Autor | Beitrag |
---|---|
StinsonMi 8.6.11, 15:59 | So jetzt ischs Dusse, s Sparpaket. S isch ächt überl wo gspart wird... Paar Biispil: -Reduktion von Löhnen für Stellvertretungen von Lehrpersonen um 15% -BVS 2 (zweijährige Berufsvorbereitungsschule (vormals DMS 2), geführt durch das Bildungszentrum kvBL Muttenz) in ein einjähriges Brückenangebot überführen. S Ganze Dokumänt do z finde: http://www.baselland.ch/fileadmin/baselland/files/docs/polit-rechte/vernehml/vern2011/entl astung/lrv_entlastung.pdf dr BaZ Artikel: http://bazonline.ch/basel/land/Baselbieter-Staatsangestellten-droht-Entlassungswelle/story /13792867 Was meinet ihr dezue? Wird am richtige Ort gspart? Was isch falsch gmacht worde in de Vergangeheit? Wie goots witter? |
RheinPiratMi 8.6.11, 16:02 | Richtig so. Dr Staat und die Kantönli sin uffbloose bis zum geht nicht mehr. Lueg di nur moll d'Geinde ah. All 20km wieder ä neui Verwaltig wo wieder zviel lüt schaffe. Anstatt das zügs zämmälegge und weniger Personal ahstelle. Wäre die ganze Verwaltige und dr Bund 5% Effiziänter, würde mr alli Gäld zrugg beko. |
StinsonMi 8.6.11, 16:03 | Verzell das mol de kleine Gmeinde im Oberbaselbiet.Mol luege wie langs s goot bis de dörfsch renne |
RheinPiratMi 8.6.11, 16:09 | Aber isch eso! Reini Tatsach. Bsp. Mariastei, Hofstette-Flüeh, Bättwil, Witterswil, Burg i.L und Rodersdorf Alli Die Gmeinde sin mitem Auto innerhalb vo 7min unterenander erreichbar. Do könnte me MILLIONE spare wenns nur eimoll ä Verwaltig würdi gäh! EDIT: Und es funktioniert wenn gmeinde fusioniere - siehe Bünderland Aber nei! s'Volk isch z'dumm zum das z'begriffe !!!!! Und dorum befürworti dä vorschlag 1 mal bearbeitet, zuletzt Mi 8.6.11, 16:10 |
StinsonMi 8.6.11, 16:19 | S Problem isch, dr Kanton ka ned sage : Ihr zwei fusionieret jetzt. D Gmeinde miesse das sälber beschliesse. Das isch halt dr Nochteil am Förderalistische System. Dr Kanton ka nur Biihilf zunere Fusion leiste. Aber är ka kei Gmeind dezue zwinge. |