Festzeit.ch Forum » Autos » Gute und seriöse Garage für Honda (Töff)
| Autor | Beitrag 1 - 15 |
|---|---|
| elbenedettoMo 20.4.09, 08:50 | Sali, ich suche noch eine seriöse Garage hier in Basel für mein Töff, wo ich in Zukunft Service etc machen kann. Kennt einer eine gute? |
| ElLoco85Mo 20.4.09, 20:27 | Ich gang zu Direct Performance, sin super lüt, und qualität isch s beste woni bis jezt gseh han! jedoch chli "tür" aber pris leistig stimmt scho! Seisch em Benn und em Pauli e grues vo David ElLoco, den sind sie sicher fründlicher  |
| Elo77Mo 20.4.09, 20:52 | Direct performance bini au scho gsi, aber die hän mi nid überzügt, isch relativ tür und denn hän si au no sache gmacht wo ich so gar nid in uftrag gä ha... s problem isch halt wenn zumene honda mech wilsch hesch nid wirklich viel uswahl... töff center gits no und denn no e kleine bim neubad |
| ElLoco85Mo 20.4.09, 21:13 | also tür isch es, aber d qualität isch au höher, und somit pris leistig eigentli im gliche "verhältnis" wie die andere garagene und was hend si bi dir gmacht wo nit in uftrag gsi isch? |
| LordHelmchenMo 20.4.09, 21:17 | lindi zweirad sport in zwinge isch au guet |
| MäduMo 20.4.09, 21:28 | Luki Motos in Brislach natürlich, de macht alles und oh guet, vorallem ischer e ehrliche Mensch und verarscht niemer = günstig Darum ischer oh bi allne so beliebt  |
| MrThompsonDi 21.4.09, 10:43 | Duet mr leid El Loco aber ich muess mi am Jön aschliesse... Direct Performence = Nein Danke...! Das isch für mi wie dr Grütter in Sissach...! Bi Direct Performance het dr Kolleg au e 600RR welle hole...er het den bim Typ vo Direct dörfe hintedruf sitze und dr ander fahrt wiene gstörte dr Gempe duruf etc. Hey Hallo...in dr mitti acho het er den no e Wheelievorfüerig becho...guet und recht aber mi Kolleg het welle e Töff kaufe nit e Stuntshow aluege!  Das sind Vögel wo dr s'Geld us dr Täsche ziend... du kriegsch di gliche Produkt und Qualität für billiger! |
| ElLoco85Di 21.4.09, 16:59 | naja, das problem hani nit ka, und wen di kolleg kei uswis het, den isch klar das er nit fahrt! aber au do gits mittel und weg... und günstiger mit dem umbau bini niene gsi, für mi rennumbau hani gueti 1000 Franke gsparrt, gegenüber dem wo ich zämegrechnet ka ha |
| LäppliDi 21.4.09, 20:29 | Also däm si Ruef isch glaub würklich nid ganz so super. Do han ich au scho einiges köhrt. So vo wäge Offerte wo nocher 400.- türer sind und so... |
| ElLoco85Di 21.4.09, 20:53 | ich denk sind alles grücht! ich zahl immer das wo sie sage,bzw eher weniger wil er meh macht also ich bi erst grad vo ihm cho, er isch für mi s fahrwerk go hole und hets mir heim brocht, und debi verdient er a dem gar nüt, wil er s fahrwerk gar nit gmacht het! DAS ISCH SERVICE gönd, und lueget, ich derf ihm uf "d finger" luege, und den sehnd ihr was qualität isch |
| Elo77Di 21.4.09, 21:09 | jo er het mini miniblinker hinde viel witer unde (links und rächts vom nr-schild) montiert statt wie abgmacht oobe bim uspuff. er hätt jo wenigstens chöne aalüte zum froge obs ok isch wenn er se unde montiert... aber d qualität isch scho ok, do cha me nüt sage. töff center gits no, ha eifach immer s gfühl dört isch dr kund nid "könig" und si gäbe sich oft kei müeh... eimol hän si mr dr tank verkratzt und bim blinker montiere hän si z.b. d elektronik nid voll abdichtet... die sin bitz schlampig hani s gfühl aber si könne sichs anschinend leischte wil die hän viel kunde 1 mal bearbeitet, zuletzt Di 21.4.09, 21:14 |
| MäduDi 21.4.09, 21:24 | http://www.luki-motos.ch/home.htm Internet seitem garnüt, darum biz e billigi Page  Wennde dure gosch, rechne gnueg zyt ih, de isch so beliebt dass immer öper dörte isch, gedult muesch ha!  |
| CoupeDanemarkMi 22.4.09, 13:15 | I gang immmer zum Kucki in Zuzge... find dä nid schlächt, het meischtens rächt spontan Zyt (also muesch nid 3 Wuche uff e Termin warte) und vor allem isch är günschtig. |
| SvartsolMi 22.4.09, 13:18 | Wo hets sZuzgä e Töffmech? I fahr döt so oft duure und hanen nonie gseh  |
| MrThompsonMi 22.4.09, 14:38 | Dr Kucki isch e kli versteckt uff dr rechte site... 250m nach Dorfigang...isch ussgschilderet! Ha mini MAschine au bi im gholt! Ganz e faire coole Typ wo weiss vo was er redet und das gfallt mir persönlich! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©