di 27.1.09, 09:37
YelinaDi 27.1.09, 09:38
mer muss natürlich scho gseh, dass mer uf grund vo gwüssne üsserige vo politiker und gwüssne plakatkampagne im usland als eher "usländer-nid-wirkli-fründlichs"-land agluegt werded.
LeRoyalDi 27.1.09, 09:41
Hmm aso i denk nid dasis so gseit hen, aber vielmol gits ebe au sehr viel zahle wo das bestätige.. ha z.b. e albanische kolleg, de isch bi 2 autoversicherige abglehnt worde, well er e m3 het und albaner isch..
goht me aber ind statistik go luege seht meh, das albaner e sehr hoch im "kurs" sin bi unfäll und^e m3 au...
gliches gits halt au bi andere verbräche, dases oft usländer sin, du hesch sicher recht, es betrifft nid alli, aber das dich viel gidt wirft meh als wie meh alli in dr glich topf...
YelinaDi 27.1.09, 09:55
es isch halt en tüfelskreis, mer isch usländer, wird unrecht behandled, sigs bi autoversicherige oder au bi bewerbige, job suche und so witer und irgendwenn resigniert mer halt und dänkt, wirde ja sowieso ghasst, de chani grad so guet so tue, wie mer immer vorgworfe wird. und halt au, dass sehr vill usländer in armuet läbed i de schwiiz, was au wieder meh verbreche "uslöst" vo de betroffne. was nid heisst, dass ich verbreche wo us "armuet" begange werded, würdi toleriere, überhaupt nid, finde nur, mer sött s'problem vo de richtige siite apacke.
1 mal bearbeitet, zuletzt Di 27.1.09, 09:58
kekslosekeksdoseDi 27.1.09, 10:14
ich denk das isch hald eifach so will me nur schlechts köhrt über die lüüt us em balkan, will sich hald vill nit chönne beneh usw..
dave92Di 27.1.09, 10:16
wenn me d svp propaganda aaluegt ond gseht, wie die ide wält diskutiert werd, esches klar, dass d schwiiz als rassistisch aagluegt werd!
2nice4uDi 27.1.09, 10:24
Naja, ich finds eifach scho chli trurig dass me jetzt d Schuld bi de Schwizer suecht, sicher gits Arschlöcher, aber die meiste Schwizer dänke gar nit rassistisch... Ich sälber bi z.B politisch rächt links igstellt, aber wenn i mi denn muess als "scheissschwizer" lo bezeichne gohts für mich eifach nit uf... Well s trurige isch dass denn nie eine seit "Hilfe, Rassismus", aber wenn eine "Scheisstürk" seit denn isch es grad grausam schlimm... Ich find es bringt eifach nüt wenn sich beidi Site immer gegesitig d Schuld id Schueh schiebe, jede cha was mache dass sich d Situation besseret, aber s git halt immerno es paar Schwizer und Usländer wo nit bereit sind dezue...
Elo77Di 27.1.09, 10:30
volk und staat isch, grad in däm fall, nid s gliiche.

dr staat isch alles andere als rassistisch wenn me z.B. mol s integrationsleitbild BS aaluegt oder die ganze diskussione wo uf bundesebeni gfüehrt wärde. so öppis würd imene "rassistische staat" gar nie vorcho.
dr staat isch also ganz sicher nid rassistisch.
villicht gits so gmeinde im aargau wo per urneabstimmig iibürgere und konsequent gwüssi aträg ablähne, aber do het s BGer und anderi institutione jo stellig derzue gno.

und us dr gschicht het me sehr wohl glehrt: am afang het me welle dass die italiänische gastarbeiter sich assimiliere und het si eifach als produktionsfaktor arbeit aagluegt. aber die aasicht het sich gewaltig gänderet.
-->"man hat arbeiter gerufen und es sind menschen gekommen" max frisch

zum volk:
es git sicher e gwüsse teil vom volk wo rassistisch isch, aber me ka niemols sage wieviel, wil dä begriff relativ isch. jede findet, rassismus foht andere andere stell aa. aber genau so gits e gwüsse teil wo am liebste anarchie oder kommunismus oder was weiss ich iifüehre will.
im volk isch sicher mehr rassismus vorzfinde als im staat, was sicher au mit dr halbdiräkte demokratie zämeghängt wo eventuell ufkommende rassismus brämst.
aber ich würd no lang lang nid vomene rassistische volk rede. au vorem hintergrund das mer in dr CH ca. 22% usländer hän.
cha0sDi 27.1.09, 12:04
Ich schliess mich voll und ganz dr meinig vodr PNOS ah.


Wer in der schweiz die Wahrheit spricht, bewegt sich auf dünnem Eis!
Darum Wer mit dem Antirassismusgesetz (Art.261bis)


Edit: Nein, ich bin nicht extrem
2 mal bearbeitet, zuletzt Di 27.1.09, 14:07
dave92Di 27.1.09, 13:28
schiinsch sogar no stolz druuf z sii...
kekslosekeksdoseDi 27.1.09, 13:35
Zitat: cha0s
Ich schliess mich voll und ganz dr meinig vodr PNOS ah.


Wer in der schweiz die Wahrheit spricht, bewegt sich auf dünnem Eis!
Darum Wer mit dem Antirassismusgesetz (Art.261bis)

i agree
1 mal bearbeitet, zuletzt Di 27.1.09, 13:36

Als angemeldeter festzeit.ch Member kannst du Themen erstellen und auf Beiträge antworten.
 
Infos/Hilfe » ©