Festzeit.ch Forum » Sonstiges » china zensur
| Autor | Beitrag |
|---|---|
| TseddiDi 6.6.06, 16:25 | ok ich weiss politischi theme sind do nid extrem erwünscht trotzdem wüdi gärn wüsse was ihr vo dere chinesische zensurpolitik wo mittlerwile bis nach europa läng haltet. do mol es paar infos http://www.20min.ch/tools/suchen/story/14759159 http://www.dieneueepoche.com/articles/2006/06/03/26605.html "Die Olympischen Spiele 2008 in Peking dienen nur dazu, dem totalitären Regime ein besseres Image zu verschaffen" stoht gschriebe...was meinet ihr dezue????? 1 mal bearbeitet, zuletzt Di 6.6.06, 16:29 |
| PetitJackBauerDi 6.6.06, 16:32 | Naja weds drs hüt mit China versausch, hesch eifach dr wichtigscht Handelspartner verlore, das isch ds Problem... |
| TseddiDi 6.6.06, 16:34 | jo aber wen das so wiiter goht wird china immer e grösseri bedrohig fürd ganz wält... |
| EdHardyDi 6.6.06, 16:49 | es isch halt so dass mir westeuropäer und amerikaner zerrscht ufs portmonnaie luege und d menscherechtssituation ime fremde land e gringeri rolle spielt...das wird sich aber au nit ändere...d chinese müen ihri erkenntnis selber bekoh und i dänk das wird au koh (villicht nit grad so krass wie in dr schwiz und usa womer fascht zuviel demokratie hän), aber je bessers denne dört ähne goht, desto mehr freiheit wänn si au.. |
| immaDi 6.6.06, 20:08 | @EdHardy Was isch z viel Demokratie? Überleg mol das ca. 90% vo allne Volksabstimmige wältwit (also nid politikerwahle) in dr schwiz stattfinde! Zu China: d chinese händ e gwüssi revolutionstradition, vo dämhär isch es möglich, dass das regime nüm lang anehebt... dänk mol aber dass das nid de fall si wird wil s problem ibetrifft jo weniger d chinese (scho au, ich weiss)... aber solangs emne land wirtschaftlich guet got und d lüt nid hungere gits sälte umstürz... gege d menscherächtsverletzige chasch au relativ wenig mache im momänt, do d USA kei grosses Interässe händ öbis gege menscherächtsverletzige z unternäh... die händ jo sälber gnue problem dermit! s ganze problem dreit sich um 2 riesigi mächt gege die me nur sehr begränzti möglichkeite het - aber die mues me packe will sich süsch gar nüt bewegt! |
| EdHardyDi 6.6.06, 21:37 | jo i ha das scho so gmeint mit zviel demokratie ..es isch jo schön und recht dass mir über jede furz könne mitentscheide und das kah jo au nur in some kleine land wie dr schwiz funktioniere. mängmol frog i mi efach scho, ischs jetzt nötig dass meh über so belangloses züg entscheidet, s verlangsamt efach gwüssi prozess extrem..aber reforme sin jo im gang (ischränkig vom verbandsbeschwerderecht, dass meh z.b. denne umweltverbänd endlig mol ihri fascht scho staatlich-amuetendi macht wegnimmt)jo mir isch klar dass d chinese au nur uf sich luege aber es git genau 2 möglichi lösige. entweder d tibeter kämpfe drum (und denn gön si wohrschinlich unter) oder d chinese merkes irgendwenn sälber. nur well in china e boom isch heisst das nit das de lüt guet goht. e riese teil vo de chinese lebt uf em land und profitiert no praktisch nit. wenn sich jedoch e mittelstand bildet und dr wohlstand ufegoht und e grösere bevölkerigsteil e gueti bildig het, het sich in dr gschicht zeigt, dass s volk au mehr freiheite forderet. weg de menscherecht: es stimmt, dass d usa oft still sinn wenns um das thema goht (z.b. mit russland-tschetschenie wo sichs um e gmeinsame kampf gege dr terror handlet) aber china wird scho au vo de usa kritisiert (villicht weniger weg de folterige und so), meh weg dr medie und wirtschaftsfreiheit...aber i würd d usa nit grad mit china uf ei stuefe stelle .. |
| immaDi 6.6.06, 21:45 | wäg dr demokratie: die isch scho nur in dr schwiz eso... ich finds aber trotzdem guet! s bringt eifach au e gwüssi kontrolle über politiker wenn si nid eifach für 4 joor gwählt sind und chöned mache was si wänd (-> lueg frankrich ah! die politiker händ kei ahnig vo de sorge und nöt vom volk!)das wäg dr landbevölkerig isch au sone sach... die lüt händ johrhundertelang praktisch no im mittelalter gläbt und vo dr regierig in peking nüt mitbecho... in däre ihrem läbe het sich au bis jetzt no nid viel gänderet, bis uf e flucht in d dtädt vo de junge... und d usa hani überhaupt nid uf ei stuefe welle stelle mit russland... s isch nur so dass sie nid z lut wäge menscherächt sötte umeschreie bi däm wo im momänt abgoht im irak...! |
| EdHardyDi 6.6.06, 21:59 | i glaub s beschte (und villicht au s enizig vernünftige ) wo mir europäer mache könne, isch efach immer wider meh recht für d chinese und tibeter ifordere...dr räscht müen die selber mache (denn ehrlich gseit ischs jo nit unsers problem |
| MountainLABDi 6.6.06, 23:02 | aso ich stand china in villne pünkt skeptisch gegenüber bsunders mit em rasante wirtschaftswagstum und so. Die Umweltverschmutzig isch dört voll heftig und jo d menscherecht si recht umstritte aso ich ha über d politik vo china nid so e gueti meinig |
| TseddiDi 6.6.06, 23:28 | @EdHardy es isch sehr wohl eueres problem stell dr vor wen chinese ihri macht immer meh usbaue gnue militärischi macht hend sie jo |
| EdHardyDi 6.6.06, 23:46 | jo was wänn si usbaue? ihri armee? und uns denn agriffe ..i bi china gegeüber au oft sehr skeptisch aber meh kah das wachstum nunmal nit ufhalte und mir profitiere jo au drvo..lueg schlussendlich ischs villicht au guet so, well mr immer wie meh vonenander abhängig sin...wieso sötte si uns irgendöbbis atue welle, si bruche uns als import wie au export markt. i verstand dini sichtwies scho.i mein wenni vo tibet würd koh oder mini wurzle dört sinn hätti au e grooses problem drmit aber für mi persönlich gits wichtigeri problem, nämlig söttigi in unserem land ..aber jedem sini meinig |
| TseddiMi 7.6.06, 00:13 | jo ne aber will sie jo abhängig sind vo uns stört sie das viellicht und griffewürkli a was au sehr unwahrschinli find...aber wer weiss militärmacht hätte sie und hends au scho zeigt |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©