Festzeit.ch Forum » Medien » 24- Twenty four
| Autor | Beitrag 91 - 105 |
|---|---|
| CeikorFr 26.1.07, 23:45 | jo, ich bevorzug au Englisch! |
| ButtersSo 28.1.07, 10:59 | Meh kaa uf SF2 jo au uf englisch luege. Zweikanalton. |
| PetitJackBauerMo 29.1.07, 23:34 | Ändli mol eini wos tscheggt... PS: Hoffentli het dr Jack warmi chleidig ah |
| Calvin2kDi 30.1.07, 13:03 | widr mol ganz geil gsi geshter!! ha etz au innerhalb vo 3 däg die 4. staffle gluegt.. miner meinig noch die geilschti! goht mega ab dört dinne.. de schluss hani leider scho gwüsst wegem afang vo dr 5. staffle.. aber jänu  mi nimmt wunder, wenn d chinese widr ins spiel chöme in dr 5. staffle!! |
| NobelpreisträgerDi 30.1.07, 13:07 | Uf DVD luege isch eh geiler - kei Wartezyt ... |
| PetitJackBauerDi 6.2.07, 19:11 | Rächt geil gsi am Mentig, aber das mitem Flugzüg isch scho chly unrealistisch gsi^^ |
| ButtersDi 6.2.07, 20:18 | Ach quatsch unrealistisch, dr Jack Bauer hets äfach druf.  Nee chtimmt scho, das Flugzüüg isch mr au e bitz zu problemlos glandet. |
| NobelpreisträgerMi 14.2.07, 15:13 | So, wie händers gfunde, die Staffle bzw. s Änd ??? |
| RheinPiratMi 14.2.07, 16:13 | 24 isch jo scho geil gmacht - aber LOST isch vom verlauf här viel geiler. |
| PetitJackBauerMi 14.2.07, 17:10 | Sältä sone Seich ghört^^ Nei im Ärnscht cha itz nid so die Meinung drzue abgä, i ha glaubs die allerschti Folg vo Lost gsi, aber 24 fesslet eifach me, die Aspielige uf die reali Wält (insbesondere uf d USA) sin eifach zu guet gmacht und dr Jack isch eifach King |
| FredLaMottaMi 14.2.07, 20:34 | 24 isch scho ok, aber ä halbwägs plausibli Handlig wird gopferet für Spannig, Action und Twists. Ich ha nume die 5. Staffle gseh und die het mi je länger desto weniger gfesslet. Es isch jo eh klar gsi, wies am Schluss usechunnt (ok, ganz dr Schluss nid...). Die ganzi Story isch eifach überkonschtruiert und trotzdäm zimli flach. D Spannig und so isch aber glich no unterhaltsam gsi. Ich gib em StarWalker aber völlig rächt, Lost isch au vo mir us gseh ganz klar besser! Isch halt sehr komplex und nimmt sich chli meh Zit zumd Gschicht entfalte (und vor allem zum Rätsel uflöse!) als 24. Die Gschicht het drfür vil meh zbiete und lot unändlich vil (das isch nume ä lichti Übertribig) Platz für Spekulatione und Theorie. Das isch halt schwer zum beurteile wenn me nume ei Episode gseh het... Aber das isch nume ä Meinig. |
| RheinPiratMi 14.2.07, 20:38 | LOST bestoht bis jetzte uss 47 folge und nid nur uss 24 oder wie bi 24. LOST goht au im internet wiiter - bzw. du kasch dr im netz frooge beantworte und es kömme wiiteri derzue. Wenn me nur die 1 folg gseh het het me nid moll dr ahfang gshe - well dä bestoht uss 2 teil 1 mal bearbeitet, zuletzt Mi 14.2.07, 20:38 |
| ButtersMi 14.2.07, 20:48 | Interessant. Ich find ebe grad das bi "Lost" je länger dases goht, alles eifach uninteressant wird, will sich Gschicht zu langsam für mi Gschmack entfaltet. Ich ha die erschte 10 Folge vo dr erschte Staffle gluegt und schlussändlich hanni s interässe dra verlore, wills mi dunggt het das d Handlig eifach niene aanezfühere schiint. Wasi an "24" super find sin die Twists und die stetigi Unsicherheit was als näggschts passiert. dodurch bliibt e konstante Spannigsboge ufrächterhalte. Die letschte 6 Schtund vo dr fünfte Staffle han ich persönlich nit unbedingt dr Bringer gfunde abr drfür isch dr Aafang vo Staffle 6 e Hammer. Staffle fünf isch übrigens längschtens nit so überlade wie no die vierti, wo d Terrorischte unzähligi Katastrophe, teilwiis völlig verschiedener Art, vorusplant hän. Was i an "24" au lieber ha isch, dasses mitem Jack Bauer e feschte Hauptdarsteller het. e Figur im Mittelpunkt. Notürlich hets die übliche Stammfigure aber dr Tausendsassa blibt eifach immer dr Jack. Bi "Lost" handlet sich jo eher ume Ensemble. Jöst my Opinien! |
| RheinPiratMi 14.2.07, 20:53 | "wills mi dunggt het das d Handlig eifach niene aanezfühere schiint." Kunnt dervo wenn me nid wiiter luegt. bis jetzte isch bi jeder 24 Staffle sprinzip gliech bliebe - und im grund gnoh isches jedi staffle sglieche, d'handlig isch eifach anderscht. Wenn me alli LOST gluegt het wo bis jetzte ko sinn - denn weisch ä ganzi mängi und viel weisch au nid so nachem motto: Dein wissen, weisst nichts wissenswertes auf |
| c0r3Mi 14.2.07, 20:53 | 24 = s geilste! Lost, naja, has e paar mol gluegt aber s hett mi nid wirklich überzügt |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©