Festzeit.ch Forum » Medien » gitarre scales
| Autor | Beitrag |
|---|---|
| SunparkDi 27.1.09, 22:35 | salé könnt mir öbr e paar scales empfähöe die guet sind zum soloe? (stilrichtig so à la guns 'n roses) ha ghört dr slash vrwändet e mix vo dorian und öbis anderem  |
| SlightReturnMi 28.1.09, 00:25 | ha uf ahib dasdo gfunde: "He relies on pentatonic minor scales played in "blues box" positions for solos and and sometimes uses the Aeolian and Dorian modes, the Mixolydian scale and pentatonic major scale." aso pentatonike sötsch kenne wennde e biz spile kasch  minor = moll, major = dur s andere, aeolian (äolisch, die normali moll-tonleitere), dorian (dorisch), mixolydian (mixolydisch) sinn verschideni sogenannti kirchetonleitere. git au no ionisch (dasch die normali dur-tonleitere), phrygisch, lydisch und lokrisch. muesch nid uswändig könne, mir hets no nie öppis brocht dasi die näme weiss, abr zum harmonischi zämehäng, kadänze und so z begriffe isches ganz hilfrich. wennde das weisch kasch vill kreativer soliere, komponiere odr was au immr. ach, schwer z erkläre. villicht hesch s wort mollparalelle odr durparalelle schomol ghört, also das e molltonleitere us de gliche tön bestoht wie e durtonleitere, aso zum bispil c-dur und a-moll bestön us de gliche tön, eifach bime andere ton agfange. und so isches au mit allne andere kirchetonleitere. also: vo jedem beliebige ton vo de c-dur tonleitere usgehend chasch e neui tonleitere, bestehend us de gliche tön wie in c-dur, ufbaue und dasch denn eini vo de kirchetonleitere  ganz eifach.ALSO: wenn du brav spilsch: c-d-e-f-g-a-h-c hesch c-dur (IONISCH). wennde jezt vom D us spilsch: d-e-f-g-a-h-c-d hesch e DORISCH tonleitere spilsch e-f-g-a-h-c-d-e hesch e PHRYGISCH denn f-g-a-h-c-d-e-f gleich LYDISCH witer mit g-a-h-c-d-e-f-g git MIXOLYDISCH denn kunnt a-h-c-d-e-f-g-a und das isch ÄOLISCH, wie mir vorhär glernt hänn e moll-tonleitere und die letst h-c-d-e-f-g-a-h isch LOKRISCH jez würds wider vo vorne afange. am eifachste gsehsch das ufem klavier. uf de gitarre isches au kei häxerei. muesch halt die verschidene fingersätz lerne, abr dasch e kleini sach und sehr guet als finger/kopfüebig wo würklich au öppis bringt hoff dasch entfärnt verständtlich wasi gschribe ha... do no e paar gueti links: http://www.justchords.de http://www.myguitarsolo.com http://www.guitartricks.com/ http://www.worldguitar.com/start.html bi froge eifach froge. freu mi immr wenn das postigan-ding obe rächts blinkt  vill erfolg |
| SunparkDo 29.1.09, 18:03 | nei, s het mi scho witr gholfe, messi! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©