Festzeit.ch Forum » Sonstiges » "Schutz vor Passivrauchen"
| Autor | Beitrag 31 - 45 |
|---|---|
| digitalrebelDo 4.9.08, 08:49 | Ich find in Ess-Restaurants sött me s Rauche verbiete. in Bars und Diskotheke sött me's nid verbiete ... aso was söll me jetzt go abstimme? Jein ? Ich rauch selber (wenig) abr i finds eifach gruusig, weni inere Beiz was iss und mi näbedra eine vollqualmt ohni Rücksicht. Dass d Raucher sone schlächts image hän, will si eifach überall müen ihre Glimmstengel azünde, kani nochvollzieh, au weni sälber rauch. Aber i lueg wenigschtens dass es niemer ander stört. 1 mal bearbeitet, zuletzt Do 4.9.08, 08:51 |
| ArkinaDo 4.9.08, 08:49 | Zitat: YeI yel würdisch du mit mir mitcho in e nichtraucherrestaurant? wenn grad näbedra genau gliche restaurant git mit em genau gliche agebot, halt eifach e Raucher isch?Zitat: Arkina jap, alli raucher sind so.... ich ha mol die unglaublichi situation erläbt, das me nit mit mim auto het welle neume annefahre, will in mim auto nid graucht wird.. denn bi ich halt in es raucherauto.... es isch e fahrt vo knapp 20min gsi  |
| ArkinaDo 4.9.08, 08:51 | Zitat: MythINC in mim auto isch au no nie graucht worde und das blibt au so... aber dä satz "aber bi ihre cha me denn nid rauche" das löst bi mir kopfschüttle ussi auto hanis bis jetzt aber immer duregsetzt und wenn halt nur mis nichtraucherauto umme isch, werde die lüt ganz schnell brav |
| YelinaDo 4.9.08, 08:52 | Zitat: Arkina klar, bim ässe hani's au lieber, wenn nid graucht wird. yel würdisch du mit mir mitcho in e nichtraucherrestaurant? wenn grad näbedra genau gliche restaurant git mit em genau gliche agebot, halt eifach e Raucher isch?  (nach em ässe rauche allerdings gärn, aber das cha mer au duss oder nacher, wenn mer wiiter gaht) und mit em fründ bini au scho nur was go trinke inere nichtraucher-beiz.  1 mal bearbeitet, zuletzt Do 4.9.08, 08:52 |
| niseDo 4.9.08, 08:53 | Zitat: YeI grad wellä sage als ob du mi würdsch kenne... Zitat: Arkina jap, alli raucher sind so.... ich ha mol die unglaublichi situation erläbt, das me nit mit mim auto het welle neume annefahre, will in mim auto nid graucht wird.. denn bi ich halt in es raucherauto.... es isch e fahrt vo knapp 20min gsi ich fänds guet wenn restaurants rauchfrei wäre! das isch sinnvoll... aber jo arkina du weisches garantiert wieder besser... |
| YelinaDo 4.9.08, 08:54 | D'Initiative gaht minere Meinig nache eifach bitz zwiit, Speiserestaurant, oke, keis Problem, mached die Rauchfrei, aber äbe, zum Bispiel es Redrocks oder au es Paddy's, das findi nid sinnvoll. |
| cyberb00mDo 4.9.08, 08:55 | Zitat: nise stell dr russisch roulette vor mit emene revolver wo e superriesigi trommel het. natürlich klickt es vielmol aber einisch machts peng. und weisch wie geil isch lungekrebs? du verrecksch langsam und qualvoll, s'atme wird immer schwerer, und schlussendlich kolabriert d'lunge was sich aafühlt als würd di öper totwürge.geeeeeeeeeenau!  vorallem wieviel passivrauch bruchts bis me lungechräbs bechunnt, mindeschtens 200joor permanentberauchig... und irgendwie verstöhnd alli nid um was es goht. was isch euch wichtiger? die pseudo-soziali vorwänd vo wäge "oh nei, denn hend d'aawohner lärm" ... s'allerwichtigste isch eifach mol d'gsundheit und ebe, mer gsehts jo do wie engstirnig und wahrheitsverdrängend d'raucher sind. sie qualme eus voll und schere sich en dräck öb sie uns demit belästige. guet, nid alli, gid au die wo rücksicht nehme, aber leider leider dr gross teil überhaupt nid. und somit wird mer halt da reguliere müesse per gsetz. genau wie es d'nachtrueh gid und s'verbot waffe z'träge und so wiiter. also, ich bin sowas für es Ja und jedem wo sini gsundheit wichtig isch, göhnd go abstimme, stimmet Ja, denn jetzt chönd ihr öpis für euri gsundheit tue. |
| ArkinaDo 4.9.08, 09:00 | Zitat: YeI genau dä satz..... och genau dä satz..... ich bi mol fascht elei amene tisch ghockt wenni nid reklamiert hätti, will alli andere raucher gsi sind und alli usse hän welle go rauche nacheme ässe..... (nach em ässe rauche allerdings gärn, aber das cha mer au duss oder nacher, wenn mer wiiter gaht) nise was heisst do bitte "du weisch es WIEDEREMOL besser?" ich verzell eifach vo minere erfahrig mit raucher.... vilicht bisch du oder yel andersch.... das isch überall eso das me nid alli in ei topf ka gheie... aber ich ha mi scho so oft gnärvt in gwüssne Situatione und denn heissts immer, mir nichtraucher sölle tolerant si! Es sind nid alli Nichtraucher intolerant, soviel zum thema in ei topf kheie, ich akzeptiers rauche au, aber ich find es söll respäkt au vo dr rauchersite cho! |
| MythINCDo 4.9.08, 09:02 | Zitat: YeI i bi im summer wiedermol in amsterdam gsi. Dört isch s rauche verbote in de Restaurants und Bars - au in de meiste Coffeeshops (usser es git abgetrennti rüüm für raucher).D'Initiative gaht minere Meinig nache eifach bitz zwiit, Speiserestaurant, oke, keis Problem, mached die Rauchfrei, aber äbe, zum Bispiel es Redrocks oder au es Paddy's, das findi nid sinnvoll. Ok spötestens woni immene irishpub gsi bi, wo das "verrauchte" jo zum gewohnt bild ghört, hani gmerkt, dass die das super umsetze. Dört klappt das wunderbar mit em Nicht-Rauchen. 1 mal bearbeitet, zuletzt Do 4.9.08, 09:02 |
| labdancerDo 4.9.08, 09:03 | es würd au do klappe, wenns würd agnoh wärde... |
| ArkinaDo 4.9.08, 09:13 | beschti bispiel das mi vorschlag nid cha klappe, het jo die Rauchfrei Aktion im A2 zeigt.. ich bi nid dött gsi, aber schins hets A2, wo jo amene Fritig obe bumsvoll isch, fascht keini lüt ka  1 mal bearbeitet, zuletzt Do 4.9.08, 09:14 |
| MythINCDo 4.9.08, 09:19 | das würdi scho klappe, oder denksch, dass de plötzlich alli raucher nümm i usgang göhnd? gohts bi dere abstimmig nur um tabakrauch oder allgemein ums rauche? im amsterdam (und ev au in anderne eu-länder?) isch ebbe nur s rauche mit tabak verbote, aber all die tabakersatzkrütli si erlaubt |
| labdancerDo 4.9.08, 09:27 | di erschti ziit würde alli motze, aber irgendwenn finde sich alli demit ab... natürlich is scheisse, wemme immer use muess zum rauche... aber wenns doch an villne orte funktioniert, wurum sötts usgrächnet do nid goh? |
| proiureDo 4.9.08, 09:31 | Zitat: cyberb00m red lieber nit über sache wode nit kennsch. i ha us mim nöchere umfeld lüt wo an lungekräbs gstorbe sinn, TROTZDEM bini gege die initiative! mir sinn alles mündigi bürge (ämmel in dem forum, uf fz eher wenigerZitat: nise stell dr russisch roulette vor mit emene revolver wo e superriesigi trommel het. natürlich klickt es vielmol aber einisch machts peng. und weisch wie geil isch lungekrebs? du verrecksch langsam und qualvoll, s'atme wird immer schwerer, und schlussendlich kolabriert d'lunge was sich aafühlt als würd di öper totwürge.geeeeeeeeeenau! vorallem wieviel passivrauch bruchts bis me lungechräbs bechunnt, mindeschtens 200joor permanentberauchig... und irgendwie verstöhnd alli nid um was es goht. was isch euch wichtiger? die pseudo-soziali vorwänd vo wäge "oh nei, denn hend d'aawohner lärm" ... s'allerwichtigste isch eifach mol d'gsundheit und ebe, mer gsehts jo do wie engstirnig und wahrheitsverdrängend d'raucher sind. sie qualme eus voll und schere sich en dräck öb sie uns demit belästige. guet, nid alli, gid au die wo rücksicht nehme, aber leider leider dr gross teil überhaupt nid. und somit wird mer halt da reguliere müesse per gsetz. genau wie es d'nachtrueh gid und s'verbot waffe z'träge und so wiiter. also, ich bin sowas für es Ja und jedem wo sini gsundheit wichtig isch, göhnd go abstimme, stimmet Ja, denn jetzt chönd ihr öpis für euri gsundheit tue. ). jede kah sälber entscheide, ob er jetzt in das restaurant ihnewill wo rauche erlaubt oder de club oder ob er lieber in e nichtraucher-beiz goht...bisch z fuul eigeverantowrtig uszüebe? bruchsch e staat wo vorschribt, dass überhaupt nüm graucht wärde dörf? wennde öbbis für d gsundheit mache willsch, trieb sport aber am beschte in dehei in dim hermetisch verschlossene huus damit au jo kei fiinstaub, partikel, bakterie usw. ihnekömme.. im grund gno, gohts bi vielne lüt gar nit ums rauche. die initative isch efach widermol e bispiel für e sinnlosi bevormundig und absolut unnötig. dr freii märt sölls entscheide, denn i dänk, s git gnueg restaurant wo als nichtraucher lokal sehr guet akämmte...aber ebbe nit alli! kamme ireihe in idee wie: SUV-verbot, mineralwasser-verbot, plastikstüehl-reglement, fahrverbot usw. brrr...do tschuderets mi grad wider wenni an die links-/grüeni-bevormundig dänk! wär sich das NIT gfalle loh will und trotzallem nit sini stimm für d groosrotswahle an e huffe wie d SVP will verschänke wählt LIBERAL (LDP)! 1 mal bearbeitet, zuletzt Do 4.9.08, 09:33 |
| ArkinaDo 4.9.08, 09:34 | ich weiss es nid..... wie gseit, ich nimm oft rücksicht und akzeptiers au (ok wenn dr rauch diräkt in Nase qualmt reklamier au ich) und mi regt eifach das ganze mimimi vo de raucher langsam uff, ebe uss em grund will ich mehr als oft toleranz zeig..... aber sobald mol öbis vo unsere site verlangt wird chunt grad dä satz vo wäge, si dörfe nid sälber bestimme was si wänn mache und mir nichtraucher sind soo intolerant und wänn unterdrucke... und au geile satz findi "jo wenn dr nid passt denn gohsch halt nid dött hi..." super mir mien uff ussgang verzichte wenn mr mol e rauchfreie obe wänn im ussgang oder so? Soviel zum thema toleranz  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©