Festzeit.ch Forum » Kritik / Anregungen » Neverending am lade
| Autor | Beitrag |
|---|---|
| GiborMo 25.9.06, 12:35 | Hallo zämme I ha e chleins Problem und ha dänggt, vielicht weiss öpper vo euch do Bscheid: Wenni ammel uff Festzeit surf (irgend e Site) denn passierts regelmässig (i würd sage in 8 vo 10 Fäll), dass es unde in dr Statusleischte ewig heisst "(Noch 1 Element) Seite http://pagead2.googlesyndication.com/pagead/ads?client=ca-pub-[und denn e huffe Zahle, Buechstabe und Zeiche]". Das elläi wär mr jo no gliich s'Problem isch eifach, dass es während däre Zyt ammel die rote und blaue Pünkt vor de Näme nit azeigt (die wo meh au gseht öb öpper online isch), ich kei "Vorschaufänschter" (kei Ahnig wie das offiziell heisst) gseh, wenn i mit dr Muus über eme Name stoh blib und s'Menü obe (Home, Events, Charts, usw.) nit funktioniert (meh cha zwar uff die einzelne Menüpünkt klicke, aber s'jewilige Untermenü fahrt nit uss, sprich meh cha z.B. bi Member nit diräkt "Freunde" awähle. Kennt öpper das Problem au, oder (no viel besser) kenn öpper e Lösig? Vieli Grüess: Silberzwibeli |
| röschtiMo 25.9.06, 12:38 | i kenns nid  |
| quixMo 25.9.06, 12:44 | han i grad vorhär au gmerkt im internet explorer... will döt stoht, dass es öbis vo google ladet (das sin d'wärbeblöck), nimm i nit a dass es an fz liegt. e lösig wär uf dr firefox um z'stiege döt han i das problem nie. das die einzelne sache nit funktione liegt dra dass die per javascript umgsetzt sin, und das javascript erscht als allerletschts glade wird. me könnts vilicht au ganz afang lade, numme isch das nit ganz eso suuber (und i mach sich kei so kack numme zu dr verschisseni IE glücklich mache). menus funktioniere übrigens im firefox au während em lade (will me döt nüt per javascript muess flicke). |
| GiborMo 25.9.06, 13:12 | Bi ebbe z'fuul umzstelle  Aber wär glaubs eh mol sinnvoll  |
| bubuMo 25.9.06, 16:12 | zfuul zum umstelle.. dasch die geilschti usred vome IE-Fan woni je ghört ha  |
| 310706Mo 25.9.06, 16:16 | Du chasch jo sogar d Istellige wie Favorite und Cookies vom alte Internet Explorer importiere. Gsehs Problem echt nit. Downloadlink: http://www.mozilla.com/ (Eifach uf "download Firefox" klicke. Du muesch dich nume ans neue (und schönere) Layout gwöhne. |
| GiborMo 25.9.06, 17:01 | Genau das umstelle isches ebbe Nei i muess eh bald mol mini Chischte neu installiere denn fangi grad mit Firefox aa.  (Der Mensch ist ein Gewohnheitstier und ich bi diesbezüglich ebbe no e bsunders schwierige Fall )@zäck: merci für dini Aleitig, aber ebbe i brücht glaubs eher e Site über d'Überwindig vo Gwohnheite usw.  |
| nicobabaMo 25.9.06, 17:14 | und wenn de denn dr firefox installiert hesch chasch dr uf addons.mozilla.com e adblocker abelade und pagead2.googlesyndication.com blockiere, denn bisch befreit vo dere wärbig... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©