Festzeit.ch Forum » Sonstiges » schwere zeiten für raucher
| Autor | Beitrag 1 - 15 |
|---|---|
| GMGMo 4.9.06, 08:18 | zerst verschwinde d raucher im zug, denn kasch in beize nüm rauche (solothurn) und denn wärde ziggis nomol 30 rappe dürer, wärde raucher ussgnutzt? was haltet ihr devo? Gerächt, oder doch nit? |
| snowbodyMo 4.9.06, 08:54 | i finds guet so  |
| snickerMo 4.9.06, 09:08 | ich ebenso... |
| EssenzzMo 4.9.06, 09:08 | jup finds au guet.. jo ich mein es sin jo au die gfährdet wo nid rauche.. naja isch halt ansichtssache xD d Raucher findes scheisse und d Nichtraucher finde es sigi noni hart gnueg ^^ |
| SportsIsPleasureMo 4.9.06, 09:11 | I finds völlig drnäbe. Abr isch jo klar, uf ei Zilgruppe muessme losgoh. Wenn denn drfür alli Raucher vertribe und usgräucheret worde sin, goht me uf "dWassertrinker" oder "Milchtrinker" etc. los. Schlussendli lost sich überall e negative Punkt finde, wome sich dristeigere chan. Sorry echt, abr zZ regi mi nur no uf. Das chas echt nid si. Dr Staat schribt uns genau vor wie mr läbe mien. In 30 Joor wärde alli Lüt e Velo ha, nid rauche, nur no Gmües ässe und immer genau sgliche im Usgang mache, niemeh nach dä 10e ins Bett und schön brav 12 Stunde am Tag schaffe  Hergott, lönd uns doch eifach läbe. I wandere susch us..ächt. Btw: Dassme in Baize nüm rauche söll isch mr jo glich, i verstand dNichtraucher scho. Abr generell eifach e Abzogge drus mache und dRaucher so anestelle, als ob sie die schlimmste Drogesüchtige wäre, findi nid fair. Irgendwenn wird jede Raucher als gröschte Yunkie agluegt, bechunt wäge däm kei Job me, weil er jo Drogeabhängig isch etc. Suupr, BRAVO GSELLSCHAFT!!! |
| finelineMo 4.9.06, 10:17 | Jo chumm... ich mach mir do nid gross gedanke derüber... jetzt wärde d'zigarette no türer... nid dass mi de priis stört. jetzt isch eifach grad schön, dass si 6 franke kostet händ und e grossi münzschlacht erspart worde isch  naja... ich mein in ängland kostet es päckli 12 franke oder meh, vo däm här isch do jo grad heilig. dass in de beize nid darf graucht wärde isch gar nid so übel... sälbst mir als raucher hetts scho in es paar lokal abgstellt. und unter anderem cha me nach emne oobe in emne lokal nochhärd no witter goo, ohni s'gfühl, dass me wie e äschebächer schmöckt. gangi halt use für mi schlot, rauchi erst no weniger. aber hesch scho rächt... mir sind e verbotsgsellschaft. und das wird sich nid ändere. big brother is watching you... friener oder spöter wirsch sogar bim pisse überwacht. (erscht ab 18  ) ah jo, im BL wird derüber abgstumme, öb zigarette erscht ab 18 verkauft wärde dörfe. Ich weiss nid, öbs öppis nützt, aber ich bi defür. Ha schliesslich au mit 16 aagfange... hätt ich dört no keini zigarette kriegt würdi villicht jetzt nid rauche. wär weiss. |
| EdHardyMo 4.9.06, 10:35 | @fineline du seisch es! "ohni s'gfühl, dass me wie e äschebächer schmöckt. gangi halt use für mi schlot, rauchi erst no weniger" genau das isch dr grund wieso meh e rauchverbot in restaurants und vorallem bars und clubs mache mues. das bringt nur vorteil. 1. gsünder für alli 2. d kleider stinke nit nach rauch wennde au nur mol e halb stund in ere bar stohsch. 3. isch sicherer vo wäge brandgfahr (ok, könnt meh jetzt vernochlässige wennde an gebäudebränd dänksch), ABER, jede het scho mol brandlöcher oder verbrennige vonere zigarette ime club bekoh (i weiss nit ob i das azieh aber i ha öbbe 4 narbe an de ärm wo vo so abgfuckte zigis kömme) 4. s wichtigste us minere sicht  es wird dir nit d möglichkeit zum rauche gno, jedoch verzichte villicht viel jüngeri druff im usgang mol us coolness eini mitzrauche wells se dänk aschisst vor d türe goh (die harte raucher wärde dass sicher uf sich näh, aber trotzdem ihres rauchverhalte während dere zit biz abeschrube). i dänk dr ifluss uf die junge wär immens. i weiss us em eigene kollegekreis wie schnell us wucheendrauche meh wird.sind mol ehrlich. wird euri freiheit so igschränkt wenner ame ort nit rauche dörfe? es isch euch jo denn freigstellt schnell usezgoh eini go rauche (lauft in kanada und amerika au so..dusse stoht denn efach immer sone kleini raucher-community, isch no easy, biz smalltalk  ). wemme abwägt was d koschte und dr nutze sinn, findi s isch eidütig. d prävention und d möglichkeit ame ort halt mol nit z rauche halte e richtig harte raucher nit vo sinere sucht ab, könne aber d neuraucher und d passivraucher schütze und so koschte ispare womer spöter alli erbringe müen. und s wichtigst, läbe wärdet grettet.1 mal bearbeitet, zuletzt Mo 4.9.06, 10:37 |
| immaMo 4.9.06, 10:47 | @EdHardy bi eigentlich überhaupt nid gege es rauchverbot au wenn ich sälber raucherin bi, aber sorry, wenn de läbe rette willsch denn muesch nid go s rauche in de beize verbiete! do hesch minere meinig efach z viel propaganda ghört! das sage nämlech genau die lüt wo vo dr abgasproblematik und sunshtigr luftverschmutzig etc. wänn ablänke will si es interässe händ das me nid so an das dänkt! derbi wär das viiiieeeeel wichtiger! wenn me dört öbbis verbessere würd könnt me nämlich richtig viel läbe rette! sorry, dass hani grad mol miese loswärde.. |
| niseMo 4.9.06, 10:51 | also dass mit de 30 rappe dürer und mitem verbot in de beize isch mer eigentlich no relativ egal...ich rauch nid gärn in gschlossene rüüm, und wäge 30 rappe verlumpi scho nid grad...aber was mi närvt isch dass d'zigis ständig düürer wärde, aber mitem alkohol sin sie viel weniger konsequänt... d'svp findi am schlimmschte wenns um so züg goht... 16 jährigi chönne im coop für 3 stutz logger 2 liter bier chaufe...das findi rächt erschreggend... |
| EdHardyMo 4.9.06, 11:00 | @imma i ha nit zviel propaganda ghörtt. i ha aber am eigene lieb erfahre wies isch öbber durch lungekrebs z verliere. schlussendlich isch es jedem sini sach was er mit em körper macht aber wemme d chance het durch sone kleine igriff au nur einigi hundert vom rauche abzhale (wie gseit, i red vo neuraucher/weekendraucher und nit vo euch ), denn ischs das wärt.1 mal bearbeitet, zuletzt Mo 4.9.06, 11:00 |
| finelineMo 4.9.06, 11:11 | @nise im baselbiet wird jo jetzt abgstumme, öb alkohol ebefalls ab 18 verkauft wärde söll. Ich stimm jo... will eigendlich stimmts jo wirklich. Mit 18 bisch eifach nonig erwachse. (au ich bi mit 18 nonig wirklich erwachse gsi.) |
| SportsIsPleasureMo 4.9.06, 11:48 | Hoi zämme Euri Argument sind alli ilüchtend und au vertretbar. Ich z.B. rauch au selte bis nie dinne. Ussr in Baize, wobi i das nid unbedingt bruch. Usegoh stellt überhaupt kei Problem dar für mi. I luegs eifach andersch ah. Wemme mol afangt will mes witrtribe: - Schlussendlich dörf uf allne öffentliche Plätz nüm graucht werde. Mir chunt dr Gedangge, dass dRaucher schlussendlich an Rand vo dr Gsellschaft druggt werde sölle. Wär seit, dassme uns nid witr cha in dEcke dränge, wemme mol afangt drmit? Nur no dusse rauche und türeri Ziggis stresst mi nid. Nur befürchti sehr stark, dasses witrzoge wird. Sehr vil witr, was gegenüber knapp 35% vo dr Gsellschaft nid fair find. Au dass Jungi weniger werde avo rauche, wär sicher e Vorteil. Kanni nid abstritte. Nur nomol ums zsage. Wenn mit däm Schritt schluss wär, wärs für mi kei Problem. I rauch in keinere Wohnig und in keim Huus, nid im Auto etc. Fascht nur dusse. Abr es wird witrgoh und das macht mr Angst. Abr wie gohts witr? Wenn denn dRaucher weg sin, fangts bi dä Autofahrer ah!! Und das betrifft denn halt öbbe 90% vo dr Bevölkerig. |
| EdHardyMo 4.9.06, 11:54 | also i halt nit viel vo dene "es wird witergoh theorie" aber i sag mol trotzdem öbbis drzue. uf d autofahrer kame nit, well das wie du gseit heshc 90% sinn. es wird immer nur e mehrheit über e minderheit regiere und das nennt meh demokratie .also i glaub es würd au bi dem bliebe (bi de raucher jetzt). i mein du kasch niemerem verbiete in sinere wohnig z rauche resp. dra hindere und uf öffentliche plätz (allgemeingebruch) kasch es au nit ohni e richtige grund ischränke. zum das welle ändere sin zuviel gsetzlichi hürde z überschritte und do wird au s volk nit mitmache (sinn schliesslich nit in singapur). |
| VentiSupportMo 4.9.06, 12:23 | jungs ich ha mir mi vorrot an tabak und schlöt dehaim aglegt genau wäg so sache hehehehehe |
| nonameMo 4.9.06, 12:39 | --> betreff rauche: aso das mit em gsetz das alk und tabak erst ab 18 set verkauft werde ha i gar keini problem und würd i au jo stimme.. find i e gueti sach will s afangsalter isch halt scho 14-15 mit rauche und suffe.. dass uf jedem zigi päckli stoht wie ungsund s isch und bla stresst mi nit rauch glich und öb mini camel mild jetzt 5.80 koste oder 6.10 pfff WAYNE? --> betreff suffe: i finds eifach scheisse wen uf jedem päckli zigi druf stoht wie gförlich s isch und uf KEINERE alk fläsche nur e klinikeit stoht wie schädlich au alk kha si und was für folge s het, i wer drfür das uf JEDERE alk fläsche (au uf de hülse) s gliche todesrämli wie uf de zigi und e nette fettgschribene satz set druf si wenn scho uf d raucher den au uf d suffer 1 mal bearbeitet, zuletzt Mo 4.9.06, 12:40 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©