Festzeit.ch Forum » Sonstiges » E guets Tattoo-Studio??
| Autor | Beitrag 1 - 15 |
|---|---|
| MaD90Sa 10.1.09, 13:19 | Hallo zämme, also ich wot mi scho relativ lang tätowiere. S einzige Problem isch ich weiss nit wo. Darum han ich dänkt ich frog mol do im Forum.  Würd mi freue wenn mr öper e kli könnti wiiterhälfe  Greez MaD |
| DysisTSa 10.1.09, 13:30 | http://varry.com/  |
| Jason89Sa 10.1.09, 13:38 | http://letmegooglethatforyou.com/?q=Tattoo+Studio+Basel |
| MaD90Sa 10.1.09, 14:02 | @philson: jo ich wot nit eifach irgendeins, mini frog isch vorallem au an lüüt grichtet wo scho eins gmacht hän so als referänz. wo ischs guet, wo nit? |
| SparripsSa 10.1.09, 14:07 | http://www.tattoo-jimmy.de/ |
| Kleopatra1983Sa 10.1.09, 14:27 | s git kei bessere als dr Orlando..... jede wo mol e Wärk vo ihm gseh het würd das bestätige http://www.orlandos-tattoo.ch/ |
| ThrowUpSa 10.1.09, 14:34 | minni ex het bi ihm au eis gmacht,guet und schnell ischer. i ha mi eigene. wenn de interesse hesch frogsch... |
| derBonsaiiSa 10.1.09, 14:37 | http://www.xs-bodyart.ch/ Han dört s Piercing gmacht, aber scho vo viele ghört dass dört au Tattoos guet sind |
| CoupeDanemarkSa 10.1.09, 15:29 | Also wenn geili Schattierige willsch, wo au noch 10 Johr no so ussehn, würd i zum Ralph in Birsfälde goh.... aber muesch luege, dass zu ihm persönlich kasch. Mi Ex het 2 Tätowierige vo ihm und die sinn ächt hammer I weiss, me hört au negativs vo ihm, aber das chan ich ehrlig gsait nid verstoh.... über dr Orlando z.B. han i au scho mega viel schlächts ghört... vo däm här dängg i, das isch überall e bitz so und es isch au Gschmaggsach. I würd aifach mol paar Bilder go aaluege, am beschte öbbis in däre Art, wo du denn au willsch und anhand vo däm würd i denn entscheide, vo wäm dass es mache losch. |
| zaggiSa 10.1.09, 15:36 | Zitat: Kleopatra1983 s git kei bessere als dr Orlando..... jede wo mol e Wärk vo ihm gseh het würd das bestätige http://www.orlandos-tattoo.ch/  ou yes, chani nur bestätige! ha sälber eis bi ihm gmacht und chan ne nur empfehle //ralph z birsfälde wür dr allerdings ufs gröbschte abrote! bi dem hani eis gmacht  schlächt gstoche, keini schöne linie und absoluti pfuscherei 1 mal bearbeitet, zuletzt Sa 10.1.09, 15:37 |
| CoupeDanemarkSa 10.1.09, 15:46 | //ralph z birsfälde wür dr allerdings ufs gröbschte abrote! bi dem hani eis gmacht schlächt gstoche, keini schöne linie und absoluti pfuscherei [/quote]Do han i ebe scho ganz anders gseh, die vo mim Ex sinn knapp 10 Johr alt und sehn no uss wie neu... die sinn aifach perfekt Hingege han i vom Orlando au scho grotteschlächti gseh gha... wie gsait, är söll sich am beschte mol paar Sache aaluege, am beschte grad bi Lütt, wo dTätowierig scho e paar Johr hänn... i dängg, denn sehsch wirklig, wieguet dass dQualität isch. Bi jedem Tätowierer gits Lüt wo begeschteret sinn und es git Lüt wo absolut unzfriede sinn... weiss au nid an was es liggt. Bi jetzt grad nomol bim Ralph uff dr Homepage go luege und die Bilder wo är druff het, find i zu 80% aifach geil  |
| locodiceSa 10.1.09, 15:50 | ich glaub jede tätowirer weiss wiener e tatoo mache muess und cha das im normalfall au guet, ich glaub es chunt ehnder drufah was füre tag die person grad het, ob si guet glunt isch ect.. ich bi jedere person eso wo schafft, weme schlächt glunt isch, isch d arbetsihstellig au devo betroffe, obwohl das garnit vorcho dörfti.. ich würd meine me cha bi jedem tätowirer in dr schwiz wo nit grad dr lade usseht wiene puff sich tätowiire loh. obs guet oder schlächt wird isch den ebe d frog wie guet die person druff isch. oder nit? mini sis het sich au eins mache loh, aber nit vo somene berüemte, wills eifach billiger chunt, isch aber ganz schön usecho.. so sehts us..  1 mal bearbeitet, zuletzt Sa 10.1.09, 15:51 |
| LäppliSa 10.1.09, 16:36 | Zitat: NieSoloSeiN Du meinsch s FreshUp Tattoostudio. http://www.xs-bodyart.ch/ Han dört s Piercing gmacht, aber scho vo viele ghört dass dört au Tattoos guet sind Bodyart und FreshUp köhre zämme. Sind alles mega liebi Lüt. Bi au eifach so mol dört ahne und han mir e Skizze loh mache. Das isch in dr Nöchi vom BHF Gundeliusgang, Güterstrasse. Chan ich nur empfehle. |
| BlackSparrowSa 10.1.09, 18:00 | Jap chani au nur empfehle sind alli 3 unglaublich guet.. aber wenn chli was aggresivs wotsh mush nachem Rossi froge 1 mal bearbeitet, zuletzt Sa 10.1.09, 18:00 |
| xXxpaparazzaxXxMi 28.1.09, 21:39 | i find dr ralph in bisfelde esch super. i mein lueget nur d pics ah vo dem tattoo wo er bi mir usbessere tuät!! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©