Festzeit.ch Forum » Politik / Religion » Rechtsradikale Personen
| Autor | Beitrag 1 - 15 |
|---|---|
| AimanteFr 4.7.08, 00:27 | Mini frog isch wie gönder mit dene um? Diender sie mit Verachtig behandle? Würdet ihr mit sonere Person i usgang go eis trinke? Akzeptieret ihr d Meinig vo ihne? Versuecht ihr uf se i z rede? Also die Frog stell ich mir will ich als Fotografin a gfrogt worde bi vo einere sie z fötele, und sie het mer klar gmacht das sie stark rächtsradikal isch und das will uf de Bilder darstelle. I hanere denn klar gmacht das sie gärn mit em Schwizerkrüz cha cho aber alli andere krüz willi nid gseh. Jedefalls hets mi irgendwie vore moralischi frog gstellt da ich als Usländere jo denn e Diestleistig für so eini würd mache. Aber anderersits wenn ich se nid akzeptier bini ja nid besser als sie willi ja denn au e Menschesorte nid akzeptier. Wie würdet ihr euch Verhalte? |
| schinzzFr 4.7.08, 00:31 | guet frog!! hm i ha mr au scho gedanke drüber gmacht, zum bispiel über gwüssi persone wo mit mir no ind sek gange sin, dört no gueti kollege gsi sin und jetz voll in die rächti szene "verrutscht" sinn.... ich find jede sött jede sini eigeni meinig ha und die andere so guet wie möglich respektiere, wie du seisch es wär jo genau s gliche wend si au anderscht würdsch behandle... i find wemmes nid übertribt den ischs ok. ebe mit em schwizerkrüz und so.. aber ebe sobalds den mit andere krüz odr posene extrem wird den würdi mi ganz sichr au klar distanziere... |
| AimanteFr 4.7.08, 00:37 | Ja sie het z.B. e riese Combat 18 tättovierig uf em rucke. Isch ja e Unterorganisazion vo Blood and Honour. Also jo isch es würggli sehr extrem. Und ebe i mein die Rächtsradikale wonich kenn die gönd au mit Usländer in d Schul und göhnd normal mit dene um, also miesste mirs ja au mache. |
| 9606Fr 4.7.08, 01:29 | ich kenn no vell usde rächtsradikale szene. ich selber ben au ned grad links.solang s thema mettemene linke ned grad öber politik esch, wenni met öberem rede, laufts eigenlich emmer normal ab |
| TiefenweltenFr 4.7.08, 05:59 | Zitat: Feldschlössli92 scho so.. ich kenn no vell usde rächtsradikale szene. ich selber ben au ned grad links.solang s thema mettemene linke ned grad öber politik esch, wenni met öberem rede, laufts eigenlich emmer normal ab  lol @Silent Hill.. nice^^ Ich als ebefalls Fotograf würds nid mache  1 mal bearbeitet, zuletzt Fr 4.7.08, 06:00 |
| SubsonicParkFr 4.7.08, 07:36 | Zitat: Aimante -normalMini frog isch wie gönder mit dene um? Diender sie mit Verachtig behandle? Würdet ihr mit sonere Person i usgang go eis trinke? Akzeptieret ihr d Meinig vo ihne? Versuecht ihr uf se i z rede? -wieso? -jep warum nicht wenn die person zahlt -nein... aber me muess jo au nit immer über die politischi istellig rede.. -nein, wieso au? bringts ja nit..  1 mal bearbeitet, zuletzt Fr 4.7.08, 07:36 |
| d0mEFr 4.7.08, 08:30 | oh gott das thema wieder, me ka doch die politischi ihstellig nid als s wichtigschte betrachte, das isch eifach zweitrangig, oder kündet ihr e fründschaft zu öpperem nur will er rächts wird? allerdings kann ich mit ere rächtsradikale ihstellig nüt ahvo.. und ehrlich gseit mit ere voll linke ihstellig genauso wenig |
| TwinnieMom79Fr 4.7.08, 09:05 | s schlimme isch, das die rechte eifach NÜT glernt hend uss dr vergangeheit!!!  es gitt genau so schwizer wo arschlöcher sind! wie in JEDEM land! und ich ghei dure, wenni gseh das z.b e rächte uffe farbige los goht, nur well er anders isch!!!! do wirdi zum TIER!!!!! ha nüt gege ussländer,solang si sich es stückli witt apasse. und rassismuss isch eifach untersi schublade!!!!!!!!!    |
| digitalrebelFr 4.7.08, 09:12 | hm ... e interessanti Froog wo ich mir au scho gstellt ha .... mit eso jugendliche Argument wie "Fick Faschismus" kame die Frog aber glaubs nid abschliessend beantworte, do bruchsch e bitz besseri Argument. Nimm emol s Bispiel vome Fotoreporter, wo in der rechte Szene e Dokumentation macht. Er *dokumentiert* was dört abgoht, wie sich d Lüt verhalte und wie si ussehn. Heisst das automatisch, dass er das guet heisst, oder sich dermit identifiziert, was die mache? Ich glaub nid umbedingt, will er ebe jo nur "dokumentiert" ... er grifft nid i und macht au nid mit. Und die Lüt würde s genau gliiche au mache, wenn kei Fotograf drbii wär. Natürlich, wenn er nid selber "rächts" isch, denn wird er ufpasse, dass er die rächte Szene nid verharmlost oder glorifiziert, sonder knallhart so darstellt, wie sie isch. Jedes Foto isch uf e art "subjektiv" und seit genausoviel über dr Fotograf us, wie über s Sujet. Ich denk, du muesch dir überlege, ob du die Fotos neutral als "Beobachter" könntisch mache, und s dir egal isch was du fotografiersch, solang d Kohle stimmt. Solang du nüt illegals muesch dokumentiere (aso z.B. Hakenkreuz oder Hitlergruess (in dr CH verbotte!) oder so, denn würd ich sage, kasch die Fotos mache. Weil, nur durchs Boykottiere vom Shooting änderisch die Dänkwiis vo dene Lüt eh nid ... denn kasch genau so guet dis Geld drmit verdiene. Aso, ich persönlich würd's mache, obwohl ich tendenziell politisch eher links bi. Ich ka das relativ guet vonenander trenne und bi sehr offe und neugierig, "anderi" Denkwiise und Wältbilder kenne z lehre. Guetheisse muesis jo drwäge trotzdem nid. |
| AimanteFr 4.7.08, 12:50 | jo es isch ebe scho so, das sie mer sogar sehr sympathisch ihne chunnt (vorallem isch sie Bildhübsch). Ich wird d Bilder wohrschiins au mache, vor allem will ich ihre gsait ha sie söll eifach kei Wort über ihri politischi istellig verliere  dOmE: Äntwäder checksch es nid oder du bisch e chli uf de Kopf gheit: Ich = Ausländerin (IT und Dütschi) und vorallem au wegem Dütschland seeeehr sensibel uf Hitler und Hackekrüz etc. Sie = E Ahängerin vom Hitler und er isch schliesslich defür gsi Usländer um zbringe. Also bitte chum nid mit "es goht nid um die politisch istellig" - solangs nid extrem isch NEI. 1 mal bearbeitet, zuletzt Fr 4.7.08, 12:51 |
| WidarFr 4.7.08, 13:10 | i dänk, solag si nid mit in dr schwiz verbottene symbol agrennt chöme (hitlergruess, hogekrüz) isches ok. wiso sött me die lüt denn verachte? wenn du das machsch bisch genau so intollerant, und diskriminierend wie si sälber au sind. und i bezwifle das du dich uf das niveau abeloh willsch, oder?  |
| AimanteFr 4.7.08, 13:36 | Ebe liis mi text denn gsehsch dasich das so gseh wie du  |
| HazardousFr 4.7.08, 14:09 | Wie scho öpper gseit het.. solang sie keini "Parole" und rächti Propaganda im Hintergrund ha will, wieso nid.. Sie isch e Mensch wie jede andere au obwohl sie e (extrem) fragwürdigi politischi Meinig het. Usserdäm rede viili dum ums Thema umme.. es goht nid drum ob dir e rächte Kolleg würdet wölle, sundern ob sie die Frau/das Mäidli fötele söll. ^_^ |
| proiureFr 4.7.08, 14:24 | wennde professionell bisch, ziehsch es dure. drbi kasch sicher uf dini wärt achte und keini föteli mit rechtsradikalem ghalt usw. mache (sprich keini hokekrüz und sunsnchtigi neonazi symbol, und au C18, 18, 88 usw...) |
| AimanteFr 4.7.08, 14:38 | projure: Wird schwer, sie het e riese tattoo mit combat 18 ufem rucke |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©