Festzeit.ch Forum » Politik / Religion » Flat Rate Tax oder Steuererklärung auf dem Bierdeckel
| Autor | Beitrag |
|---|---|
| mondkindMi 26.11.08, 21:34 | Das wär doch mol ebbis wo me könnt verwürkliche - Quellestüür für alli. Mr würde uns e huffe nit wärtschöpfendi Büroarbeit in dr Staatsverwaltig erspare.. Natürlig nur für d Ywohner, nit für Gsellschafte. |
| CeikorMi 26.11.08, 21:50 | Zitat: mondkind Glaub in Züri isch doch sowas im Gange...ich würds befürworte...Das wär doch mol ebbis wo me könnt verwürkliche - Quellestüür für alli. Mr würde uns e huffe nit wärtschöpfendi Büroarbeit in dr Staatsverwaltig erspare.. Natürlig nur für d Ywohner, nit für Gsellschafte. |
| sbabyMi 26.11.08, 21:52 | Zitat: mondkind z fuul die sälber uszfülle? s system vo dr stürerklärig het öbbis mit vertraue gegeüber de bürger z tue wo dr staat ufbringt. nur pseudo freiheitsstaate wie dütschland und EG/EU konsorte zwige d stüre direkt bim bürger ab well si 1. kei vertraue zu dem hän und 2. en wohrschinlich au nit für mündig halteDas wär doch mol ebbis wo me könnt verwürkliche - Quellestüür für alli. Mr würde uns e huffe nit wärtschöpfendi Büroarbeit in dr Staatsverwaltig erspare.. Natürlig nur für d Ywohner, nit für Gsellschafte. |
| visionaryMi 26.11.08, 22:48 | flat rate = vereinheitlichung vom stürsatz, das het nix mit diräktem izieh z tue. und wieso nur bi private? grad für firmene isch doch das interessant. |
| holysmokeMi 26.11.08, 22:48 | aso d schwiiz het jo e guets system gege stüürhinterzieher. mit vertraue in bürger het das 0 z due - höchstens mit tradition. i bin ganz klar gege e flat rat stüür, well diä wo e höhers iikomme hän, au eher meh könne biitrage. das wär gegenüber kliikomme unfair. au wenns e bürokratischi entlastig wär - solang d scheer zwüsche riich und arm immer witter uf goht (jahhh, au ider schwiiz) isch so öppis absolut abzlehne. allerdings isch au diä sach widr komplizierter. d kantön wärbe jo nur so um gueti stüürzahler, mit äxtra tüefe sätz. und e einheitlichs stüürsystem würdi do meh bringe, als e flat rate tax. üerzüget mi vom gegeteil  |
| sbabyMi 26.11.08, 23:25 | Zitat: holysmoke null ahnigaso d schwiiz het jo e guets system gege stüürhinterzieher. mit vertraue in bürger het das 0 z due - höchstens mit tradition.  "Das Steuersystem der Schweiz basiert auf dem Grundsatz der Selbstdeklaration durch den steuerpflichtigen Bürger. Es ist also Aufgabe des Steuerpflichtigen – und nicht etwa der Banken oder Arbeitgeber – ihre steuerbaren Einkünfte und Vermögen ordnungsgemäss zu deklarieren...Die international vergleichsweise hohe Steuerehrlichkeit in der Schweiz gründet so auf einem intakten Vertrauensverhältnis zwischen Bürger und Staat und führt zu einer vergleichsweise tiefen Steuerbelastung. Eine massvolle Steuerbelastung wiederum ist die beste Grundlage jeder Steuerdisziplin...In der Schweiz sorgt insbesondere der angemessene Schutz privater Daten für das vorhandene Vertrauensverhältnis. Der Steuerehrlichkeit «förderlich» ist allerdings auch das Schweizer Modell der Verrechnungssteuer, das vor Missbräuchen wirkungsvoll abschreckt und dafür sorgt, dass der Fiskus erhält, was ihm gebührt." quelle: zwar e SVP site (bi überhaupt nit uf ihrer wällelängi) aber d ussag stimmt bezüglich em schwizer stürsystem! do dra gits nüt z rüttle |
| mondkindDo 27.11.08, 17:25 | Vertraue? Isch au für mi irrelevant.. Würds jo denn au nüm bruche - velicht könne si denn z Bärn unde im Allgemeine öppis fürs Vertraue vo de Bürger in Staat mache statt nur e froglichs Vertraue in Stüürfroge pflege. Was d SVP verzellt isch für mi nit so wichtig, s isch jo nur ei Sichtwiis, nämlig die vo de "Bewahrer". Stillstand (wenn nit Rückschritt) halt.. Wäge dem mit em hohe Ikomme - wenn die au ihre festi Prozentateil hend gits obe use au kei Abflachig vo de Stüre. Alli zahle uf das wo si verdiene e feschte prozentuale Ateil. Obs e Rückvergietig geh könnt für Minderverdienendi kha me sicher diskutiere, abr das würdi direkt vo de Läbesumständ abhängig mache (Singles benochteilige, allei Erziehendi stärke, ytrageni Partnerschafte/ Ehe mittig oder stärke je nach dem ob Kinder vorhande). Vermöge isch e anderi Gschicht wie Ikomme - das miest me anders regle. Somit könnt me au atraktivi Unterschied mache für die Kantön wos so ha wend. Am eifachschte wärs halt scho das ganzi diräkt monatlich wie d AHV/ALV abzzieh. Zahlt isch zahlt. |
| holysmokeDo 27.11.08, 18:39 | Zitat: sbaby vowäge null ahnig, du zitiersches jo sälber Der Steuerehrlichkeit «förderlich» ist allerdings auch das Schweizer Modell der Verrechnungssteuer, das vor Missbräuchen wirkungsvoll abschreckt und dafür sorgt, dass der Fiskus erhält, was ihm gebührt.  (und d quelle hesch gänzlich vergässä, nur drüber häärgfahre  )aber wie mir schiint hani do öppis falsch verstande. i ha gmeint mit flat rate tax dasme e feste stüürbetrag zahlt. aso sagemer moll 6000 im johr. aber es goht um e feste prozäntsatz? (im übrige hani exakt das gmeint i mim post obe mit "einheitlichs stüürsystem"  hamers doch scho dänkt do isch was fuhl, ka doch nit sii das ich gege euri asicht bi |
| sbabyDo 27.11.08, 21:20 | Zitat: holysmoke sbabyund d quelle hesch gänzlich vergässä, nur drüber häärgfahre Gestern, 23:25 "quelle: zwar e SVP site (bi überhaupt nit uf ihrer wällelängi) aber d ussag stimmt bezüglich em schwizer stürsystem! do dra gits nüt z rüttle" --> läse bringt vorteil |
| BlackHatDo 27.11.08, 22:25 | findi e schlechti idee. will meh de prozentsatz nie für alli glichguet festlege chan. klar, für d mittelschicht wärs natürli ideal. aber die superriche würde denn plötzli meh stüüre zahle müesse und deswege wegzieh. und das wär nit so guet für alli, will selbscht wenn die hüte prozentual weniger zahle, zahle sie doch absolut gseh meh. au nit guet wärs für die arme, will die plötzli e riese stüürlascht hätte und s no meh working-poor geh würd. i glaub s schwizer stüürsystem isch sicher nit ideal, will eher kompliziert. aber e stüürerklärig cha jo no jede usfülle, sit easy tax eh. und mol abgseh dervo hets bis hüt funktioniert, i gseh doch kei notwendigkeit das z ändere. |
| mondkindFr 28.11.08, 13:33 | Hani irgendwo gschriebe das öpper prozentual mehr belastet wird?  |
| holysmokeFr 28.11.08, 13:50 | Zitat: sbaby ähhhhhh "zwar e SVP site" isch für di e quelleagob? xD ach egal Zitat: holysmoke sbabyund d quelle hesch gänzlich vergässä, nur drüber häärgfahre Gestern, 23:25 "quelle: zwar e SVP site (bi überhaupt nit uf ihrer wällelängi) aber d ussag stimmt bezüglich em schwizer stürsystem! do dra gits nüt z rüttle" --> läse bringt vorteil @blackhat: im verglich zum europäische usland simmer sälbst denn no besser dran was d stüüre aagoht. usserdäm hämmer do alles: e funktionierendi infrastruktur, politischi stabilität, e "riichefründlichi" bevölkerig... was willme meh... aso go z säge me verschücht denn diä riiche, das isch reini angstmacherei. nämmemer moll 40'000 lohn im johr sagemer ei monetslohn goht and stüüre -> 3077CHF -> sin 7.7% bimene iikomme vo 30'000 wäres no 2310 und bimene ikomme vo 30'000'000 sins denn halt 2'310'000 de het denn immerno über 27millione übrig de ärmsti ^^ |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©