Festzeit.ch Forum » Sonstiges » Familie und die Kinder
| Autor | Beitrag 1 - 15 |
|---|---|
| aliSunaMi 14.3.12, 21:20 | Was dänket ihr isches gschied sini Kinder ine Tagi zlo tagsüber? Was sind dFolge vo de Chinder? Könne spiele aber nid immer Ufgobe im Tagesheim mache wells viel Kinder het und me sich nid ka guet konzentriere. Oder isch eper ohni Vater oder Muetter ufgwachse? Wenn Ihr drüber wend rede könnet Ihr gern mit mir mache. Schriebet epis ahne.! 1 mal bearbeitet, zuletzt Mi 14.3.12, 21:29 |
| TheOneWayMi 14.3.12, 21:55 | Tagi isch nie öbbis dumms, aber bi Kinder wo viel Betreuig bruche will sie bsp. schnäll uftreit sind, isch e Tagi vellicht chli falsch, do es viel anderi Kinder het und sKind nit die ufmerksammkeit bekunnt wos brucht. Ich kenn ebe au öbber: sKind isch 6, bi de abglährig hets gheisse es het e wüssenstand vomne 3 Jährige und dass merkt me au chli. Im Kindergarte brucht er viel Ufmerksammkeit, er schloht oftmols die andere Kinder. E Verwandi vo mir isch Tagesmuetter und do isch de 6 jährig wenn er kei Kindergarte het. Er het bi de Verwandi wirklichi 1zu1 "Betreuig" und död isch er ganz aständig. Also ich find, Tagesheim isch guet, aber die Ufmerksammkeit hesch halt nit so als binere Tagesmuetter, vorallem isch Tagesmuetter au Günstiger, was vom Ufwand her zwar nit gerecht isch. |
| aliSunaMi 14.3.12, 22:06 | theOneway... ich finds toll was du gschriebe hesch. ich find ebe me ka sich derte nid ufd schuel konzentriere aber liebi bekunnsch. klar isch e tagesmuetter besser stimmt scho. und das mitem schlo hani au erläbt. ich bi mit mine 2 ältere briedere im tagi gsi. De Gruppeleiter het uns wahsnig gärn ka. ha hüte no kontakt mit ihm. es git ganz nätti schwizer!!! Meischtens sinds halt die schwizer wo keini eigene kinder hend. |
| dRosmarieDieBlostNieMi 14.3.12, 23:08 | jo also s kind muess jo neume sii, wenn d eltere schaffe...babysitter isch eifach sauutüür...und zum teil isch es viil besser wennd kinder inere Krippe sind als dehei, well im Tagi wird dene kinder au e gwüsse astand und agmässenigs verhalte biibrocht, oder au z.B: wird dört sehr uf d ernährig gachtet, oder me goht jede tag ind natur use!! und gwüssi eltere kanni mir vorstelle hocke oftmols dehei und mache gar nüüt mitm kind... und ha au ghört, dass es wirklich für jedes kind e Bezugsperson git im tagi und das isch scho guet...und @THEOneWay: abber isch s denn nit eso, dass wenns kind geistig zruggbliibe isch, dass es denn ine spezialkindergarte kunnt? (wo me gförderet wird undso)? und was am tagi au no guet isch: me hett kontakt zu anderene kinder und somit ischs kind zum teil mit kinder us verschiedene natione zämme  und in dütschland isch es zimmlig üblich, dass me s kind wenns 3 joor alt isch, ins Tagi bringt und in dr schwiiz isch s au normal @alisuna: wieso interessiert di das? |
| aliSunaDo 15.3.12, 11:36 | well ich sälber imne tagi ufgwachse bin. wenn du devo verzellsch kunts mr vor als wär ich in eim hehe.. bi sicher 12 johr in eim gseh. Stimmt voll was de gschriebe hesch mitem ässe und astand. derfsch nid mitem stuehl gagele und eleboge muess immer unte si. und und und! es nimt mi eifach wunder wie anderi Lüt dänki wo ich nid kenn.  merci für de bitrag,dis schriebe! |
| undprofillöscheDo 15.3.12, 12:12 | Ich bi d Meinig, nach Möglichkeit sötte d Eltere sich sälber um ihri Kinder kümmere..mir söt sich bevor mr Kinder macht überlege ob mr au Ziit het für die Kinder.. Eifach nur Kinder in d Wält stelle und denn extern betreue loh und sich nid drum kümmere find i drnäbe, denn frog i mi ame, wiso die Eltere überhaupt Kinder hän welle.. Wenns finanziell nid goht, dass sich ei Eltereteil ums Kind kümmere cha, okay denn isches öpis anders.. Aber ich erläb au oft Familie wo s Kind am Morge vorem Kindsgi abgstellt wird, am 12i mitem Taxi ins Tagi gfahre wird und Zobe no heimgoht zum schloofe...d Eltere hän beidi mehr als gnueg Gäld, aber kei Eltereteil will sin Job ufgäh..und bi sönige frog ich mi denn scho sehr fescht, wiso sie überhaupt Kinder hän welle..  |
| digitalrebelDo 15.3.12, 12:27 | Zitat: Natalie1983 genau mini Meinig!Ich bi d Meinig, nach Möglichkeit sötte d Eltere sich sälber um ihri Kinder kümmere..mir söt sich bevor mr Kinder macht überlege ob mr au Ziit het für die Kinder.. Eifach nur Kinder in d Wält stelle und denn extern betreue loh und sich nid drum kümmere find i drnäbe, denn frog i mi ame, wiso die Eltere überhaupt Kinder hän welle.. Wenns finanziell nid goht, dass sich ei Eltereteil ums Kind kümmere cha, okay denn isches öpis anders.. Aber ich erläb au oft Familie wo s Kind am Morge vorem Kindsgi abgstellt wird, am 12i mitem Taxi ins Tagi gfahre wird und Zobe no heimgoht zum schloofe...d Eltere hän beidi mehr als gnueg Gäld, aber kei Eltereteil will sin Job ufgäh..und bi sönige frog ich mi denn scho sehr fescht, wiso sie überhaupt Kinder hän welle.. |
| freitightDo 15.3.12, 14:26 | Zitat: Natalie1983 Und genau in dem Punkt wiedersprich dr wehement! Es git gnueg Familie in dr Schwiiz, wo dr Vater 120% als Dachdecker und d Mueter 120% als Putzfrau schafft (nur es Bispiel) und trotzdem müen si no 5 Chinder züge???Wenns finanziell nid goht, dass sich ei Eltereteil ums Kind kümmere cha, okay denn isches öpis anders.. Das isch für mich ehrlich gseit no schlimmer als die Situation wo du beschriebe hesch, will die Eltere chöne ihrne Chinder nid moll wenn sie moll alli zemme dehei si e gwüsse Wohlstand biete... Zitat: Natalie1983 Findi e krasse Vorwurf, an alli doppelverdienende Eltere.Aber ich erläb au oft Familie wo s Kind am Morge vorem Kindsgi abgstellt wird, am 12i mitem Taxi ins Tagi gfahre wird und Zobe no heimgoht zum schloofe...d Eltere hän beidi mehr als gnueg Gäld, aber kei Eltereteil will sin Job ufgäh..und bi sönige frog ich mi denn scho sehr fescht, wiso sie überhaupt Kinder hän welle.. Dini Argument laufe genau uf die verdammti Bünzli Haltig use, dr Vater am schaffe und d Mueter dehei für d Chind und d Wösch  Wieso sett me es Chind nid dure Daag dure noime anegeh, wo es sich cha beschäftige, Erfahrige sammle, Lüt kennelerne?? I begriff die Istellig gar nid. Ich bi au mit zwei 100% schaffende Eltereteil ufgwachse, hätt aber nie s Gfühl gha, dass mini Eltere nid für mi do wäre... Ich gib dr insofern recht, als dass me mit dem viellicht nid allzue früeh sett afoh, sprich die erschte 2-3 Lebensjohr vom Chind no bitzeli meh ume isch. Aber was spricht drgege, es Chind möglichst früeh ane Alltag z gwöhne, wo in dene Breitegrad scho relativ früeh standard isch? Sobald s Chind in Kindergarte goht, oder denn spöter in d Primar, isches grundsätzlich au dr ganz Daag weg und mues mehr oder weniger für sich selber luege. Natürlich ischs wichtig, dass d Eltere ume si, wenn s Chind se brucht. Aber ich chamer nüt schlimmers vorstelle, als e Chind wo in sinre Selbstständigkeit beraubt wird und das inre Phase vom Lebe, wo wohl am stärkste zu dr Charakterprägig zuetreit. 2 mal bearbeitet, zuletzt Do 15.3.12, 14:29 |
| casuelDo 15.3.12, 15:19 | Ich find i de hütige Gsellschaft wird es Chind scho viel zfrüeh mit Termine und allem vollgstopft. Ich kenn e Familie wo e Safaritour gmacht hend, wo s Chind chum zum Chinderwage hett chönne usluege und das Ganze hends begründet mit "Me muess im Chind jo öppis biete" Au unter de Wuche hend vieli Chind e volle Terminkalender. Am Morge ab in Tagi bis am Obe, denn no ins Ballet, Pfyffe oder Trummele und denn no go schwimme und und und. Hützutags cha es Chind eifach keis Chind meh si und eifach mol mache uf was es lust hett. Ich mein, ich bin nie imne Tagi oder so gsi. Klar hetts mol es paar Nomitäg geh woni au nid gwüsst was mache und mir alles gstunke hett aber im grosse und Ganze hani immer e Idee gha mi zbeschäftige und ha selbständig mini Erfahrige gmacht(wenns au mängisch schmärzhaft gsi isch )Als Eltere sett meh eifach nid immer de Leistigsgsellschaft nochegeh und churz nach de Geburt wieder afo schaffe etc. Vorallem nid wenn meh über gnueg Gäld verfüegt. Das hett jetzt nüt mit Bünzli-Istellig zdue. Was bringts eim wmme 20'000 statt vlt. 12'000 heibringt?? Klar chame denn sini Wahlbedürfnis besser stille. Aber was beschäftigt eim meh wemmer im Stärbe liegt? Öb mir no meh Gäld hetti chönne verdiene oder meh Zit mit de Chind/Familie verbringe. |
| freitightDo 15.3.12, 15:55 | Was du seisch, isch absolut richtig. Es isch sicher nid guet, wenn e Chind mues nach Termine lebe, ABER die Gsellschaft isch halt wohl oder übel eso, do isch unseri, die vergangeni und die kommendi Generation schuld. Alli jommere immer über d Gsellschaft und dr Lauf der Dinge und schiebe d Schuld de anderne in d Schueh, drbi isch jede Teil vo dr Gsellschaft und het d Macht, Ding z ändere. Ich persönlich akzeptier d Gsellschaft, bi eigentlich sogar recht z friede drmitt und wird dorum, fallsi moll Chinder ha, probiere, die au möglichst an die Gsellschaft azpasse. Es isch jetzt halt efach so, dass me scho sehr frieh mues verantwortig überneh und selbstständigkeit zeige und genau in die Richtig würd ich es Chind au erzieh. Das het für mi nüt mit fehlender Liebi oder Ufmerksamkeit ztue, eher im Gegeteil. Dr Uftrag vo de Eltere isches, de Chind e möglichst guets Fundament für ihres restliche Lebe helfe z generiere und das wär us miner Sicht genau das woni beschriebe ha.. |
| undprofillöscheDo 15.3.12, 17:01 | Zitat: freitight Nöö überhaupt nid..bi ere Kollegin vo mir isches so, dass sie 80% schafft und er 40%.. und ei Tag isch s Kind bi ere Tagesmuetter... aber nid JEDE Tag...Findi e krasse Vorwurf, an alli doppelverdienende Eltere. Dini Argument laufe genau uf die verdammti Bünzli Haltig use, dr Vater am schaffe und d Mueter dehei für d Chind und d Wösch Und Vorwurf...jä genau das sölls sie! Die Eltere wo ich mein hän meh als gnueg Kohle, aber null Ziit für d Kinder! Und d Kinder het mrs das au agmerkt..vo d Selbstständigkeit, Selbstvertraue und d Leistig wo sie brocht hän! Zitat: freitight Abgäh isch s richtige Wort..wiso hän sie Kinder, wenn sie sä NUR abgähn???!!Wieso sett me es Chind nid dure Daag dure noime anegeh, wo es sich cha beschäftige, Erfahrige sammle, Lüt kennelerne?? Lüt kennelerne cha mr au indäm mr d Kinder ermöglicht mit anderne Kinder abzmache...für das muess mr sä nid grad abgäh! Vorallem nid jede Tag.. Zitat: freitight An e Tagesablauf zgwöhne isch jo okay..und au wenn s Kind Kindsgi/Schuel het go schaffe..aber drnoch söt mr als Eltere immerno do sie, z.B. wenn s Kind am Mittag frei het und au sälber öpis mitem Kind mache..sprich bi d Huusufgobe hälfe etc.. nid s Kind vo d Schuel ins Tagi, vom Tagi zu d Huusufgobebetreuig, vo d Huusufgobebetreuig zur Grossmuetter...Ich gib dr insofern recht, als dass me mit dem viellicht nid allzue früeh sett afoh, sprich die erschte 2-3 Lebensjohr vom Chind no bitzeli meh ume isch. Aber was spricht drgege, es Chind möglichst früeh ane Alltag z gwöhne, wo in dene Breitegrad scho relativ früeh standard isch? |
| undprofillöscheDo 15.3.12, 17:02 | Zitat: freitight Genau..das isch d ELTERE ihri Ufgob...nid d Ufgob vom Tagi, d Schuel, em Kindergarte etc...Das het für mi nüt mit fehlender Liebi oder Ufmerksamkeit ztue, eher im Gegeteil. Dr Uftrag vo de Eltere isches, de Chind e möglichst guets Fundament für ihres restliche Lebe helfe z generiere und das wär us miner Sicht genau das woni beschriebe ha..  |
| freitightDo 15.3.12, 17:39 | Zitat: Natalie1983 Ob sich Eltere Zyt für ihri Chinder nehme, het weder mitem Ikomme, no mitem Beschäftigungsgrad ztue, sondern schlicht und eifach mit ihrere Fähigkeit als Eltere...Die Eltere wo ich mein hän meh als gnueg Kohle, aber null Ziit für d Kinder! Und d Kinder het mrs das au agmerkt..vo d Selbstständigkeit, Selbstvertraue und d Leistig wo sie brocht hän! Zitat: Natalie1983 Wer het denn öbbis gseit vo NUR abgeh??? Du chunsch jetzt immer mit de extremschte Bispiel. Probier doch moll die Sach e bizeli realistisch z betrachte. Wieso setts nid möglich si, dass beidi Eltereteil schaffe?? S Chind isch dr Daag dure gnueg beschäftigt mit anderem und d Eltere sind jo im Normalfall zobe dehei, denn blibt gnueg zyt zum se mit de Chind verbringe.....wiso hän sie Kinder, wenn sie sä NUR abgähn???!! Zitat: Natalie1983 In dem Punkt chani jetzt nur für mi rede, aber i ha lieber öbbis mit Kollege gmacht und i has ghasst wenni mit de Eltere ha miese d Huusufgobe aluege. Do chame sich jo au e bizeli uf d Bedürfnis vom Chind irichte...z.B. wenn s Kind am Mittag frei het und au sälber öpis mitem Kind mache..sprich bi d Huusufgobe hälfe etc.. Ja du hesch richtig glese, au e Chindergärtner het Bedürfnis wome mues respektiere. Wenn es Chind d Huusufgobe nid cha/will elei mache, denn hilfsch halt zobe, wo ischs Problem wennde am Daag nid ume bisch??? |
| freitightDo 15.3.12, 17:41 | Zitat: Natalie1983 Du wirsch moll es Mami wo die Chleine an dr Leine haltet, stimmts? Genau..das isch d ELTERE ihri Ufgob...nid d Ufgob vom Tagi, d Schuel, em Kindergarte etc... Du würdsch dim Chind mit allne Mittel verbiete, die heissi Herdplatte azlenge, s chönt sich jo weh mache. Ich würds eimoll sage und wenns denn will dralenge sells doch denn: 1. Weisses denn, dass alles wo ich sag, wohr isch  2. Weisses us eigener ERFAHRIG, dass d Herdplatte heiss isch und nid nur vom höresage. |
| undprofillöscheDo 15.3.12, 17:47 | Woher willsch du das interpretiere wo du do uselohsch?!?? Willsch es nid schnalle oder chasch das nid verstoh wo ich schrieb??!! Ich bi eifach d Meinig die meiste Eltere mache sich das zeifach..stelle d Kinder in d Welt als Statussymbol und gähns drnoch nur ab! Und das verstand ich eifach überhaupt nid..mr muess sich halt au chönne entscheide, wänn beidi voll Bruefstätig bliebe, denn aber bitte ohni Kinder..oder chönne sie so reduziere, dass s Kind au no öpis vo d Eltere het.. Und all die externe Betreuigsagebot söt mr minere Meinig noch abschaffe..damit ebe d Eltere ihrne PFLICHTE als Eltere au mol nochechömme.... Und genau DAS..PFLICHTE wohrneh mache d Eltere wo d Kinder nur abschiebe minere Meinig noch nid.. und das isch nid extrem...das erläb ich immerwieder!!! Au das mitem Taxi usem KG abhole loh vo ere jewils fremde Person und ab ins Tagi drmit ha i mitbecho!!! Und d Kinder het das absolut NID guet do! Und die Eltere schaffe beidi 100%!!! Und sie häns nid nötig so viel zschaffe! Do frog i mi: WISO hän SÖNIGI Lüt Kinder?! Und genau so Fäll mein ich!!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©