Festzeit.ch Forum » Medien » Elektronischi Musik --> Wie gsesch du das?
| Autor | Beitrag |
|---|---|
| finelineDo 19.3.09, 13:43 | Also my nimmt öppis wunder. S'Agebott vo Elektronischer Musik isch jo riisig. Vo Deep Soul house, Chill out, über House, Electro House, Trance, Hardstyle, Hardcore, Minimal, etc. Ych kenn vill Lütt wo so Musik lose aber nie an e Party go würde uss verschiidene Gründ. Wie isch das bi euch? Isch es eifach dass d'Musik nid gfallt? Würde dr an e Party go, wenn dr wüsstet dass s'Volk dört eifach einigermasse "Normal" isch, d.h. S'Klischee Volk nid ume wär, sondern eifach e Durchschnittspublikum? Würde dir eher an e Party go, wenn Klischees (z.T. Berächtigt) wie Drogemissbruuch etc nid besto würde? Ok, alles e chli kompliziert gschribe, hoff ych ghör trotzdäm e Paar Meinige. Wichtig: "Isch eh scheisse" isch kei Argumänt. "Gfallt mer eifach nid" scho eher. Es goot jetzt nid drumm Z'definiere öb elektronischi Musik scheisse isch oder nid, sondern z'Usefinde, was d'Problem sy chönnte. Also hoff mir kriege do e paar konstruktivi Comments zämme. |
| YelinaDo 19.3.09, 13:49 | ich los eigendlich nie so sound, gah aber ab und zue mal a minimal-partys, will mini schwö ufleid, en abig lang chanis erträge und die andere, wo irgendwie droge nämed, sind mier eigendlich egal, solang sie mier nüd is getränk tüend.  |
| DerKleineVampirDo 19.3.09, 13:50 | ich find elektronischi musig nid so... weiss nid vilicht gmüetlich wie 'normali' wobi 'normali' jo au am pc bearbeitet wird und alles... ich find eifach sie tönt komisch und sie gfallt mer halt eifach nid^^ ich hoff es isch gnueg konstruktiv xi... |
| VentiSupportDo 19.3.09, 13:50 | Also ich bi scho abundzue an Partys gsi mit elektronischer Musik, Minimal, Electro, House, Detroid, Goa usw. nur leider wie dus asprichsch chani überhaupt nüt mit däm Klischee Volk avo... das sind die Lüüt womi eifach närve, chani nix ändere, ich närv vermuetlich au viel mit mim ufträtte, aber au do chani/willi nix ändere  Jedoch woni immer gärn bi (und wasi au zu elektronischer Musik zell) sind Drum and Bass Partys, ich los de sound jetzt sit 10 Joohr und muess sage s geilschte Volk und die geilschti Stimmig isch eifach immer anere richtig fette Drum and Bass Party Was dr Drogemissbruch agoht isch mir das gröschteteils egal, solang sie ihn ihrne Flashes für sich sälber sind und nit mi oder mini Fründe oder mi schatz uf ihrem Trip terrorisiere. Leben und leben lassen.... nur wenns denn drum goht Fraue was ins Trinke due hört dr Spass uf... Aber ebbe zum abgo findi jetzt die ufzellte Musikrichtige vo dir nit so dr Hit, ich finds meischtens "langwillig" an so Partys, das fallt mir au vielmol an de HipHop Partys uf. D Lüüt blüehe eifach nit so uff, well d Musik indämsinn nit "asteggt" dorum  DRUM AND BASS |
| PetitJackBauerDo 19.3.09, 13:50 | House mit enere geile Sängerstimm, Instrumäntevielfalt und emne guete Beat isch geil! Was gar nid got, sin so Electro bis Minimal Tön, das het nüt meh mit Musig z tue.. 1 mal bearbeitet, zuletzt Do 19.3.09, 13:51 |
| zissouxDo 19.3.09, 13:54 | electro partys färn vo dolce und gabana t-shirts und who the fuck is gucci sind immmer guet. devo gits au gnueg.. chunnt oft uf de ort drufa. |
| phallusimpudicusDo 19.3.09, 13:55 | Ich finds eifach völlig nervrauben das Züüg z lose. S meischte, oder gar alles nur mit Pc gmacht oder sonigi Dingens, wo i jetzt nit grad weiss wie si heisse. Es dönt mir eifach zue "plastik" ebe. Und will das ebe meischtens an Parties lauft, gang ich au nit gern dört ahne. Macht mr Kopfweh, nit wege dr Luutstärki, sondern ebe wege dem Computer degenerierte Sound. Oder zbsp. wo Drums 'n' Base lose, sölle doch emol en guets Schlagzüüg-Solo lose. Ich finds schad. |
| DerKleineVampirDo 19.3.09, 13:56 |  |
| zissouxDo 19.3.09, 14:06 | Zitat: phallusimpudicus git gnueg elektronischi musik wo nid so nach plastik tönt.Ich finds eifach völlig nervrauben das Züüg z lose. S meischte, oder gar alles nur mit Pc gmacht oder sonigi Dingens, wo i jetzt nit grad weiss wie si heisse. Es dönt mir eifach zue "plastik" ebe. Und will das ebe meischtens an Parties lauft, gang ich au nit gern dört ahne. Macht mr Kopfweh, nit wege dr Luutstärki, sondern ebe wege dem Computer degenerierte Sound. Oder zbsp. wo Drums 'n' Base lose, sölle doch emol en guets Schlagzüüg-Solo lose. Ich finds schad. es isch au nid mini lieblingsmusik.. aber es git au z.b. viel wo elektronisch und *handgmacht* verbinde. en synthesizer z.b. klingt jo au nid zwangsläufig nach plastik, und e-drumms chöne wunderbar mit *echte* instrument verbunde wärde. |
| VentiSupportDo 19.3.09, 14:08 | Zitat: phallusimpudicus chum mit mir mol ande Drum and Bass Party Oder zbsp. wo Drums 'n' Base lose, sölle doch emol en guets Schlagzüüg-Solo lose. Ich finds schad. wenn du wüsstisch wieviel Live Sets dases git wos Drummer het |
| timmyDo 19.3.09, 14:18 | Bi friener (woni 16-17 gsi bi) relativ oft an Trance/Hardstyle Partys gange. Mitlerwiile het sich mi musikgschmak bitz g'änderet und i los eher Techno, minimal und D'n'B im Usgang. Wasi absolut gar nit vertrag sind die absolute Trendschwuchtlene (tschuldigung dä Usdruck). Die wo meine anere Party mues me mit ere Sunnebrülle umelaufe usw... Ich gang mit Kollege ane Party zum Spass z'ha mit Ihne und zum d'Musik gniesse. Was um mi ume ablauft isch mir eigentlich egal (i mein jetzt ob öbber Drooge ihwirft usw). Was mi eifacht ufregt sind Lüt wo ane Party gönd zum go Fraue ufrisse, schlegle odr numme dört sind, dass sie "gseh" wärde. Das findi Himmeltruurig und dorum gang ich au eher an Privati Ahläss vo Kollege oder irgendwelchi alternative sache, denn hesch das alles nit und s'isch viel gsitteter. Dummerwiis kömme die Trendschwuchtlene mit ihrne D&G Sunnebrülleli au immer vermehrt an so ahläss...  @fineline jo, ich dänk scho das ich an so partys würd go. e gueti party isch für mii eifach öbbis wo jede mit jedem kha rede und umeshake ohni blöd umestresse...eifach unkompliziert! 1 mal bearbeitet, zuletzt Do 19.3.09, 14:20 |
| phallusimpudicusDo 19.3.09, 14:24 | Zitat: Ventilicious Es mag si, dass es au no sonigi git, aber ich glaub, dass das en klari Minderheit isch. Und i ha jo au scho Drum and Bass glost (en ganzi Wuuche non-stop will dr Chef bi dem immr voll abgange isch) und en ganzi Wuuche die "Musik" höre, do kunnt glaub scho einiges zämme. Und in dere Zyt han ich sozusage kei Schlagzzüg usekhört, entweder wills so überlageret worde isch vom andere Sound, oder durch Abstinänz z erkläre.Zitat: phallusimpudicus chum mit mir mol ande Drum and Bass Party Oder zbsp. wo Drums 'n' Base lose, sölle doch emol en guets Schlagzüüg-Solo lose. Ich finds schad. wenn du wüsstisch wieviel Live Sets dases git wos Drummer het  Aber okay, Drum and Bass find ich wiitus erträglicher, als Tecno oder Electro oder, wie heissts?, Hardcore-tecno, Extreme Electro, super-exreme-electro.... Ellei scho das uszspreche |
| PhillyonairDo 19.3.09, 14:47 | 1 mal bearbeitet, zuletzt Mi 1.6.11, 11:37 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©