Festzeit.ch Forum » Autos » das nenn ich mol drifte :)
| Autor | Beitrag 31 - 32 |
|---|---|
| VillaniFr 14.11.08, 16:38 | Zitat: schnabulation SaliWas sin eigentlich diä perfekte Vorussetzige für es Drift-Auto? I ha lang gmeint, es müäss e Hecktribler si. Aber dr WRX vo däm Video vom SirRoma isch jo e 4x4 und dä hets andersch druf... Also bitte, dämfall gohts au mit 4x4? Oke, es goht au mit Front, aber das isch jo denn meh es Rütsche als es Drifte.. Ich bitte deshalb um Aufklärung.  Also me muess zerscht mol sage, dass es nid nur 1 Art vo drifte git. Die Art wo er zeigt, speziell die enge wo er scho in fahrtrichtig stoht, das isch nur mit allrad möglich, will dört voll ufem gas bliebe muesch. Langi drifts mir höcherer querbeschleunigung fahrsch zu 90% mit hecktriebler. Es git jo e WM, dört werde d autos eifach leergruumt und mit mehr leischtig versehe. Dört sin alli Hecktriebler |
| SpinnerFr 14.11.08, 17:07 | Wies dr SirRoma seit gids verschiedni Arte vo drifte. Die eifachschti Art isch mit Heckatrieb und viel Leischtig, schwieriger isches aber mit eme Fröntler z drifte, do hilft meischtens nur d Handbrems zieh oder extrems aschaukle. Das heisst das meh e starke Laschtwechsel provoziert und somit s Heck zum usbreche bringt. Es sölll au lüd geh wo im Scheitelpunkt vonere Kurve d Kupplig spicke lönd und so dr Arsch quer us dr Kurve ziehnd. (au Heckatrieb) Das macht aber nid wirklich Sinn. Drifte isch jo öppis wo vo dr Rallye chunnt, dert wirds brucht um möglichscht schnell vo hoche Gschwindigkeite abzbremse und scho in dr Kurve d Usfahrtsrichtig zha damit meh bim usebeschleunige am meischte Grip zur Verfüegig het. Wenn dr mol bi dr WRC zuelueget gsehnd dir, dass die s Auto scho vor dr Kurve zum usbreche bringe. Dodezue brucht meh nid viel Leischtig sondern macht eigentlich e Schwenker vor dr Kurve. Idealerwiis goht meh au schlagartig weg vom Gas, somit bechömme d Vorderräder mehr Grip und s Heck lost sich schneller zum Usbreche überrede. Isch s Heck erscht mol am usbreche muess me (bi Heckatrieb) nur no gasgeh und dr Winkel mit em Gaspedal stüre. Es tönt alles sehr eifach, isches aber nid. Zum Auto: Minere Meinig noch lost sich jedes Auto ab 160PS und Heckatrieb drifte. Am beschte isches wenns nid e allzukurze Radstand het (wie z.B.Mr2) und vo vorteil isch au e Sperrdifferential zha damit nid s kurveinnere Rad fangt afo spuele. Am Driftkurs wo ich gsi bi hets am Schluss e Driftchallenge geh, dert het me guet gseh was sich eignet Rang 1: BMW E30 Coupe (Drift Team CH) Rang 2: BMW E30 Coupe (Drift Team CH) Rang 3: BMW E30 Cabriolet ( Ich ) Au e sehr guets Auto zum drifte isch e Toyota Corolla AE86, leider findet me die in dr Schwiz fascht nüm. Ussert meh het Connections. Die ganzi Gschicht brucht eifach extrem viel Training und das goht nur wenn me e guete Platz zur Verfüegig het. In dr Schwiz aber cha me das so guet wie vergesse. Und im öffentliche Strosseverkehr (z.B. Kreisel) het so zügs nüd verlore. Me gföhredet eifach z schnell anderi Verkehrsteilnehmer und wenn euch d Polizei verwütscht gids e Buess / Azeig wege "nichtbeherrschen des Fahrzeugs" An alli wo das mol wennd versueche empfehl ich euch e Kurs z mache oder uf e Rennstrecki zgoh wo me so Zügs cha usprobiere ohni das es für unbeteilligti Konsequenze het. just my 2 Räppli PS: Isch nur mini Meinig und i behaupt nid dass das alles stimmt!! 1 mal bearbeitet, zuletzt Fr 14.11.08, 17:15 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©