passwort vergessen - registrieren

Festzeit.ch Forum » Kritik / Anregungen » Aaaaltes Festzeit

Autor Beitrag 1 - 15
BaselianerDo 27.2.14, 11:55
Ich find me sött mol inveschtiere ine neus Outfit vo Festzeit.. D Idee isch nach wie vor guet und i glaub nid das wägem FB alli abgöhn.. Aber wenn eifach sit Joore praktisch nix me gmacht wird, denn hän immer weniger Lüt luscht do druf z go..

Liebi OPs wenn mache dr wider mol chli öbbis?

Neus Outfit, neui Funktione??
VerhaltensoriginellDo 27.2.14, 15:50
Irgendwo het er gschribe, dass er nix meh dra mache wird. Het wohl neui Projekt usw. Nur scho es wunder, dass ers nonig vom Netz gnoh het .

FZ isch eh nurno für Trolls und alt Igsässeni.
1 mal bearbeitet, zuletzt Do 27.2.14, 15:53
VerhaltensoriginellDo 27.2.14, 15:58
Me chönntis zwar in Musikpark A2 umbenenne.. Hald eifach no mit me Trollforum und privati Bildli funktion .
BaselianerDo 27.2.14, 17:26
Het öbbis
VerhaltensoriginellDo 27.2.14, 18:08
Zitat: DrumAnalyzer
Het öbbis
Ebe gell ! Viellicht lebts A2 nurno weg FZ. Kenn kei schwein wo goht. Die wo gange sind hasses . Naja dr Quix liebts wohl. Jedem das seine.
RadioaktivesKindDo 27.2.14, 19:27
I bi für d ifierig vo nem Mastertrollorde!!!
TheHillsHaveSizeDo 27.2.14, 22:40
denn söllers verkaufe an öber wo freud dra hätti öbis neus druss z mache? isch doch soooooo cool gsi damals die zite mit fzpartys usw s het dr stadt e gwüsse halt geh und itze si widr alli am eigebrötlere
backinblackFr 28.2.14, 10:13
@ELFenseXxX - weri e gueti idee wenn me s ganze me freiwillige team wür überloh. I nimm mol ah s sin no paar webdesigner umme wo sich dra würded beteilige (Wenn dr quix inträsse dra wür zeige und paar anderi nerds würe mitmache wäri do sofort debi^^).

Agnoh me würi das ding dr aktualität apasse gohts zersch mole drum z analysiere us wellne gründ die meiste lüt ihres profil glösche hend und was me drgege ka mache. Mini vermuetig isch e hohe stellewert hen alli Type wo kei ahnig hen wie me fraue aschribt will si eif notgeil sin - me könnti jo so e art blacklist mache. Im sinn vo wenn öpper sich krass denäbe benimmt het dr Benutzer unter de Nochricht d Möglichkeit dr Blockiere knopf z drucke. Wenn de Knopf vo sage mir mol 10 verschidene Benutzer druckt worde isch chunt r uf e Blacklist. Und in de istellige cha jede Benutzer denn e Funktion namens "Lästige Benutzer automatisch blockieren" klicke...

Wenn me m FZ es neus zitgerächts Layout wür verpasse wär das schomole vil wärt.
Folglendi ideeä heti grad so spontan im kopf wie me festzeit attraktiver mache könnt:

- neus Layout
- Blockierfunktion: Blockiere vo Member söll dezue füere, das me dr ander Benutzer überhaupt nümme wohrnimmt
- Fründschafte sölled neu greglet werde. Sinnvoll wär, das me e Benutzer entweder als Fründ het oder nid. Wird e Fründ us m Kreis useglöscht söll das für beidi fründschaftskreise übernoh werde
- Eventuell e Registration / Loginfunktion via Facebook ermögliche, Verastalltige, Bilder und Forumiträg uf Facebook teile per button
- Benutzernäme eimolig setze (oder zumindest namensänderige Beschränke)
- Glöschti Benutzer vollständig entferne us allne Fründeskreis (Es tummled sich in jedem Fründeskreis sehr vil duregstricheni lüt umme)


Ich weiss die nöchste 10 Comments werde "du spinnsch doch bringt eh nüt me" lute aber finds schaad das nüt me dra gmacht wird... I dänk scho ellei dur e neus design und vil Wärbig würde einigi lüt us neugiir wider verbi go luege.
BaselianerFr 28.2.14, 11:25
@backinblack also i würd mol sage dass das genau e Aasatz wär, wie me s alte FZ wider könnt ins Läbe riefe statt eifach vergammle loh.. Super Idee

Villicht riefts jo sogar dr Quix wider ins Läbe
backinblackFr 28.2.14, 12:57
cool bini nid de einzigi wos so seht
FitnessgirlSa 1.3.14, 19:09
1 mal bearbeitet, zuletzt Mi 4.11.20, 07:48
VerhaltensoriginellSo 2.3.14, 13:57
Zitat: PeterGade
bi sehr selte im Forum, aber endlich mol wieder e tolle Biitrag...

Das mit em registriere find ich e sehr gueti Idee... zwar isch das mit dr handynummere scho glöst, aber es git doch no d'Option im Profil so einiges z'fake, wiä s'alter...

Es witers Problem wo ich seh, isch d'Tatsach, dass sich Minderjährigi, und ich red jetz vo de männliche, wiä au de wiibliche Persone, halbnackt darstelle do inne... Ich möcht niemertem vorschribe, wiä er sich do ine z'beneh oder z'zeige hett... aber ich find, e 16-jäährigi im Bikini am pose oder e 15-jäährige mit nacktem Oberkörper ghöre eifach nit ufe partysite...

aber leider dominiere so bilder d'charts vo de user Fotos... und das chas eifach nit si... s'söll e site si, wo meh partyföteli vo fz hett und wenn meh sich vonere andere partysite hett loh fötele, diä föteli au cha do ufelade...
Weg fotis vo fz dörfsch ja nurno is a2. Da isch kei partysite meh.. au sunscht isches out sich fotografiere zloh.. macht me jetzt ja selber / gegesitig mit de tolle smartphones wo jede debi het.

Idee vo FZ war super... aber hald nüm modern knueg.

1 mal bearbeitet, zuletzt So 2.3.14, 13:58
backinblackSo 2.3.14, 17:05
ja voll und ich dänk es weri nid so unrealistisch m fz e moderns gsicht z gäh d umsetzig weri immerhin 1000 mol eifachr als z.B s projekt GTA Basel
RadioaktivesKindMo 3.3.14, 16:09
Ach das mit dr Föteli hängt au drmit zämme das vieli süch nüm so gern im Usgang Fötele löhnd wegem Arbeitsgeber usw.
I bi au nid mol unglücklich drüber wenn in nem Nordstern oder so keini Fotiheinis uff dr Tanzflächi umerenne und dene grad alli aföhnd posse.
UrichDo 6.3.14, 13:43
Ich glaub es het dörts mol eifach en Overkill a Fotiportale geh.... Kei fäscht wo nit x so lüt umegschliche sind...

Als angemeldeter festzeit.ch Member kannst du Themen erstellen und auf Beiträge antworten.
 
Infos/Hilfe » ©