Festzeit.ch Forum » Sonstiges » "BMX-Lehrer" gsuecht! :)
| Autor | Beitrag |
|---|---|
| MadchenMo 23.2.09, 18:04 | Ich würd gern BMX fahre (lerne) ...bi zwar scho bitz alt aber i hoff nid ganz unbegabt, würd mich uf jede Fall freue wenn sich öber dere Ufgob würd stelle zum mir die Sportart bitz nöcher zbringe!  Merci |
| hanauMo 23.2.09, 18:07 | ok. BMX, das isch sone sportart, wo me eifach am beste lernt wenn mes selber versuecht.. do kasch eifach nid gross e lehrer ha wo einem alles erklärt. do luegsch du kurz es video wie eine zB en bunnyhop macht und das versuechsch den nochezmache  und zwar solang bis es goht, do bruchsch eifach nid gross en "lehrer"peace |
| BorstiiMo 23.2.09, 18:09 | Was genau wilsch im BMX lehre ??? git jo: -Park -Flatland -Dirt Hesch du scho es bmx? süscht chasch am mentig und am dunnstig im Pumpwerk go fahre (kostet 5.- iitritt, sind oft bmxer interwegs dort und süscht isch d'karin (bmxerin an dr kasse) dort und chönnt dir das bibringe... |
| MadchenMo 23.2.09, 18:11 | I säg jo i ha kei Ahnig..aso das me nid würkli e "Lehrer" brucht isch mer scho klar. Jep vom Pumpwärk han i au scho ghört...merci füre Tipp! |
| BorstiiMo 23.2.09, 20:22 | do hesch mol dr link http://www.pumpwerk-bs.ch/ wie dr nohorizon seit, viel fahre und usprobiere... und isch sicher lüstiger wenn du mit jemandem chasch mitfahre  |
| MadchenMo 23.2.09, 21:42 | Danke! Jo ebe so han is eigentlich au gmeint, dass mer mol öber bitz öbis zeigt...dass i denn selber muess dra bliebe isch mer klar. Du kennsch glaub mi Brueder, (dr'Roger) oder? |
| HowToKillACopMo 23.2.09, 22:25 | frog e mol dr "partypeople" isch e voll easy typ |
| BorstiiDi 24.2.09, 00:55 | Jop genau ^^ seisch em mol e gruess Wenn du lust hesch chasch ja mol mitcho im pumpwerk... hesch jetzt eigentlich es bmx ? |
| MadchenDi 24.2.09, 09:33 | Jo i sägem e Gruess wenn er vo dr'RS zrugg chunnt. ..mega Zuefall! Jo das wär mega toll...aber i ha halt kei BMX - aso eigentlich gar nüt  weiss jo au nid obs würkli öbis für mi isch, aber i würd sehr gern mol mitcho und bitz öbis usprobiere. Ich wird wahrschindlich nid die si wo do goht go "halfpipe" fahre und mega die Tricks macht...gits doch au als "Race-Disziplin" git sowie im Snowboard (Boadercross) oder nid!?  |
| zissouxDi 24.2.09, 11:46 | würde mit flatland etwas anfangen... |
| BorstiiDi 24.2.09, 12:33 | Jo es git au RACE-BMX (siehe olympiade) isch aber recht asträngend... und in dr gegend gits kei strecki, nächsti wo mir in sinn chunnt wär winterthur, zug,... Schrib doch dr Karin (siehe pumpwerk hp) es mail.. die hei glaubs au helm und bikes zum vermiete... und süscht gits jo dort au so kürs |
| MadchenDi 24.2.09, 12:46 | o.k. ...jo eigentlich müesst ich jo eifach mol uf sone Ding sitze und mol usprobiere, was mer denn am beschte gfallt, gsehn i jo denn. I meld mi mol bi dr'Karin, aber im Moment bin i eh am kränkle...aber würdsch sunscht glich emol mitcho bzw. dörft ich mol mit dir mitcho!? Lg |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©