Festzeit.ch Forum » Sonstiges » SVA - Umfrage
| Autor | Beitrag 1 - 15 |
|---|---|
| kevDi 24.6.08, 21:51 | Also wie de titel scho seit isch de thred do denkt für mini SVA umfrog... s Thema isch: Energie Herstellig vo Neuseeland Vergliche mit dere vo de Schwiz: Dänket ihr das d Schwiz das au so könnt mache?? Hintergrund Infos: Neuseeland produziert im moment 70% vom benötigte Strom us erneuerbare energie quelle wie Wasser, Geothermie, Wind etc...Bis 2020 settes 90% si (selber gstellts Ziel vo de Regierig) Bitte numme ernsthafti antworte...es isch für mini SVA. merci |
| JunoDi 24.6.08, 22:07 | also ich find, mir chöne das durchus au mache. nur sind di herre echli z'fuul zum sich an d'arbet z'mache  friehner oder spöter müend mir das sicher in betracht zieh! |
| holysmokeDi 24.6.08, 23:00 | jo das wäri e geili sach au wemmes nit 1:1 ka übernäh, vor allem wäg de uswirkige ufd umwält (staudamm, "ärdbebe" durch geothermie-borge) |
| tschugileMi 25.6.08, 07:40 | das isch vo diverse Sache abhängig.. - Verglich Bevölkerigsdichti (Platzmangel ?) - Verglich Umweltiflüss (Windstärki ?) - Geologie (Basel = Erdbebenzone) - Topographie |
| SnörebrääädMi 25.6.08, 08:05 | also ächt, dass d Geothermie würd richtigi Ärdbebe entstoh lo glaube würklich no paar Lüt?  |
| holysmokeMi 25.6.08, 08:08 | näi, aber dasme e unguets gfühl debi het kani verstoh... finds au schaad dases abbroche isch jetz... |
| SnörebrääädMi 25.6.08, 08:25 | pff und guets gfühl. hätti die trottlelüt wo sich so dermasse drüber beschwehrt hän d infos wo sie becho hän duregläse, wäri sie über d möglichkeit vo chline ärdbebe informiert gsi. hjanu, s git halt scho viel dumpfköpf |
| holysmokeMi 25.6.08, 08:27 |  aso i verstand au nit wieso diä so panik gmacht hän wägem teilchenbeschleuniger im cern wärdemer jo ehh gli alli imene schwarze loch verschwinde |
| SnörebrääädMi 25.6.08, 08:29 | odr mr sinds scho abr wüssets noni, und bald chömme d aliens und d dinosaurier uf ei schlag  und d geischter, gnome und dämone natürlich au  |
| finelineMi 25.6.08, 09:00 | Das isch ebe so e sach. Einersitts will me erneuerbari energie, andersitts will me jo nütt an dr landschaft verändere. Ich wär absolut defür, dass me afoot rigoros Windkraftwärk uffstelle. Mir händ so vill Wind. Vor allem in de Hügelregione vom Jura. Wär problemlos möglich. Andersitts solarenergie. Ich bi jo wirklich kei griene. Aber grundsätzlich sött kei huus meh baut wärde dörfe, wo keini Solarzälle uff em Dach hett. Ha jedoch s'gfühl, dass das vo dr Energielobby e chli brämst wird. Schunsch wär s'solargschäft scho einiges billiger. --> Solar hett am meischte potential. Uff jedem Huusdach hetts platz. Aber klar, do dra isch d'wirtschaft nid interessiert. Was bringt scho e sälbstversorgende Huushalt? 1 mal bearbeitet, zuletzt Mi 25.6.08, 09:00 |
| NarrenkönigMi 25.6.08, 17:03 | Also befor d Schwiz die erneuerbare Energiequelle witer förderet sötti sie lieber zerschtmal defür sorge das gnueg energie für die Förderig vorhande isch (z.B. Atomchraftwärk) und i de schwiz gits leider net alzuviel möglichkeit um so "Natur"-Eenergie z nutze d möglichkeite vo Wasserchraftwärk oder Windchraftwärk sind so ziemlich usgschöpft |
| samMi 25.6.08, 17:38 | ach nöö isch doch alles z'stressig.. atom stom findi no bequem.. |
| kevMi 25.6.08, 19:40 | Zitat: sam jo das isch e eifachi lösigach nöö isch doch alles z'stressig.. atom stom findi no bequem..  abr erstens het d schwiz kei Uran im land, kei endlager udn denne isch s uran nit unendlich...udn zu de erdbebe vo Basel: das isch ei art wie me Geothermie kann benutze...me ka die löcher au eifach konventionell bohre, nit mit wasserdruck...denne wäri das kei problem... zum tschugi: NZL het knapp 4.5 Millione iwohner wo abr ufere flächi verteilt sind wo grösser isch als Grossbritannie...also hets zwar weniger storm brucher, die sind abr au witer verstreut. Da smitem wind stimmt, wobi ich au nit dr meinig bin das mit wind alli problem glöst wärde (ebbe wägem platz) es topmoderns geothermal kraftwerk ka uf de gliche fläche wie es AKW brucht öppe glich vill energie liefere will me de dampf au als fernwärmi kann benutze. d |
| kevDo 26.6.08, 18:50 | kömmet scho das set e umfrog wärde...schribet euchi meinig ihne |
| NarrenkönigSo 29.6.08, 18:16 | also de dampf vom Atomchraftwärk chönti me tearetisch au für heizigs zwäck nutze. s problem isch nume das i de zit wo das ganze uf cho isch, s grücht berbreitet worde isch das de dampf wo us em chüelturm vomene AKW verstrahlt sig und d lüt händ das leider au glaubt suscht würd me die energie hüt au nutze |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©