Festzeit.ch Forum » Sport » Neue Spieler für den FCB ?
| Autor | Beitrag 16 - 30 |
|---|---|
| TheBestOneYetDo 8.1.09, 22:01 | was ich au nit ka verschtoh das dr gross nit emdlich dr mustafo regelmässig isetzt in der erschte mannschaft de het e rise potenzial und genau jetzt in so moment mues me uf sone junge spieler setze denn afang s saison isch de voll uffcho bar mpol gschpielt denn widr in nochwuchs abgschobe aber i denk er wird si zit gli becho spöteschtens nach dr ära gross |
| derBonsaiiDo 8.1.09, 22:59 | i glaub das verstoht keine so richtig ... oder dass dr Zonk no Spielt, Marque ebefalls ... Muesch luege, er loht dr Morganella 1x spiele und denn landet er trotz guete Leistige wiedr ufdr Bangg, will dr mösiö Zanni nümm verletzt isch ... |
| ashleyyyDo 8.1.09, 23:15 | dr ceccaroni und de cantaluppi sölle sie au mol vrkaufe.. abr isch scho so, d'gigi het kei ahnig.. gimenez und rossi chame wiiterhin phalte.. usseh dünds jo au no guet  dr hakan yakin isch jo au scho lang vrletzt.. wenn de wieder zruggchunnt wirds sicher au wiedr bitz besser..1 mal bearbeitet, zuletzt Do 8.1.09, 23:17 |
| SilentHillDo 8.1.09, 23:46 | Jäjä immer das gemotze übere gross und spieler und mir würde so nid meischter wärde blabla... und denn ins stadion go singe : erfolg isch nid alles im läbe.... |
| 1981FreelifeFr 9.1.09, 04:06 | Basel brucht e Spielmacher dass isch alles ,Mannschaft wachst scho zämme  Und was isch dänket nit alli so negativ mir sind 2te und MIR SIND BASEL !!  |
| SilentHillFr 9.1.09, 05:17 | Mr könnte jo dr Haki wider hole  |
| LeRoyalFr 9.1.09, 10:19 | Es bringt nüd im Winter neui Spieler zkaufe, well mitte in dr Saison will niemerts e Spieler abgeh und me miesst en überzahle... Aber i sag im Summer bruchts e umbruch und de wird au cho... Dr Ergic isch zwar kei schlechte Spieler, aber er het nie das chönne bringe wome vo ihm erwartet het... Er cha d Fäde nid zieh im Mittelfeld und vo öffnende Päss chame nur tröime.. Au dr Chippi isch verbi, dr Stocker und Perovic bringe meh übere Flügel oder au dr Carlitos... Au e Zanni chame nid bruche (im Moment, do muess me halt mol dr Muet ha unden usem Team neh... |
| EvergreenTerraceFr 9.1.09, 14:04 | DR FCB söll eifach no en kreative Mittelfeldspieler hole... z.B. dr Dominguez (wobi das eher schwer wird, wegem Constantin.... andersits het mes bim Carlitos au gschafft). Am liebschte würdi notüerlich en Kroos oder en Sosa (beidi notüerlich Leihwies) bim FCB gseh.. aber i halt das eher für unrealistisch. Ju und suschd söll dr Gross eifach mol Muet zeige indem er Morganella, Ferati und Perovic (wo jo au Zentral chan spiele, meinti) füre Zanni, Marque und Chipperfield loht lo spiele. Naja und suschd sötter sich au no Gedanke bezüglich Streller und Derdiyok mache... |
| thedome88Fr 9.1.09, 14:09 | 2-3 neui verteidiger, 1 kreative offensive (10er) mittelfäldspiler und mind. 1 neue stürmer miesste si theoretisch kaufe... |
| EvergreenTerraceFr 9.1.09, 14:13 | Zitat: Dome88 Was abr eher unrealistishc isch.2-3 neui verteidiger, 1 kreative offensive (10er) mittelfäldspiler und mind. 1 neue stürmer miesste si theoretisch kaufe... I denk in dr Verteidigung wär sogar Potenzial vorhande. In Form vom Morganella und Ferati. De Abraham und de Safari hend jo s ganze nid soo schlecht gmacht. Naja und neue Stürmer... me het jo no en Mustafi, wo sehr viel Potenzial het... an und für sich hät me 3 aständigi Stürmer. Dr Streller isch eifach siteme halbe Joor imene Tief und de Derdiyok sött öfters spiele, wobi sini Zuekunft no unsicher isch. Jo und denne blibt no de Mustafi...de sött au me Chancene becho. |
| NobelpreisträgerFr 9.1.09, 14:23 | Zitat: Forgotten Und was isch mitem Eduardo ? Zitat: Dome88 Was abr eher unrealistishc isch.2-3 neui verteidiger, 1 kreative offensive (10er) mittelfäldspiler und mind. 1 neue stürmer miesste si theoretisch kaufe... I denk in dr Verteidigung wär sogar Potenzial vorhande. In Form vom Morganella und Ferati. De Abraham und de Safari hend jo s ganze nid soo schlecht gmacht. Naja und neue Stürmer... me het jo no en Mustafi, wo sehr viel Potenzial het... an und für sich hät me 3 aständigi Stürmer. Dr Streller isch eifach siteme halbe Joor imene Tief und de Derdiyok sött öfters spiele, wobi sini Zuekunft no unsicher isch. Jo und denne blibt no de Mustafi...de sött au me Chancene becho. |
| EvergreenTerraceFr 9.1.09, 14:30 | Zitat: xXxNostradamusxXx De chasch rauche...^^Und was isch mitem Eduardo ? Nei... er het eh immer öfters im Mittelfeld gspielt und isch sini Kilometer gloffe.. für mi ischer ke Stürmer me. |
| thedome88Fr 9.1.09, 14:30 | jo potenzial, potenzial.... das bringt aber nüt, wenn nit no riffi spiler hesch näbedra, wo guet in form sin. Die Zit mit em Rakitic, Kuzmanovic, Petric, Majstorovic isch guet gsi. döt sin si eig. scho guet gsi, hän denn aber no jungi wie dr raktitic könne usprobiere, und die hän halt glücklicherwis au voll igschlage. Vo mir us könne si jo pro match 2 gool beko, denn mien si aber vorne meh schiesse. aber ohni 10er isch dä sturm nüt wärt. Sowohl dr Eren als au dr Streller bruche bäll. und wenn me mol luegt, wär die saison so d gool gschosse het, denn merkt me, dass dr sturm nit vil brocht het...Friener mit em H.Yakin oder em Petric sin päss in d tiefi ko, traumhaft...jetzt chunnt nüt me. S ganze spil vom fcb isch au nit attraktiv zum aluege (keine regel ohne ausnahme...) |
| xy00Fr 9.1.09, 15:49 | 2 mal bearbeitet, zuletzt Sa 17.1.09, 20:17 |
| LeRoyalFr 9.1.09, 15:53 | @Sebaah: was bisch den du für ein???  du weisch jo gar nid ob mir and spiel chömme!?  aso schwigg!!! oder red aständig!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©