Festzeit.ch Forum » Medien » Herr der Ringe vorbei? Nöö "der kleine Hobbit" kommt!
| Autor | Beitrag 31 - 34 |
|---|---|
| phallusimpudicusMi 21.1.09, 04:43 | Zitat: SilentHill T Siegried Saga kenni. Okay, es kunnt en Ring vor und de isch verfluecht, und beschert sim Träger dr sicheri Tod. Süscht weiss i nit, was für grossartigi Parallele es söll gäh. Und au dr Drang dr Ring z bsitze, wele bi dr Siegfried saga jedoch vo De Götter us kunnt und nit vom Ring, könnt me au no als en Gliichnis aluege.Zitat: phallusimpudicus die ussag dörfsch gärn nomol mache wenn de d edda gläse hesch. oder elai scho nur d gschicht vom siegfried der drachentöter...Ich würd eher sage er het sich vo dem beiflusse loh. Oder die nordischi Mythologie het ihn derzue brocht das z mache. Aber abkupfere isch öpis völlig anders. Was in dr reschtliche Edda überistimmig findet kan i nit sage, will i si würklich nit glese ha. Und eig isch dr Gegestand au Wurscht. Hätt er en Halsketti gnoh, wär s au en ganz anderi Sach. Und oberflächlich sött me das niut aluege. Es got jo au drum, was s Schicksal vom Träger isch, was dr Gegestad für en Schicksal mit sich bringt. Und do unterscheidet sich dr Sachverhalt zwüsche denne beid Gschichte doch erkenntlich. Aber ewnn du das findisch, denn sölls dini Meinig si.  |
| SilentHillMi 21.1.09, 14:53 | das sind e paar sache, dr drache fafnir wo dr ring und dr schatz bewacht het isch e ries gsi, gwüssi versione sage as dr ring ihn vergifted het und er zu somene monschter gworde isch. Aus den Alben („Lichtgestalten"  der Edda wurden Elben. Mimirs Brunnen ist das Pendant zum Spiegel der Galadriel Sauron, der Feind alles Guten auf Tolkiens Mittelerde, hausend im vulkanischen Land Mordor, ist nichts anderes als ein Abbild des Feuerriesen Surtur, der Midgard mit Vernichtung überzieht. Midgard = Mittelwelt/Mittelerde Es git no viel mehr, es isch au e buech drüber use ko http://ardapedia.herr-der-ringe-film.de/index.php/Mittelerde_-_Tolkien_und_die_germanische _Mythologie |
| phallusimpudicusMi 21.1.09, 20:20 | Also viles isch Spekulation, wien ich find. Do kasch, wenn de misstrauisch bisch gern und vil ineinterpretiere. Notürlich kasch du jetzt sage, dass ich eifach dr Tolkien will verteidige, in minere schwärmerei Mag si. Aber letscht endlich ischs und bliibts eifach en Gheimniss, wo dr Tolkien mit ins Grab gnoh het.Und vorallem würd ich sage, dass en Buech nit nur uf Grund vo ähnliche Gegeständ/Persone, ka uf en Plagiat gschlosse wärde. Dr Inhalt, dr roti Fade, t Sache wo vermittelt wärde, das alles sind die Vordergründige Sache. Und Ring sind scho immer en Gegestand gsi, wo me Zauberkräft nochegseit het, magischi Utensilie. Aber ebe wie gseit, du glaubsch das, ich bi nit dere Meinig. Beiflusst jo, sicher sogar, het er selber glaub gseit. Aber abkupferet würd ich überhaupt nit sage. |
| SilentHillMi 21.1.09, 21:31 | ich sag nid as d gschicht nid guet wär ect. für mi ischs eifach echli z viel, um nur z sage könne es isch nur e ifluss. aber egal, e meischterwärk ischs allemal |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©