Festzeit.ch Forum » Sonstiges » BruefsMatura Infos, Vorteil und Noochteil
| Autor | Beitrag |
|---|---|
| TzarkanDi 15.7.08, 22:13 | ha die kaufmänischi gmacht. weis nit öb das e vrglich zue de technische isch muesch abr sichr mitemene höhrere niveau und eme schnälle tempo rächne. denn gits gnueg test und projekts. abr wenn einigrmasse gschies bisch und chli öbis masch schötsch es schaffe |
| VillaniDi 15.7.08, 22:42 | hets hani bruefsmafia gläse  bruch glaubs e brülle |
| BorstiiDi 15.7.08, 23:36 | Ich ha die Technischi BM Lehrbegleitend gmacht... Fächermässig hesch Englisch, Französisch, Dütsch, Mathe, Physik, Chemie, VBR (Volks-, Betriebswirschaft und Recht) und no Gschicht. Chemie isch bi uns halt alles Theorie gsi und es ganz weneli rechne Mathe isch halt viel Geometrie, Gliechiege (mit mehrere unbekannte -> x,y) und natürlich quadratischi Gliechige und Vektore chömme au dra... Im VBR isch sones fach wo du eifach muesch lehre und Gschicht au... Englisch isch niit so schwierig. Vorteil isch das du Priefigsfrei an FH chasch go, nochteil isch dass du für technischi brüef (an dr FH) viel zwenig MAthe hesch ... nach dr BM chasch au passerelle mache (bechunsch die eidg. Matur) |
| chillthelonghongbongMi 16.7.08, 00:44 | kasch jo au grad die eidgenösisch mache andstatt so ewigs sinnlos in dr schuel umenanderzhuere... 1 mal bearbeitet, zuletzt Mi 16.7.08, 00:45 |
| ShakezMi 16.7.08, 10:24 | techn. Bruefsmatur isch eigentlich relativ easy zum mache, wenn de einigermasse öppis in dr Biire hesch isch das absolut kei Problem, vorallem wenn de sie nid nach dr Lehr machsch. Du chasch dr au erlaube in eim Fach nid so dr Hammer si (be mir Fransösisch gseh) und bestohsch sie trotzdäm ohni Problem. I han chli Problem gha mit dr IDPA (Interdisziplinäre Projektarbeit), bisch halt abhängig vo andere, muesch in dr Regel ihm Team schaffe, und naja, mir händ dört zimmli vrseit...  I würs uff jedefall mache! |
| finelineMi 16.7.08, 10:27 | Für mi hetts e mächtige vorteil. Ich ha e lehr gmacht und mir isch bewusst worde, dass ich mi doch nid so wohl fühl in däm bruef. Dank dr bruefsmatur hani jetzt x möglichkeite zum e studium aazfo und zwar au näbebrueflich. und do bini mega froh. |
| ShakezMi 16.7.08, 10:30 | Zitat: fineline Das stimmt! I han z.B. Chemielaborant glehrt und fang nöchscht Johr näbe mim Bruef d Technikerschuel für Informatik ah... D BM bringt extrem Vorteil!Für mi hetts e mächtige vorteil. Ich ha e lehr gmacht und mir isch bewusst worde, dass ich mi doch nid so wohl fühl in däm bruef. Dank dr bruefsmatur hani jetzt x möglichkeite zum e studium aazfo und zwar au näbebrueflich. und do bini mega froh. 1 mal bearbeitet, zuletzt Mi 16.7.08, 10:31 |
| DrumminatorFr 18.7.08, 22:51 | i ha au d BM nach dr Lehr nochegholt (die Kaufmännischi). Eus hei si gseit, dass die Version vo dr BM eigentlich uf enes Studium annere FH (Fachhochschuel) abzielt. I muess säge, dBM in Vollzit isch no rächt easy gsi und bi im Nochhinein froh, dass is gmacht ha. Ha jetz a dr FH mi Traumjob gfunge.  |
| ArkinaMo 21.7.08, 11:08 | Ich ha au die technischi bruefsmatur gmacht ka.... französisch hani 1.5 joor friehner abgschlosse, isch so üblich gsi bi de sproche eifach gucke, nie e dütsches wort bruche  das isch selbschtmord dütsch hani miesse 6 biecher läse, drei drvo sind für die mündlichi, do wird eins ussgsuecht und denn muesch verzelle, was das buech will ussage gschicht isch bi mir numme schuelnote gsi, will das duet all joor abwächsle mit VBR... äntwäder VBR oder Gschicht Priefig mathe, hehe die priefig ohni hilfsmittel isch überraschender eifacher gange, drfür die mit hilfsmittel voll ind Hose, nid numme bi mir, bi fascht allne andere au  und bi dr mündliche hesch ungefähr chöne ussueche in welli richtig de abgfrogt willsch wärde, dank dere hän alli Note extrem chöne verbessere chemie, die hani am eifachschte gfunde... naja isch halt individuell physik weissi gar nümmi Projäktarbeit isch voll easy gsi, do sind divärsi "kürs" vorgstellt worde und denn het me chöne ussueche was me will mache.... ich ha e homepage gmacht mit 3D CAD teili dinne weiss nid obs alli fächer gsi sind, aber ich has eigentlich no relativ easy gfunde, ich ha nid wirklich soooo viel glernt. Ich ha se au Lehrbegleitend gmacht |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©