festZeit.ch - Forum - Sonstiges - Übertürti Zollabfertigungsgebühre bi Ikäuf im Usland

Festzeit.ch Forum » Sonstiges » Übertürti Zollabfertigungsgebühre bi Ikäuf im Usland

Autor	Beitrag
SerialDo 29.1.09, 17:58	Hallo zämme Mir hän irgendwenn afangs Januar für s Navigon Navigationsgrät e Hülle und e Homecharger bstellt, 29 Euro. Das isch denn au glieferet worde, zahlt per Kreditkarte. Versandkoste Standard 4.95 Euro drzue Gescht chunnt denn vo UPS e Rechnig, 24.75 Fr. mhm? für was denn? Druf stoht dass mir de Homecharger und d Hülle kauft hän für sage und schreibe 82.00 CHF. ahjä? Denn gits e Gebühr druf vo 18.50 Fr. und vo dene 82 Franke no d Mehrwertstür, 7 Fr. Äh jo... Weiss öbber wieso das so isch? Die Gebühr? Ha bi Kassesturz oder so mol kurz öbbis drvo ghört... Oder het öbber scho mol öbbis ähnlichs erläbt?
sbabyDo 29.1.09, 18:01	isch mr au passiert. sobald de öbbis bstellsch wo über CHF 65.- wärt het (glaub inkl. transport), zahlsch für e vereifachti zollabfertigung wo jetzt neu d post macht CHF 18.- gebühr plus MwSt. und bi gwüsse produkt glaubs CHF 35.- ABER! jenachdem mit was des glieferet bekunnsch, zahlsch unterschiedlichi gebühre. am schlimmste isch glaubs GLS (100% tochtergsellschaft vo dr poscht). do zahlsch glaubs immer CHF 35.- elei für d verzollig (aluege wieviel dr wärt isch gemäss herstellerufkläber, durch 100 mol 7.6 = MwST...e wahnsinns stundelohn)..reini abzocke m.E.
sbabyDo 29.1.09, 18:02	pass uf! die tüen immer wider dr wärt höcherischätze (bewusst?) und denn zviel MwSt berechne. bi mir hän si mol dr betrag wo uf em päckli als CHF 40 agäh isch, als EURO behandlet, denn mol 1.55 und vo dem d mehrwärtstüür welle...frächheit
SpacecowboyDo 29.1.09, 18:07	Ha grad letzti s gliche erläbt, Warewert isch unter 65.- aber bi dr MwSt.-Quittig hends eifach mal 120.- inegschriebe! Ha e saftige Beschwerdebrief gschriebe, mal luege ob e Reaktion chunt oder ob sie de nur zum A.... abwüsche benutze. Hät glaub sötte schriebe: "Liebe Swiss Post International, Sie scheissen mich langsam an...." http://www.sf.tv/sf1/kassensturz/manual.php?catid=kassensturzsendungsartikel&docid=2008121 6-post 1 mal bearbeitet, zuletzt Do 29.1.09, 18:07
SerialFr 30.1.09, 20:04	Zitat: sbaby pass uf! die tüen immer wider dr wärt höcherischätze (bewusst?) und denn zviel MwSt berechne. bi mir hän si mol dr betrag wo uf em päckli als CHF 40 agäh isch, als EURO behandlet, denn mol 1.55 und vo dem d mehrwärtstüür welle...frächheit öbe, das hän si do jo au gmacht. 29 Euro hets kostet, bi de UPS stoht uf de Rechnig jetzt 82.00 CHF kei Ahnig vo wo de Betrag chunnt. Aber eigentlich hätte mir gar kei Zollgebühr müesse zahle oder? 29 + 5 Euro Versand = 34 Euro, das sin vilicht 50-55 Fr. Und niemols 65... tja, isch jo jetzt egal, sauerei eifahc s komische isch au, dass die Rechnig an mini Muetter gange isch. Obwohl mi Vater die Hülle kauft het, mit sinere Kreditkarte zahlt und an sich glieferet het... strange!
SerialFr 30.1.09, 20:05	Zitat: Spacecowboy Ha grad letzti s gliche erläbt, Warewert isch unter 65.- aber bi dr MwSt.-Quittig hends eifach mal 120.- inegschriebe! Ha e saftige Beschwerdebrief gschriebe, mal luege ob e Reaktion chunt oder ob sie de nur zum A.... abwüsche benutze. Hät glaub sötte schriebe: "Liebe Swiss Post International, Sie scheissen mich langsam an...." http://www.sf.tv/sf1/kassensturz/manual.php?catid=kassensturzsendungsartikel&docid=2008121 6-post das bim kassesturz hani gseh, aber jo, irgendwie sött mol öbber e liste mache wär wieviel gebühre verlangt und so, wär no hilfrich
OliLiveShowFr 30.1.09, 21:34	Ich schaff uf dr Post. Wenn me Artikel us em Usland bstellt muess me mit so Gebühre rächne. GLS verursacht relativ hohi koste. S chunnt halt au immer druf ah wie guet dr Inhalt deklariert isch. Stimmt das nit entstönd zuesätzliche koste vo Warewärt unter CHF 700 kostets Fr. 18. über 700CHF Warewärt Fr. 35.- bi dr GLS ischs wesentlich höcher. Aber ebe me muess mit so koste rächne. ACHTUNG: Auch bei AMAZON bestellungen können Zollgebühren anfallen.

Als angemeldeter festzeit.ch Member kannst du Themen erstellen und auf Beiträge antworten.