Festzeit.ch Forum » Sonstiges » zug fahre isch doch zum kotze!
| Autor | Beitrag 1 - 15 |
|---|---|
| iwontlookbackDi 17.3.09, 22:11 | kenedr das, wen me am morge wet usem zug schtige und alli wo ine wänd drucke und laufe eifach ine -.- dasch doch astand das me zerst dlüt use loht. i mach das emel au und i find das aghähmer ^^ was meinet dir? ischmer gestert ufgfalle xD 1 mal bearbeitet, zuletzt Di 17.3.09, 22:11 |
| AwesomenessDi 17.3.09, 22:12 | ich be die art vo mensch, wo, wenner will usstiege und alli warte vorem "usgang" eifach alli uf d zyte stosst. pooge  dasch aube gail und so lerne sis  |
| ScantraxXRootZDi 17.3.09, 22:12 | be mer wartet eigentli emmer alli, kenns nur us de bruefsschuel dass alli in bus inemoshtet, aber ghör au zu denne  |
| iwontlookbackDi 17.3.09, 22:13 | dasch nit nett xD aber doch nit am morge früeh xd |
| DysisTDi 17.3.09, 22:14 | also eifach kli luut säge "scheisse hend die lüt kei astand me" also jo so mach ichs xD |
| TexanDudeDi 17.3.09, 22:16 | Muesch halt 1.Klass fahre |
| iwontlookbackDi 17.3.09, 22:16 | wensmer zahlsch .. gern |
| holysmokeDi 17.3.09, 22:17 | es isch vor allem total unpraktisch. wenn dinne alli ummestöhn wo use wän, chöne diä jo au nit guet ihne, aso logisch -> zerst usstiege loh. bim trämmle isch amme so geil, d türe sin scho frei, damitme ka usstiege, aber es stöhn eifach alli dicht imene halbkreis drum umme ^^ |
| TexanDudeDi 17.3.09, 22:23 | Zitat: iwontlookback Soviel meh kostet e 1.Klass Abo au nit... und das waers mr wert wensmer zahlsch .. gern aber ich nimm sowiso immer sAuto weni in dr Schwyz bi |
| SpacecowboyDi 17.3.09, 22:24 | Ich ha bi dr EM letzt Jahr sowas erläbt. Bini mitere Horde voll Holländer bim Zug gstande, Türe ufgange und die hend alli inedruckt. Het eini de au usgrüefe, dassi zerst sölle d Lüt usstiege loh. Aber was ich immer so nervig finde: Zug isch rammelvoll mit Lüt, ich stand irgendwo im Mittelgang und de chunt mi Station. Aber bevor ich usstiege chan, muessi erst bi allne duure drucke, well keine Usstiege muess oder will.   Ah und was au immer toll isch: An jeder Station stiege immer mehr Lüt i, aber eifach niemerts wo usstiege muess. 1 mal bearbeitet, zuletzt Di 17.3.09, 22:25 |
| hanauDi 17.3.09, 23:00 | Zitat: holysmoke also den isch für mich:es isch vor allem total unpraktisch. wenn dinne alli ummestöhn wo use wän, chöne diä jo au nit guet ihne, aso logisch -> zerst usstiege loh. bim trämmle isch amme so geil, d türe sin scho frei, damitme ka usstiege, aber es stöhn eifach alli dicht imene halbkreis drum umme ^^ MOSHPIT PART |
| XcXcXcXcXc001Di 17.3.09, 23:16 | Zitat: iwontlookback dasch doch nix......kenedr das, wen me am morge wet usem zug schtige und alli wo ine wänd drucke und laufe eifach ine -.- dasch doch astand das me zerst dlüt use loht. i mach das emel au und i find das aghähmer ^^ was meinet dir? ischmer gestert ufgfalle xD 7.3.09 : Bhf SBB ich lauf d'rollträppi ufe und sone opi git mir e "sch** Raucher" an grind.....stige wenig spöter ( nachdem ich dr opa vrfolgt und mit ABSICHT e halbi zigarette ins gsicht bloset han ) i mim zug nach mailand ih wo ich und mi schatz 2 plätz reserviert hän und was passiert?....richtig...unseri plätz sind bsetzt vo 2 älteri gselle....ich , mit aller fründlichkeit bitte die 2 gselle dr platz z'wechsle da die mir ghöre aber naiiiiiii madamme und mösiö ( i weiss wie mrs schribt ) meine nur "uns doch wurscht" und de hanis halt uf die "charmanti" italienischi art gmacht und siehe da sie stön uf und verreise.....und es isch dennoch nid fertig....in mailand ako mien mir vom gleis 21 zum gleis 3 latsche und in dene paar KILOmeter chöme dir zig millione zigüner entgege wo geld vo eim wend......dennoch i ha mr denkt " e halb stund rueh im zug wirdi doch no chönne ha? ".....DENKSTE....de hockt do doch tatsächlich sone redseeligi reisegästin ( seid me da so? )wo dich nach allem möglich usfrogt de spricht die plötzlich über sex und merkt nid das nebe ihre e pfarrer sitzt ( in italie sinds halt prüder )......sowit mal d'hireis....d'heimreis isch weniger schlimm abgloffe......i ha nur vo mailand nach züri 4 stund miesse stoh will d'deppe vom billetschalter in basel mis billet falsch tipped hend......und de motzed ihr über drängler? Moral vo dr Gsicht : Ich fahr negscht mol auto! |
| Numb3rsDi 17.3.09, 23:25 | Ahh...dä Teggscht isch göttlich gschribe^^ Ha zimmli müesse schmunzle bim läse You made my day 1 mal bearbeitet, zuletzt Di 17.3.09, 23:25 |
| DysisTDi 17.3.09, 23:41 | zeigt widrmol gued d bünzlischwiz ^^ |
| ThebambamMi 18.3.09, 07:19 | Ich benutz generel kein ÖV zum glück ka ich mit m auto go schaffe au wenns nur vo Allschwil an Badisch Banhof isch  (nur zu Info ich spaar mir so 30min arbtesweg) 2x30min = 60min x5daag mal 52 wuche =15600min:60= 260 Stund wo ich nit im Tram umd hock... 2 mal bearbeitet, zuletzt Mi 18.3.09, 09:45 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©