Festzeit.ch Forum » Politik / Religion » Christen senden Hassbotschaften
| Autor | Beitrag 1 - 15 |
|---|---|
| WulframFr 20.2.09, 11:43 | http://www.20min.ch/news/luzern/story/10587703 Da sieht man mal wieder wie fest das Judaochristentum Europa noch in seinen Krallen hält und wie empfindlich deren Anhänger reagieren, wenn man ihre Götzen auch nur in Frage stellt. Eure Meinungen sind gefragt... |
| digitalrebelFr 20.2.09, 11:47 | verdammti sauerei sone reaktion und die Drohige vo de Christe ... isch das "christlich" ??????? Ich würd jetzt am liebschte au userenne und die Plakat mit dene Bibelzitat abfackle wo z basel umehänge. |
| tschugileFr 20.2.09, 11:53 | und ? was meinsch wies bi Anti-SVP Plakat wär.. isch doch eifach nur e riese Kindergarte ps: sehr erwachse.. du würdsch am liebschte userenne und s gliche mache ? Tolli Konfliklösig ! Wenn das alli so mache würde, isch d Erde in 2 Joor wäg.. 1 mal bearbeitet, zuletzt Fr 20.2.09, 11:54 |
| digitalrebelFr 20.2.09, 11:55 | Zitat: tschugile Ich würd nur das mache wo in dr Bible stoht "Auge um Auge, Zahn um Zahn" ... haha ... und ? was meinsch wies bi Anti-SVP Plakat wär.. isch doch eifach nur e riese Kindergarte ps: sehr erwachse.. du würdsch am liebschte userenne und s gliche mache ? Tolli Konfliklösig ! Wenn das alli so mache würde, isch d Erde in 2 Joor wäg.. nei natürlcih würdis nid mache, aber s Christetum disqualifiziert sich doch mit dem Aggro-Verhalte grad sälber... Religion der Liebe und der Toleranz, dass ich nid lach ... haha |
| tschugileFr 20.2.09, 12:05 | aktuell disqualifiziert sich nid nur s Chrischtentum sondern au grad no dr Bundesroot mit dr UBS, d SVP und sogar dr FCB  wär wunderts no.. nix neues.. |
| DysisTFr 20.2.09, 12:07 | hahaha das isch jo voll erbärmlich ! Wenn me doch soo fest in gott glaubt kümmret me sich doch nid um sone plakat ^^ Demfall kame die liecht verunsichere odr was  |
| digitalrebelFr 20.2.09, 12:13 | Zitat: DysisT ich finds eifach truurig ... au nid besser als radikali Islamischte .... hahaha das isch jo voll erbärmlich ! Wenn me doch soo fest in gott glaubt kümmret me sich doch nid um sone plakat ^^ Demfall kame die liecht verunsichere odr was |
| digitalrebelFr 20.2.09, 12:15 | Ich mis Zitat do drzue woni im BaZ-Forum gschriebe ha zimmlich geil: "Religionsfreiheit sollte doch auch beinhalten, frei von Religion zu sein, und dies auch sagen zu dürfen" .... oder? 1 mal bearbeitet, zuletzt Fr 20.2.09, 12:15 |
| finelineFr 20.2.09, 13:03 | Zitat: tschugile Scheisse wo du uselosch! S'Chrischtetum, wie wenn die vollidiote wo die hassbotschafte die ganzi Gsinnig vom Christetum alli Gläubige Mensche repräsentiere! Das isch genau sone naivi ussag wie wenn me seit, dass alli ussländer bös und alli Moslem terrorischte sind!aktuell disqualifiziert sich nid nur s Chrischtentum sondern au grad no dr Bundesroot mit dr UBS, d SVP und sogar dr FCB wär wunderts no.. nix neues.. |
| tschugileFr 20.2.09, 13:12 | bi jo froh das in unser Gsellschaft sunst nie schubladisiert wird.. eimol ufwache bitte |
| DysisTFr 20.2.09, 13:13 | atheiste //http://i109.photobucket.com/albums/n72/redsoxvixen/emo_fat.jpg 1 mal bearbeitet, zuletzt Fr 20.2.09, 13:15 |
| holysmokeFr 20.2.09, 13:29 | Zitat: WäLpLi aso i verstand nit wieso me dörf pro christetum plakatiere, aber nit pro heidetum.Reta Caspar, Leiterin der Geschäftsstelle, nimmts gelassen: «Das zeigt nur, dass die Christen gleich radikal sind wie die Muslime, die sie als Extremisten bezeichnen.» Null ahnig und Hohl in dr Biire die armi Frau, ich verstand d'Christe sry aber das isch nur Provokation, ich bi sälber Atheist aber das isch jedem sälber überloh, das isch Puri Provokation und ich würd glaub wenni christ wär au so reagiere.... ganz sälberschuld Luzärn mit so episem sötte sie rächne und das wirdmer au nit ganz schlüssig us de anderne ussage do. kasch doch nit Ovomaltine verbiete wärbig z mache, nur well Nestle scho für ihr produkt gworbe het, und de konzärnchef durch d decki springt wäg däm ^^ |
| holysmokeFr 20.2.09, 14:06 | sorry, aber das isch eifach reini erpressig - und ganz ehrlich, i würds druff aakoh loh. und diä "armi frau" het jo >offesichtlich< absolut rächt... diä christe wo do druck ufbaue, drohe exakt glich mit vergältig wiä diä extreme islamiste. aso äntwäder machtmers fair, au diä christeplakat >müen< verschwinde - oder me losst beides zue. und i finds jo toll wenn du mich mit öppisem wie gott verglichsch, aber do gits en grossi unterschied, zB: mich kame alänge, mich gsehtme, mit mir kame e gspöch füere, ich ka lüüt hälfe. Mich kame verklage, ich ka klage. Ich cha säge wemmer was nit passt. Das alles ka weder de Pumukl no s Rössli Hüh no ka das Gott. und do dran wird jetz sichtbar: es goht nit umd insitution "christentum" - sondern um de aberglaube. es goht drumm ehrlich z sii! und wieso dörfme plakat ufhänke wo ein ganz klar und direkt ein aliege... das dörfme nur wells christetum stark mit unserer kultur verankeret isch. dorum het bis jetz kein was gseit. falsch sin diä plakat aber immer scho gse. das het nüt mit glaube oder atheismus oder rächt oder was au immer z due, sondern miteme ehrliche verstand. so, das isch jetz sehr subjektiv gse. do no objektiv: "es gibt keinen gott" ka genau so gloge sii wie all diä pro-gott plakat. also würdi säge: gleiche rechte für alle. 2 mal bearbeitet, zuletzt Fr 20.2.09, 14:20 |
| FrAnCiScOFr 20.2.09, 14:26 | wie dr fineline scho gseit het!! das sind vilicht 2-3 christe gsi wo die drohige usgsproche hend, d merheit vo de christe würd wege dem plakat kei grosse tumult mache. es isch jo schlussändlich jedem sini eigeni sach ob er es glaubt odr nid.  numme vergesset nid, d gsetzt vo dem land sind uf de basis vo de bible gründet worde.  |
| digitalrebelFr 20.2.09, 14:29 | "Es gibt Gott" "Es gibt keinen Gott" solang nid s einte oder s andere ka bewiese wärde stoht Ussag gege Ussag. Aso was mache d Chrischte sone drama wenn me Plakat ufhänkt wo dr Punkt 2 Unterstützt. Si hänke plakat uf wo Punkt 1 unterstützt... aso was sölls ??? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©