Festzeit.ch Forum » Sonstiges » Froge beträff Piercing
| Autor | Beitrag 1 - 15 |
|---|---|
| TinaTequilaSa 23.8.08, 22:45 | Also, ich ha vor mir uff min 16 Geburtstag es Chieni Piercing lo z'stäche, Unterschrift vo de Eltere hani scho fasch  Und jää.. ich has mr würklich guet überlegt...Nur hani jetzt no es paar Froge: 1. Wär vo euch het schomoll Chienipiercing kah? resp. hets immerno? Wenn jo händ ihr irgendwelchi Problem mit em Zahnfleisch kah? Und wenn ihrs scho usegno händ, hets problem gä mit em zuewachse? uuund 2. Welles Studio würdet ihr mir empfähle? Mi aktuelle Favorit wär XS- Bodyart.. Merci schomoll für d Antworte |
| DeviLiCiouSSo 24.8.08, 10:22 | Also e Kinni-Piercing hani jetzt nid, aber es Labret links.. Ha's no din und keini Problem..au mit em Zahnfleisch nid.. Ha ebe e plastik Piercing, wo dZähn weniger schadet..also minere Meinig gar nid! Sind zwar nid grad günschtig, aber glaub mer e Zahnarztbehandlig isch türer!   S'zuewachse isch halt sone Ding..wenni bim Uswächsle vo de Piercing nid umetrödle due, wachst bi mir grad zue!  Während es bi minere Kollegin gar nid zuewachst, obwohl si es unter de Wuche kei Piercing dri duet!Und ich bi au bim XS-Bodyart gsy. De wirsch guet ufklärt über möglichi Schäde, är goht uff dini Wünsch i (sprich, wenn de e Ringli und e Stecker trage willsch, muess är anderscht stäche) und bi ihm wird alles mit Betäubig gmacht, es sei denn du bruchschs nid! Hoff es het dir gholfe! |
| YelinaSo 24.8.08, 11:25 | ich ha sid öpe 2 mönet es labret rechts, ich has bim bela-piercing am barfi gmacht, ohni betäubig, isch aber nid schlimm gsi, nur ungwohnt am afang. ha zerscht es ringli drin gha und etz es steckerli us plastik, will ich sgfühl gha ha, dass mer s'metalteil die ganz ziit an eckzahn gschlage hed. zum Bela-Studio mussi säge, sie hed guet gschaffed, allerdings hed sie bim ringli de ball nid richtig ineklemmt gha und er isch mer abgheit und ellei hanis nid gschafft, wieder inemache, sie isch aber sofort bereit gsi, mier das kostelos wieder inezmache am gliche tag. |
| timmySo 24.8.08, 11:58 | i ha mir au scho eins bim xs-bodyart gmacht..i has super gfunde, wenni widr eins würd mache, denn dört |
| TinaTequilaSo 24.8.08, 12:54 | Okay das dönt jo schomoll guet Ich dänk emoll ich wird au zum XS Bodyart go, bsunders das mit dr Betäubig dönt jo sehr sympathisch Merci für d Antworte |
| YelinaSo 24.8.08, 13:00 | ich ha d'erfahrig gmacht, dass d'schmerze umso heftiger chömed, wenn d'betäubig nachelahd, als wenn mers ohni betäubig steche lahd, aber wenns dis erschte piercing isch, isch verständlich, wenns mit betäubig machsch. |
| GodSpeedPhotographySo 24.8.08, 13:10 | gang eifach nid zum bodyart ide kinostross zbasel---schlecgti erfahrige gmacht |
| DeviLiCiouSSo 24.8.08, 13:20 | ich hör das permanänt vom bodyart...was goht denn dört ab? |
| MüllerliSo 24.8.08, 13:35 | jo aber zu dem bodyart ide kinostross muesch würklich nid goo! hamer dert au eis stäche loo und also nid grad soo gueti erfahrige gmacht....! |
| YelinaSo 24.8.08, 13:45 | was genau isch denn so schlecht bi dem bodyart?  |
| gothabellaSo 24.8.08, 13:56 | also wär e suuuper studio suecht söll do ahne: http://www.skin-art.net/html/10_studio.htm die sin guet und viel günschtiger als z basel |
| hanauSo 24.8.08, 14:32 | wtf isch e chini piercing? durch s´kinni oder was? O_ó |
| TinaTequilaSo 24.8.08, 19:27 | Zitat: YouDeserveToDie Jo im "kinn" für mich isch das halt s chieni wtf isch e chini piercing? durch s´kinni oder was? O_ó (Korräkt heissts jo glaubi Labret, aber es Labret isch für mi e Lippepiercing...)Aber über das in dr Steine hani au eher schlächts ghört...(das meinet ihr doch,oder? ^^) @Yel: Meensch, du machsch mr angscht |
| YelinaMo 25.8.08, 07:48 | ja, sorry, aber piercings und au tattoos sind halt verletzige vo de huut, ohni schmerze gahts halt eifach nid. |
| labdancerMo 25.8.08, 09:21 |  und irgendwie miendsi jo de beriich au betäube und öb me sich jetz e sprützi lost loh geh odr grad sstäbli duresticht, chunnt jo eigentlich ufs gliiche a, usser dass me denn zwei mol gstoche wird und die schissbetäubig no brennt wie sau! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©