Festzeit.ch Forum » Politik / Religion » Brutaler Überfall am Nachmittag im Tram
| Autor | Beitrag 46 - 60 |
|---|---|
| NilsBaselFr 31.10.08, 15:42 | Holy, es git nit für alles e perfekti Lösig, aber nach dere bisch du wohrschinli uf dr Suechi und SCHINBAR (jä, ich ha wie sovieli als Normalperson keini Fakte dorum benutz ich das Wort  ) hän au dPolitiker keini, dorum bestoht jo das Problem jo immerno... dorum wärs mol an dr Zyt für e Teillösig und halt eifach mol an unseri liebe Bürger dänke (usserdäm die kriminelli Usländer könne au e Gfohr für unseri liebe Usländer si also dänke mir doch au e stückwit international )...und usserdäm sin mir nit die einzige Länder wo hälfe könne....! |
| holysmokeFr 31.10.08, 15:48 | Zitat: NilsBasel aso isch dis argument: nach dr tat uswiise.Holy, es git nit für alles e perfekti Lösig, aber nach dere bisch du wohrschinli uf dr Suechi und SCHINBAR (jä, ich ha wie sovieli als Normalperson keini Fakte dorum benutz ich das Wort ) hän au dPolitiker keini, dorum bestoht jo das Problem jo immerno... dorum wärs mol an dr Zyt für e Teillösig und halt eifach mol an unseri liebe Bürger dänkedu weisch aber das s "uswiise" scho lang stattfindet? Zitat: NilsBasel hesch e schlächts gwüsse? (usserdäm die kriminelli Usländer könne au e Gfohr für unseri liebe Usländer si also dänke mir doch au e stückwit international ) Zitat: NilsBasel mir sin teil vonere gmeinschaft wo sich wie alli andere au dran beteiligt anderne mensche z hälfe. und wo au diä problem hän....und usserdäm sin mir nit die einzige Länder wo hälfe könne....! ach weisch was, diä im Tram hän das ALLI au dänkt: "wieso selli däm hälfe, het doch no ganz viel anderi im tram" - und am schluss hets keine gmacht. Zitat: dragonfighter und die andere Tramgäst sött me wirklich azeige, well sie jo nit emol versuecht hän ihm z hälfe. |
| NilsBaselFr 31.10.08, 15:55 | natürli weiss ich dass scho hüte usgwise wird, aber ab wenn isch das? Nach em 2te oder 10te Mord? (Achtung, ich neig zur Übertribig ) Schlächts Gwüsse? Was isch das?  ja, mir sin e Teil vonere Gmeinschaft, und hälfe uns gegesitig! Ich sag jo nüt gege Usländer wo bi uns dörfe si, aber wenn me Hilf abietet und mir kriege für das e Mässer in Rucke denn verdient die Person kei Hilf! |
| digitalrebelFr 31.10.08, 16:03 | Ich ha kei konkreti Lösig, aber sind für genau so Lösige nid unseri liebe gwählte Politiker zueständig? Ich wött eifach e Justizsystem wo funktioniert, egal wie... das me au znacht (oder am Tag...!!!) no ka ohni Angscht in dr Stadt ummelaufe ... Aso jo, ich ha jetzt nid panischi Angscht nach sonere Mäldig, aber s dunkt eim scho, dass sich in letzschter Zit die Mäldige extrem hüffe im Vrglich zu früener. Usschaffe haltet vilicht die neue Täter nid drvo ab, aber immerhin isch durchs Usschaffe ei sone kriminells Arschloch weniger in dr Stadt. |
| holysmokeFr 31.10.08, 16:07 | nils, nüt isch kompromisslos. unter dene viele imigrante sin halt au paar schwarzi schööf - nüt neus. do kunnts zwangsmässig zu konflikt. diä einzig verhebendi lösig wär konsequänt jede mensch verdumme z loh, biser nümm weiss daser überhaupt existiert. es isch i däm thread jo sogar güsseret worde dasme kriminelli schwiizer au will los wärde. und was kunnt denn? Matrix real edition? sorry aber mit däm übel müenmer uns jetz eifach abfinde. genauso wie nit jede tag e freude tag ka sii, und genauso wie nit alli könne millionär sii usw... @digitalrebel: "unseri liebe gwählte Politiker" -> du entziehsch di jetz eifach diner verantwortig als bürger vonere demokratie politik isch nit öppis wo dert ähne hinterem horizont irgendneume stattfindet, sondern das mues gläbt wärde. wennsder aso so dermasse nit passt blibter nüt anders übrig als halt sälber politiker z wärde. e schandtat? nei.und wie das mit de medie isch hani doch scho erklärt, sone mäldig bringt meh publicity als diä verreckende mensche in de slums. |
| VillaniFr 31.10.08, 16:11 | Zitat: digitalrebel s schlimme sin doch die luschte vo tramgäscht wo nur zueluege...die sött me alli direkt tätsche Gopfrdeggel hey, wo simmer eigentlich do? Downtown Bronx oder wie sehts us? Isch efangs würklich nümme schön in dere Stadt, kasch jo efangs sogar als Maa nümm sicher sii... irgendwie lauft do eifach bi dere Linke Biibääbeli-Politik einiges schief. Aso ich bi tendenziell scho eher links oder liberal, aber wenni so öppis hör denn wirdi automatisch hässig uf das ganze Kriminelle Pack wo sich do iinischtet. (drmit hani nüt über die nid kriminelle usländer gseit. Die sin oke.) Zitat: In Basel wurde gestern Nachmittag ein 33-jähriger Tramgast von zwei Männern tätlich angegriffen, aus dem Fahrzeug gezerrt und ausgeraubt. Laut einer Mitteilung der Basler Staatsanwaltschaft wurde der 33-jährige Schweizer unmittelbar nach dem Besteigen des Trams von zwei Unbekannten Männern angegriffen, gewürgt und mit Fäusten traktiert. Bei der nächsten Haltestelle rissen sie das Opfer aus dem Tramzug, stiessen es zu Boden und raubten ihm das Portemonnaie mit ungefähr 300 Franken. Der 33-Jährige erlitt bei dem Angriff Gesichtsverletzungen. Er gab zu Protokoll, etliche Tramgäste hätten den Vorfall mit Sicherheit beobachtet. Bei den beiden Gesuchten handelt es sich laut dem Opfer um Schwarzafrikaner im Alter zwischen 30 und 35 Jahren, die Hochdeutsch sprachen.  Zum eigentliche Thema muess me nix sage. Unseri Bulle luegt lieber das si Autos kontrolliere statt mol was richtigs z mache  |
| NilsBaselFr 31.10.08, 16:12 | ebbe und die schwarze Schöf (het nüt mit Hutfarb zdue...) muess me ussortiere und wieder zruck schicke! ja klar, mir gän uns eifach demit ab dass mir mol verschlage und ermorded wärde, hauptsach de liebe kriminelle Usländer isch dodrmit gholfe.....  |
| holysmokeFr 31.10.08, 16:13 | Zitat: SirRoma no machesi das moll, no kömme diä nechste und jommere berächtigt über diä gstigene unfallzahle Unseri Bulle luegt lieber das si Autos kontrolliere statt mol was richtigs z mache jä, s isch halt wirklich nie so eifach wiemes gärn hätti.Zitat: NilsBasel jo du und ich, mr gsehn uns jo all 2 tag uf dr intensivstation ebbe und die schwarze Schöf (het nüt mit Hutfarb zdue...) muess me ussortiere und wieder zruck schicke! ja klar, mir gän uns eifach demit ab dass mir mol verschlage und ermorded wärde, hauptsach de liebe kriminelle Usländer isch dodrmit gholfe..... 1 mal bearbeitet, zuletzt Fr 31.10.08, 16:20 |
| VillaniFr 31.10.08, 16:22 | Zitat: holysmoke Naja, me sött dr Ufgobeberich e chli ufteile. Als Bispiel. E Kolleg vo mir schafft au bi dr Polizei. Wie er selber seit, muess er sehr oft lüt deheime go abhole wo e vorladig bim Betriebigsamt nid wohrgno hän. Für das bruchts 2 Polizischte, obwohl das e anderi behörde au mache chönt.Zitat: SirRoma no machesi das moll, no kömme diä nechste und jommere berächtigt über diä gstigene unfallzahle Unseri Bulle luegt lieber das si Autos kontrolliere statt mol was richtigs z mache jä, s isch halt wirklich nie so eifach wiemes gärn hätti.Denn sötte si mol lüt istelle wo nid wie "loser" ussehn. Bzw. wo sich dr Respekt durch e Uniform hole wöhn. Bisch sicherlich scho in USA gsi. Dört weisch direkt was dr Polizischt will und wers sage het. Höfflich aber Autoritär. In dr Ch denksch höchschtens "was will denn jetzt de" |
| VillaniFr 31.10.08, 16:24 | Zitat: NilsBasel Das isch jetzt chli übertriebe. Aber wär dr Zämmhalt unterenander stärker, würds so vorfäll gar nid geh. Ich mein wenn in dr stadt eine am bode ligt, interessierts kei sau. laufe dure und düehn so als würde sis nid gseh.ebbe und die schwarze Schöf (het nüt mit Hutfarb zdue...) muess me ussortiere und wieder zruck schicke! ja klar, mir gän uns eifach demit ab dass mir mol verschlage und ermorded wärde, hauptsach de liebe kriminelle Usländer isch dodrmit gholfe..... |
| holysmokeFr 31.10.08, 16:27 | @SirRoma: neh bi nie idr USA gse... okey, d polizei sell authoritärer ufträtte. aber jetz ganz ehrlich, dodemit wär de vorfall im tram au nit verhinderet worde... scho eher wenn de polizist im tram mitgfahre wär -> und glaub do müesstesi nitmoll wiene cowboy usgseh  und okey, d polizei isch jo sitem blocher rächt gschlankt worde, und personalmangel chame do glaub immer vorwärfe, wells immer viel z due git. aber ebbe, das hätt uf de vorfall wohl ke ifluss... |
| VillaniFr 31.10.08, 16:36 | Zitat: holysmoke Nei, do hesch natürlich recht. Was gholfe hät, wär gsi wenn die lüt igriffe hätte statt blöd umesitze und zue z luege. @SirRoma: neh bi nie idr USA gse... okey, d polizei sell authoritärer ufträtte. aber jetz ganz ehrlich, dodemit wär de vorfall im tram au nit verhinderet worde... scho eher wenn de polizist im tram mitgfahre wär -> und glaub do müesstesi nitmoll wiene cowboy usgseh und okey, d polizei isch jo sitem blocher rächt gschlankt worde, und personalmangel chame do glaub immer vorwärfe, wells immer viel z due git. aber ebbe, das hätt uf de vorfall wohl ke ifluss... |
| NilsBaselFr 31.10.08, 16:38 | Zitat: SirRoma yep, somit wirds au dütlicher was ich drmit sage möcht....Zitat: NilsBasel Das isch jetzt chli übertriebe. Aber wär dr Zämmhalt unterenander stärker, würds so vorfäll gar nid geh. Ich mein wenn in dr stadt eine am bode ligt, interessierts kei sau. laufe dure und düehn so als würde sis nid gseh.ebbe und die schwarze Schöf (het nüt mit Hutfarb zdue...) muess me ussortiere und wieder zruck schicke! ja klar, mir gän uns eifach demit ab dass mir mol verschlage und ermorded wärde, hauptsach de liebe kriminelle Usländer isch dodrmit gholfe..... jo klar, die Lüt hätte nit eifach so müesste zueluege.... wenn eine dr Afang gmacht hät, denn hätte vieli anderi no gholfe... aber ebbe... brucht halt ebber wo dr Muet het |
| holysmokeFr 31.10.08, 16:44 | alli ab in kurs http://www.polizei.bs.ch/flyer_stopp_gewalt_kurse_061009.pdf (okey, plöde link. aber d polizei bietet doch so gratis workshops aa zur sälbstverteidigung -> und wemme das ka, no hetme wohl au de mumm zur zivilcourage) 1 mal bearbeitet, zuletzt Fr 31.10.08, 16:47 |
| sbabyFr 31.10.08, 16:49 | das problem wirdsch nit absolut löse könne. villicht e mix zwüsche meh repression und prävention, d.h. härteri strofe, schnelleri uswisig, meh polizei (brüchts sit joore, schwizwit fähle ca. 1000 stelle) und meh ufklärigskampagne e totali sicherheit wie die dr digi "forderet" wird nie gäh ime freiheitsstaat und das isch au guet so. i ha lieber e gwüssi unsicherheit als an jedem ecke e cam und sunnschtigi polizeistaatsmethode |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©