passwort vergessen - registrieren

Festzeit.ch Forum » Kritik / Anregungen » welche funktionen findet ihr wichtig?

Autor Beitrag 1 - 15
quixDi 25.1.05, 14:26
Wie ihr sicher scho gemerkt habt, musste ich einige funktionen deaktivieren. Ich habe so schnell wie möglich alle aufwendigen funktionen entfernt, damit die page sicher nicht deaktiviert wird!
ich werde versuchen langsam einige wichtigere/nützlichere funktionen neu einzustellen bis wieder ne meldung von der server-leuten kommt
also, was findet ihr wichtig? was vermisst ihr im moment am meisten?

es ist auch scho eine lösung in aussicht, die nicht zu teuer ist, die ich mit den paar franken von der werbung bezahlen könnte. ich werde auch auf dem laufenden halten.
ErklärbärDi 25.1.05, 14:50
[entfernt]
1 mal bearbeitet, zuletzt Sa 5.4.08, 18:08
tschugileDi 25.1.05, 14:56
also d USerbilder sin wirklich nid wichtig.. Aber was ich vermiss sind die neuschte Kommentär.. Die xhet me momentan praktisch niene mehr..

d userfotos monats charts isch sone kleine ersatz für die neuschte Userfotos.., miesst aber nid erhalte bliibe..
1 mal bearbeitet, zuletzt Di 25.1.05, 14:58
quixDi 25.1.05, 15:06
dr traffic isch där monet scho bi 88 gb, und wird ziemli sicher über 100gb go! siehe hier http://www.festzeit.ch/webstat/

funktion alli member isch no do, glich wie vorhär.

i wird versueche die neuschte kommentär wieder ine z'bringe. vilicht so dass es page nit jedes mol mit dr datebank ufbaut, sondern numme den wen öber e kommentar postet und den die page generiert und speicheret... halt so e eifachs cache-system, mol luege...

zum alternativ server han i scho e agebot, aber die hän e limit bis 100gb und den wirds schnäll tür...
daschDi 25.1.05, 15:16
neuschti kommentär sind wichtig, wie sölli sünscht umedisse

biz meh wärbig würd mich nid störe übrigens...
1 mal bearbeitet, zuletzt Di 25.1.05, 15:16
quixDi 25.1.05, 16:44
ha mol biz mini datebank-abfroge studiert... charts sin rächt ufwändig, also use mit däm. neuschti kommentär sin wieder dine.
apaturaDi 25.1.05, 16:46
mir chönte e festzeitparty organiesier!!!!

und jede cha den für dich spände!

den chasch au die türi variante wähle
und witer an dim kleine baby schaffe!

am wichtigste find ich die neueste kommentär...
aber wenn sie älter als 2 täg sind cha me se jo easy lösche!
wär luegt scho die neueste kommentär vo dr letschte wuche ah???
quixDi 25.1.05, 17:08
alter vo de kommentar macht kei unterschied, datebank-abfrog muess sowieso immer alli (ca 18'000) kommentär durego... und alti kommentär lösche möcht ich eigentlich nit...

aber i lueg dass es die tuet zwüsche-speichere, so dass es datebank nit muess abfroge bi de neuschte kommentär! jäjo, wird a lange obe/nacht nach dr uni...
TitaniuMDi 25.1.05, 18:16
Hehe shi*
dr Traffic isch jo brutal ahgschtiegä!!!
i denk das het au viel mit de veröfftlichung vo Privatpics?!
i würd do irgendwiä e begränzig mache!

hmm... jo mit dene kommentär isch scho e schwierigi situation!
das verursacht megaüberlaschtig an dem arme server!

chönte die nid irgendwiä e bessere agebot mache?! preis/leistung verhältnis ahpasst! ich mein sie hei di bis jetzt au unterstüzt!
quixDi 25.1.05, 18:46
chapter7 isch e kleineri firma. sie könne sich vilicht gar nit so e server leischte wie ichs bruch... i bi mit ihne in kontakt und mir luege was me ka mache. mir wärs au am liebschte wen i jetzt nit gross bi allne web-hoster muess nachm sponsoring froge...

abr i glaub mitm caching söts möglich si page grob uf dr alti stand z'bringe. charts-page ka me z.b. nur all 6 stund oder so neu mache. kommentar-page nur den neu mache wen e neue kommentar kunnt und so sache. i gib mir müeh dass i das hüt obe/nacht zum laufe bring. isch biz blöd dass i mi jetzt au uf prüefige söt vorbereite

privatpics sin an sich kei problem, sie bruche einiges an speicherplatz (momentan öbe 250Mb) aber sie wärde jo nit soo oft agluegt. s'problem isch system-belaschtig (cpu/ram), also, datebank und php verarbeitig.
1 mal bearbeitet, zuletzt Di 25.1.05, 18:51
ErklärbärDi 25.1.05, 20:15
[entfernt]
5 mal bearbeitet, zuletzt Sa 5.4.08, 18:08
quixMi 26.1.05, 05:13
sodeli, caching vo de chartspages lauft.
die erschte 5 site vo de top3 charts sind statisch (all 3 stund erstellt), die räschtliche dynamisch. mir fallt grad i dass me das fiiner könnt iteile, erschti page all stund, die nögschte 5 all 6 stund, und alli all 24 stund, so irgendwie in däm stil, i überleg mr das nachm schlofe.

die andere charts (alltime, alltime user, month user) sind ganz statisch. (all 12 stund erstellt)

bi de statische pages stoht unte jewils wens gmacht worde isch. ha das mol provisorisch gmacht damit i easy ka gseh dass es lauft

ka keini crontabs bi mir mache und dr admin isch morn (hmm... also hüt ) dr ganz tag wäg um mir das z'aktiviere (ka me im plesk-tool). ha aber bim leech-pc/fileserver dehei e browser laufe lo und där ladet das file all 3 stund neu.

chapter7 wird mir e adäquate server könne biete, wo i mir au leischte ka, aber früehschtens ändi februar.

ha mol nach biz genauere agobe gfrogt was den genau z'feschte belaschtet wird, mol luege was use kunnt. aber i glaub i wird page scho wieder ganz uf dr alti stand (funktionsmässig) könne bringe. i wird versueche no paar witer pages z'cache.
guet nacht
SaraMi 26.1.05, 20:52
also was ich vermiss: das rändli umes pic wenn öppis drzuegschribe worde isch! (i mein wer het scho bock jedes pic azklicke nur um zluege ob dört öppis stoht??)
monats dings isch zwar lessig, aber als kompromiss das wegzneh oke
ErklärbärDo 27.1.05, 08:40
[entfernt]
1 mal bearbeitet, zuletzt Sa 5.4.08, 18:08
quixDo 27.1.05, 11:00
jup, die föteli-übersichte sehn so komisch us ohni die rähmli
me ka in dr datebank no bi jedem föteli speichere wieviel kommentär es het, und den könnt i das grad mitm föteli usläse und wär somit fascht kei mehr-belaschtig. wird i sicher au irgendwen mol mache!

Als angemeldeter festzeit.ch Member kannst du Themen erstellen und auf Beiträge antworten.
 
Infos/Hilfe » ©