festZeit.ch - Forum - Computer - Quad-Screen

Festzeit.ch Forum » Computer » Quad-Screen - Hilfe gesucht

Autor	Beitrag
schnabulationMi 17.12.08, 11:49	Hei Leuts Dir, loset mol zuä... Ich bruch Hilf in Sache Quad-Screen. Also 4 Bildschirm an 1 Rechner aschliesse. Es git jo versch. Möglichkeite: Möglichkeit 1: Per Matrox dualHead2Go --> Das splittet s'Signal vo eim Grafikkarteusgang uf zwei Bildschirm. Im OS wird denn eifach ei dopplet so breite Bildschirm azeigt Möglichkeit 2: Per zweiti Grafikcharte --> z.B. 1 PCI-Express (oder AGP ) und 1 PCI Grafikcharte. Git 4 Usgäng. S'tolle an däm isch, dass me im OS würklich 4 Bildschirm azeigt bechunt. Ich ha mich für d'Möglichkeit 2 entschide, so chani nämlich (ohni witeri Tools) es Fenster uf ei Bildschirm maximiere und so... Jetzt hani do es paar Froge: Uf was muäss mä luägä, damit diä 2ti Grafikcharte mit dr erste ufem PCI Express Slot zämä arbeitet? Chani eifach irgend e zweiti Grafikcharte chaufe und diä in PCI Slot driduä? Wiä sehts denn mit Gaming us? Rechne denn alli 4 Usgäng mit dr leistigstärkere Grafikcharte oder nur diä 2 Usgäng wo au an dere agschlosse sind? So, das wärs. Ich hoff, es chamer öper hälfe!
samMi 17.12.08, 13:00	afaik entscheidet das dr trieber, spricht kasch wähle welli karte benutzt werde soll zum game. die meischte games werde aber worschis nur uf 1 screen azeigt.. ussr villicht wende de screen clone duesch, so isches bi minre matrix g400 friener gsi, denn hesch 2x sgliche bild. das uf alne 4 bildschirm azeigt wird isch unwohrschienlich
schnabulationMi 17.12.08, 13:20	Zitat: sam das uf alne 4 bildschirm azeigt wird isch unwohrschienlich Das isch au nit dötig. Ich game eh reeeelativ sälte und wenn ich game, willi eifach, dass s'Game zumindest uf eim Screen flüssig lauft. Eifach schnell zum sägä, mi Rächner isch 5 Joor alt und het no e AGP 8x Grafikcharte drinn. Du sehsch, viel game duäni nid. --> das söll aber nid entscheidend si für das Projekt, nimm au gärn chli Gäld in d'Hand und chauf mer e PCI Express Mainboard.

Als angemeldeter festzeit.ch Member kannst du Themen erstellen und auf Beiträge antworten.