Festzeit.ch Forum » Computer » CMS (Content management system)
| Autor | Beitrag 1 - 15 |
|---|---|
| v4rp1ngDi 28.10.08, 13:13 | Ciao zämmä, ich bi immer wider chli am webpage baschtle und ha mol wellä frogä öb und wenn ja, weles CMS das dir benützed. ich ha jetzt mol typo 3, joomla und drupal usprobiert, aber es hei mir alli nit so gfallä (wordpress hani scho für mi blog, eignet sich aber glaub nit für ä kommerzielli sittä odr doch?) im prinzip gohts mr drumm das ich es eignigs themplate scho ha und jetzt mues d PHP variable "ringsum leggä" ha scho chli mit drupal probiert gha, aber ich find irgend wiä niänä es guets und aktuells (version 6) tutorial.. wär cool wenn dr mr paar tipps resp. tutorials hättet... 1 mal bearbeitet, zuletzt Di 28.10.08, 13:14 |
| holysmokeDi 28.10.08, 13:20 | es CMS dient eigentlich nit dezue das du mit möglichst wenig ufwand e grossi siite kasch verkaufe, sondern das die person, wo d siite spöter betreut, das ohni düefi kenntnis ka mache. sprich: wennme ufere website ab und zue mues en text ändere macht es CMS kei sinn. I bi dorum rächt en gegner devo, well diä für normali uftritt viel z viel Funktione hän -> und denn füre ändawänder eifach widr z kompliziert sin. Aso am beste sälber e eifachs, schlanks CMS bastle wo exakt ufe Kund apasst isch. Ersparter nochher au s schribe vo Aleitige und di Kund isch dütlich zfridener. |
| TiefenweltenDi 28.10.08, 13:26 | Zitat: holysmoke Naja Aleitige muess keine schribe. s git gnueg im Internet zum Kopiere.es CMS dient eigentlich nit dezue das du mit möglichst wenig ufwand e grossi siite kasch verkaufe, sondern das die person, wo d siite spöter betreut, das ohni düefi kenntnis ka mache. sprich: wennme ufere website ab und zue mues en text ändere macht es CMS kei sinn. I bi dorum rächt en gegner devo, well diä für normali uftritt viel z viel Funktione hän -> und denn füre ändawänder eifach widr z kompliziert sin. Aso am beste sälber e eifachs, schlanks CMS bastle wo exakt ufe Kund apasst isch. Ersparter nochher au s schribe vo Aleitige und di Kund isch dütlich zfridener. ich verwend Joomla 1.5.x Greets |
| TrexxDi 28.10.08, 13:26 | Jop, en eigene CMS isch viel besser... und mi lernt au no PHP richtig guet. ^^ |
| holysmokeDi 28.10.08, 13:32 | Zitat: Hexentanz schön das du kasch de ganz biitrag direkt über dim post vollständig kopiere Naja Aleitige muess keine schribe. s git gnueg im Internet zum Kopiere.  diä aleitige bringe nüt, wär will scho 100 siite text läse zum e titel z änderä. |
| v4rp1ngDi 28.10.08, 13:37 | jo guet, chunnt halt druff ah was für es CMS das me nimmt.. also z.B. wordpress find ich extrem eifach, drupal isch au no easy, hingegä isch typo3 rein vo dr bedienig här, find ich, kompliziert.. es isch scho so das nohär mehreri member (ca. 10) müäsä chönnä artikel schribä.. ha mi in php scho so chli versuecht, mit Wikibooks.. (ha ebä nur asp in dr schuel und dört au nur d grundlage..) wiä heit dirs glehrt? resp. weles lehrmittel? 1 mal bearbeitet, zuletzt Di 28.10.08, 13:40 |
| AshariaDi 28.10.08, 13:41 | im internet diversi tutorials/fertigi sache agluegt und agfange dra z verändere. irgendwenn denn halt eignigs zügs afo bastle |
| TrexxDi 28.10.08, 13:46 | Also ich han dank E-Books, Tutorials usw. PHP glernt. |
| mainwayDi 28.10.08, 13:52 | Ich finds immer luschdig wenn so Schlaumeier de Unerfahrenere rötle, das Zügs wo sie sueche selber z schriibe. Zerscht mol bini überzügt, dass e Grossteil vo genau dene Schlaumeier selber gar nid im Stand wäre, so öbbis z programmiere, und zum Zweite gits genau für das fertigi, quelloffeni, in dem Fall CMS. Genau weller nid sis eigene schribe kha / will suechter jo es fertigs und frogt nach Tipps, weles für sini Asprüch s geeignetschte isch. Aber das schiine nid alli z checke  Zum Thema: I verwänd Typo3 für mini Website. Dr Iistig isch relativ miehsam, mit ActionScript und fascht unendlich viele Istelligsmöglichkeite duurts es Zitli bisd denn mol öbbis gsehsch und guet vorah kunnsch. Drfür hesch denn würklich alli erdänkliche Möglichkeite offe. Wenn dr de Ufwand z gross isch, würdi dr Joomla empfähle. Oder wieso het dr das nid gfalle? Wennd scho es Template hesch muesch würklich nur no d Modul richtig ibinde, do e Link wod Tutorials findsch: http://www.joomla.de/content/blogsection/12/71/ An alli wo no Joomla <= 1.5.5 verwände: http://www.heise.de/newsticker/Kritische-Luecke-in-Joomla-wird-aktiv-ausgenutzt--/meldung/ 114190 |
| holysmokeDi 28.10.08, 14:02 | i hanem e antwort gäh wo mini meinig über CMS beinhaltet! 1 mal bearbeitet, zuletzt Di 28.10.08, 14:08 |
| v4rp1ngDi 28.10.08, 14:23 | und dasch au in ornig so holy, merci |
| mainwayDi 28.10.08, 14:28 | du bisch au nid gmeint, holy ps. vor paar Minute het di Bitrag no chli anderscht usgseh |
| TizianDi 28.10.08, 14:37 | cpengine isch sehr guet... joomla etc. hän halt viiiilll zvill bugs und somit au sploits... |
| v4rp1ngDi 28.10.08, 15:03 | joo toll meinsch ich zahl 250 euro??? (sorry hani villicht vergässä: open source odr freeware) |
| TizianDi 28.10.08, 15:05 | Schomol öpis vo Warez ghört?  Wenn ned schrib mer e PM^^ |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©