Festzeit.ch Forum » Sonstiges » schwere zeiten für raucher
| Autor | Beitrag 16 - 30 |
|---|---|
| PenisVaginaPenisMo 4.9.06, 12:51 | Also ich, als "NR*" sag mol au mini meinig drzue: Ich persönlich find -.30 no z'wenig, aber ich find es scho besser dass es in de Beize, etc. verbote isch! Ich sälber ha au Raucherkollege, und finds eifach scheisse näbe dene z'stoh oder suscht mit dene diräkt ins gsicht z'rede, will: 1.) könnt me sälber au für e Raucher g'halte wärde (als NR*) 2.) hass ich Passivrauche wie d'pescht 3.) will me suscht (vo de blickwinkel anderne) als typ bezeichnet wird wo mit kiffer(jap, ich weiss es sind unterschied) verkehrt. 4.) es stinkt  Das mit de Teggscht uf de Ziggi-päckli find ich aber au zimlich billig usdruckt: "Rauchen kann Tödlich sein". Das hört sich ziemlich harmlos aa, und das weiss jedi Sau... Die sötte au e chli besser an de Teggschtli arbeite. Tja, das isch mini Meinig. *NR = Nichtraucher 1 mal bearbeitet, zuletzt Mo 4.9.06, 12:51 |
| visionaryMo 4.9.06, 12:59 | Die ewige Verglich mit em Alkohol findi eifach lächerlich. Das isch so à la "Aber dä hets au gmacht. / Dä het mir zerscht Arschloch gseit." Es goht jo drum, absolut s Richtige z mache und nit relativ zu irgendeme andere Problem, wo au noni glöst isch. noname: "aso das mit em gsetz das alk und tabak erst ab 18 set verkauft werde ha i gar keini problem und würd i au jo stimme.. find i e gueti sach will s afangsalter isch halt scho 14-15 mit rauche und suffe.. " Wenn s Gsetz d Alterslimite bi 16 setzt und sie mit 14-15 aföhn, heisst das denn, dass sie wenn' s ab 18 isch, erscht mit 16-17 aföhn? ^^ Ich bi gege s Sozialsystem, denn cha jede mache was är will und gege d Demokratie, well e Ketti isch immer so stark wie's schwächschte Glied. Cheers. |
| SportsIsPleasureMo 4.9.06, 13:15 | @visionary: Mitere absolute Lösig hesch du scho rächt. Abr: 1. Chasch e absoluti Lösig nid nur bi eim Punkt (Rauche) asetze. 2. Cha Demokratie nid zunere absolute Lösig cho, do jede sini eigene Interesse verfolgt, spricht me brüch Minimum dr Kommunismus drzue, was zue sehr sehr vilne andere ischränkige führe würd 4. Vertrittsch du genauso dini eigene Interesse, und würsch dr die nur wägemene adrohende Staatsbeschluss nid näh loh, sondern drum kämpfe. Zur Alterslimite: Wär kennt das, Tankstell, me isch 14 und ufgregt, es chunt e 20 jährige, däm druggt me sGäld in dHand und scho het mr dr Alkohol, Ziggis, was au immer. Au gsetzlichi Hürde sin nid schwer züberwinde. Odr no eifacher....me goht zumene Türkelädeli (das söll nid diskriminierend döne). Die froge eh nie noche. Mit dere Ussag willi nid sage, dassi dAlterslimite nid au würd ufesetze, das uf jedefall. 1 mal bearbeitet, zuletzt Mo 4.9.06, 13:15 |
| visionaryMo 4.9.06, 13:31 | Das stimmt alles, aber zu 4.: Was göhn mi z.B. die Asylgsetz a? Ich ha doch kei Ahnig (genauso viel wie alli andere). Die ganz Wirtschaft sträbt nach Arbetsteilig, nur in dr Politik muess jede dörfe mitrede. Es söll doch e kleini intelligänti Gruppe das ellei managiere, in dr Nati spielt jo au nit die ganz Schwyz mit sondern die Beschte, was söll die Scheisse... Und d Grundidee vom Kommunismus isch nit e zentralistischi Politik, die isch nur e Mittel zum Zwäck. |
| GMGMo 4.9.06, 13:45 | setsets doch durre... vo mir us! aber in meine eigene vier wänd cha und wird mir NIE öbber verbiete z rauche! |
| EdHardyMo 4.9.06, 13:51 | @visionary e gueti idee, schaffe mr doch unsers staatssystem ah und gämmer enere kleine gruppe d macht. anhand vo erfolgriiche muesterbispiel wie nordkorea, china, iran, kuba usw. gsehmer jo wozue das das führt |
| SportsIsPleasureMo 4.9.06, 13:52 | Das isch scho nid dGrundidee vom Kommunismus, jo: Es wär eintli e gmeinsams Arbeite/Läbe zämmesi, zum Wohl vo dr Gsamtheit. Also zum wohl vor ganze Bevölkerig. Abr stell dr vor, 1 Ma/Frau an dr Macht wo sSage het: Au er isch e Vertreter vo sine eigene Interesse und wird die, wenn au zersch unmerklich, in Vordergrund stelle und fördere. Dasch doch e Quatsch, keine cha rein objektivi Entscheidige träffe. Abr damit me cha unterstriche, wie objektiv doch sone Meinig isch, brucht me halt dWisseschaft drzue. Jo, es isch erwise das rauche schadet. Na und? Und um witr vo dr absolute Idee abzwiche: Autos sin schädlich, Flugzüg au, dr ganzi Elektrosmog au, sogar Fleisch, und Wasser...etc. Do isch dr Zämmehang. Du chasch nid e absoluti Lösig finde, weil e absolute Ideeasatz uf ere subjektive (wenn au durch dScience bestätigte) Meinig berueht. Vo däne Meinige gits abr tusigi. Dämfall sötte mr halt zrugg zur Monarchie P.S: Will nid bös erschine. Abr es isch interessant euri Meinige zghöre. |
| visionaryMo 4.9.06, 13:54 | nit Monarchie, aber es muess doch nit jede sini Meinig abgäh. so paar reflektierti Lüt à la Leuebärger wärde wohl kum e Militärdiktatur ufzieh.  |
| EdHardyMo 4.9.06, 13:58 | also es mag scho lüt gäh wo selbstlos sin, nur het sich bis jetzt jede rebelleführer meistens selber zume despot gwandlet (mao, lenin, castro, kabilla, kim il-sung usw.) i kah vo mir sage dass i glaub e recht hells köpfli ha   , aber wenn ich an dr macht wär würdi au zerrscht für mi luege und 99.999% vo euch sicher au (bitte keini kommunismus diskussione. de scheiss het nonie funktioniert und au d idee isch nit sonderlich wo drhinter steckt) |
| DelinquentJustPromoMo 4.9.06, 14:04 | ich bi raucher... aber gross würds mir nit störe wenni in e beiz nümme rauche könnt |
| PuRpLePeAcEMo 4.9.06, 20:44 | ja also ich bin sälber raucherin und ich fins nid grad sone gueti idee.abr abr ich glaubs nid das mich das zb würd dezue motiviere ufzhöre.und zu alterslimite mol so öbis: en 13 oder 14 jährige stoht vorem coop und frogt eine wo scho 16 odr 18 isch gsi wägem alk odr ziggis kaufe.also leutzz bitte das goht so eifach. 1 mal bearbeitet, zuletzt Mo 4.9.06, 20:46 |
| decenzaMo 4.9.06, 20:57 | Stitch: Dinre Meinig stimm ich ächt voll zue Hehe... Cha gar nüm me derzue sage! Ich finds eifach au voll dernäbe...Mir sind voll die Verarschte und alli Nichtraucher ( au übrigens die wo mol graucht hänn) stelle eim so dumm ane oder besserxeit mir müen eifach das mache, wo d Nichtraucher wänn...Und es wird imemr türer, das reggt mich grad am meiste uff   |
| borniMo 4.9.06, 21:21 | Also zerscht mol, bi e agressive Nichtraucher, alles wo gege s Passivrauche gmacht wird find i sehr guet! Vo mir us chönnt e Päckli 15.- koschte. Au dasses scho Firmene git, wo nume no Nichtraucher istellt odr dasses gli e Krankekasse git, wo nume Nichtraucher ufnimmt und durch das d KK-Prämie nid so hoch sind, find i sensationell  Bi stolz, dass mi Kanton SOLOTHURN, als erschte Kanton so scharf gege d Raucher vorgoht D Mehrheit vode schwizer bevölkerig, guet rund 70%, sind Nichtraucher und wäge däm muess me sie gege s Passivraucher schütze und gege d Raucher vorgoh..so hart wies dönt.... Schlussendlich isch jede urteilsfähige Mensch für sich sälber vrantwortlich. D Raucher wärdes in Zuekunft eh immer wie schwerer ha, spötischtens in 5 Johre dörfme ir Schwiz, wie jetzt scho in Italie, i keim Club me rauche. Also i ha überhaupt kei Problem drmit |
| marciMo 4.9.06, 21:26 | Au dasses scho Firmene git, wo nume no Nichtraucher istellt odr dasses gli e Krankekasse git, wo nume Nichtraucher ufnimmt und durch das d KK-Prämie nid so hoch sind, find i sensationell wo bitte hesch das gläse?? |
| marciMo 4.9.06, 21:29 | chum hey, was wil s rauche scho für es kriterium si zb bi dr jobsuechi?? es git in JEDER branche raucher, do chasch mr no so viel verzelle, glaube dueni nix! und jänu choste sie jetzt 6.30, verdiene duet me au meh, somit isch das au wieder greglet... hohe ausgaben = höherer lohn, was i jetzt scho paar mol gseh ha... d schwizer regierig isch doch nur e reini abzocke!!! überall versueche sie geld inezhole, endi joor hei sie aber immer es defizit!! döt lauft au öppis falsch, und zwafr massiv! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©