Festzeit.ch Forum » Sonstiges » fettnäpfli (luschtigi + peinlichi storys)
| Autor | Beitrag 16 - 30 |
|---|---|
| decenzaDi 28.6.05, 16:39 | 2 mal bearbeitet, zuletzt Mi 2.7.08, 14:07 |
| WeiniDi 28.6.05, 16:45 | I bi mol im Usgang gsi und denn hei mir agfange mit Why trinke... Näbedra isch denn immer wieder e neui Bierfläsche gstande.... Jo und Bier und Why zäme isch nid so dr hammer... Uf jedefall bini denn mol ufs WC (mir isch nid schlächt gsi und i bi au nid voll gsi) und denn ohni Vorwarnig isch alles ufe cho... Ha nid mol mehr Zyt gha zum sWC breiche und ha mir alles über dHose kotzt (man bemerke: Es sin neui, beigi Hose gsi!) jo, het no heiss us gseh mit dä rote Fläcke... Das isch sooooooooo peinlich gsi!!!!!!! Aber jo, sölls geh  |
| decenzaDi 28.6.05, 16:49 | hehe jo...zum glück han ich nur de bode vollkotzt...bi nämleg ganz in wiss gsi röckli und stiifel...das hätt glaubs ga rned toll usgseh )) |
| WeiniDi 28.6.05, 16:53 | Ebe, i has bi dä beige Hose gseh... Das isch au nüt schöns gsi  Und i ha dängt, i chöns verheimliche, willi jo nid wirklich bsoffe gsi bi... Aber e Blick uf dHose und alles isch klar gsi... . |
| rutschläDi 28.6.05, 17:15 | hihi so geil also was mir etz gad vori passiert isch: i will usem gschäft laufe..im einte gebäude hämer en automatischi tüür...i schwätz no mit öberem bim use laufe und lueg d tüüre id a, welli gmeint gha ha si sigi immer no offe..so wiä vorhär.. jo klar isch si nüm offe gsi und i lauf voll id tüüre..super dr ander het mega grölt gha und i ha mr voll dr grind adätscht hihi... apropos chotze: i bi mit dä tequilla in laufeburg gsi..denn hämer bitz gummibärli gsoffä..dasch au i dere ziit gsi, woni eifach plötzli ha müesse chisse... denn laufe mr so heime, well mr no wiiters sind..denn chotzi eifach so and stross..und es het no schnee gha..denn hets eifach so pinki chotzi gha..udn das au no am nögschte tag und so..tequilla hets no e ziitli döfe bewundere, wenn si isch go schaffe und so |
| tschugileDi 28.6.05, 18:16 | punkto kotze: sgit im Funpark in Freiburg ame am Fritig Obe d No-Limit Party.. Koschtet 18 Euro Itritt und me ka suufe soviel me will.. ich bi mit paar Kollege xi und mir sin am 10i döt xi.. Ich han dene dermasse eine hindereglerrt dasi gar nix mehr grafft han, aber wirklich nix.. Uf alli Fäll uf dr Heimfahrt am morge am 6i wird mr mitte uf dr Autobahn plötzlich schlächt. Dr Kolleg haut voll uf d Bräms, Panneblinker ine und rast ufe Pannestreifen. Ich gump usem Auto und kotz wundrbar über d Leitplanke während mini ganze Kollege gröhle. Zumindest hän se solang gröhlt bis hindedra 2 blaui Liechtli ufglüchtet händ. Die hän abr zum Glück e Aug zuedruggt..  |
| WeiniDi 28.6.05, 22:24 | Das Forum bringt glaub unglück Ha hüt grad dr gröscht Schämmer in minere Sportkarriere grisse.... Ha Diskus gmacht... Und ha gemütlich avo treie und am schluss hauts mi eifach so bös uf dSchnuure... Zmitzt im Ring... Hani scho ghofft, dases wenigstens niemer gseh het... Aber denkste: Alli rundume am luege gsi und sogar no paar woni kennt ha *schäm* Ah und zu allem Übel hets au no zimli weh gmacht  |
| tschugileDi 28.6.05, 22:46 | so jetzt kunnt e harte wo dr Kolleg botte het: Dä isch an Fasnacht dermasse voll xi das er dene mol heime isch. Nur er het het sich ebe in dr Stross girrt, isch irgendine Huus ine vo wildfremde Lüüt und het döte ufem Sofa pennt. Zumindest solang bis ihn e total verstörti Oma usem Schlof risst und abbrüllt wer er isch und was er do macht.. Naja, zum Glück het er am morge wieder renne könne... 1 mal bearbeitet, zuletzt Di 28.6.05, 22:46 |
| daschMi 29.6.05, 07:32 | Do no Eine vo mir, cha zwar selber nüt drfür aber auno hart gsi Geschter isch Abschlussfiir gsi mit dr Übergab vo de Fähigkeitzügnis. Immer Klassewiis het me miesse uf d'Bühni und dä Typ het während däm me füregloffe isch gseit wer bestande het us dere Klass (Aber das het me scho vorher gwüsst). Also ich lauf dört richtig Bühni und los so bitz uf d'Näme und mi Name seit er eifach nid  Ich voll Paranoia kriegt, aber schlussendlich hani mis Fähigkeitszgnis doch becho, mi Name isch eifach nid uf sinere Lischte gsi. Super Organisation Drfür het er dr Name vo öpperem gseit wo nid bestande het  |
| aengeli86Mi 29.6.05, 08:28 | Ich ha no so e richtige Tussischämmer wo ich mol bote ha Vorgschichtli: Will ich in Binningen schaff und in Gelterkinden wohn, muess ich halt immer genau zu de läbhaftischte Zyte über dr Bahnhofplatz in Basel laufe. Und do dr Schämmer: Amene Mittag ha ich dänkt, ich könnt mir jo neui, schöni ABSATZSCHUEH kaufe. Das ha ich denn au gmacht. Und Zobe bim Fürob ha ich die aglegt und bi stolz in Binningen uffs Trämmli gstöckelet Das isch au alles no guet gange, aber wo ich z'Basel am BHF ha welle über dr Platz laufe, bi ich bi de Trämmlischiene mit em einte Absatz in dere komische weiche Masse stecke bliebe und es het mir dr Schueh abgjagt. Wills e Huffe Lüt gha het, wo das gseh hän, ha ich möglichscht unuffällig wieder welle drischliefe und witer laufe, aber dä Schueh isch eifach nid use ko! Denn ha ich mi miese bucke und dä Schueh us dere Masse zieh und drbi isch au no dr Absatz abbroche und ich ha ohni Schueh no bis nach Gelterkinde miese |
| coladaMi 29.6.05, 08:50 | so jetz e seeehr peinliche vo mir: Also i ha e mol vo mim fründ ganz viel so Creme,duschmittel,Peelingsszüg und halt so Pflegesache beko...will ich immer gern so sache ha und ich mi mega gfreut ha han i am wucheänd grad zobe die neui creme usprobiert ka... si het NATURAL BOOSTER gheisse vo nivea! guet Friday Friends Fever isch im Prince gloffe und mir sin dört ane...den dr schreck: ich gang in die Disco und mi gsicht isch lüchtig wiss!!!!! ich ha richtig gseh wie mini nase glüchtet het...mini kollegin isch fascht verreckt vo lache..und ich has gar nit lustig gfunde..ha usgseh wie e clown  die creme het im neon-liecht VOLL glüchtet!!ich bi ufs klo..ha mi ganzes gsicht mit wasser und seifi gwäsche aber brocht hets nüt...bis ich den mit dem harte "händeputzpapier" wos ufem wc immer git mini ganzi creme ha miese wäg-riibe..langsam ischs lüchtige weg gange..drfür isch mini schminki weg gsi und ha e ganz e rots gsicht ka vo dem harte papier...nach öbe 30minute han ichs den gschafft dass me nüt me seht...aber das het mr dr ganz obe versaut ka FAZIT: probieret alli creme nie vorem usgang us 1 mal bearbeitet, zuletzt Mi 29.6.05, 08:52 |
| WeiniMi 29.6.05, 08:53 | Ou aengeli sone ähnliche isch mir au passiert... do in Muttenz hei sie bi dä Trämmli öpis neu gmacht und es het zwüsche dä Schiine, wo mä dure cha, statt Teer Holzbretter gha... Denn bini au voll mit dä Absätz hängge blibe.... Und dä blödi Schueh isch eifach nöm use cho!! Denn hanen miese abzieh und so usezieh.... Und denn isch au no es Trämmli cho, wo wäge mir het miese warte Super Sach gsi...... |
| coladaMi 29.6.05, 08:56 | isch mr au shco ufem barfi passiert...das mitem schueh..die blöde schiene aber zum glück isch dr absatz nit kaputt gange und ha en mit eigenr kraft wider usebeko..ohni dass ich en ha müese uszieh > het eifach rächt behämmert usgseh ka |
| aengeli86Mi 29.6.05, 09:48 | Naja, passiert halt jedem Mol so Mischt |
| Juanita84Mi 29.6.05, 10:59 | ha grad öbbis wo erscht letscht Mittwoch... also vorere Woche passiert esch... bi im Pascha gsi z'Bützberg und de hets kä Parkplätz meh gha näbedra... ond ums Pascha ume ha ni ned welle go chehre, aber dört hät s no Parkplätz gha... hmmm... de bi ni halt hinders Pascha... dört het s so nes chlises Parkplatz-Areal... S'Fahrverbot ha ni schlechtwäg ignoriert ja... wo ni am 2wei am Morge wieder usecho bi... isch i de einzige Zuefahrt zo dene Parkplätz es Auto gstande mit Ahänger... kä Chance gha zum verbii cho... und wiu i gwüsst, oder ghofft ha, dass es en Mitarbeiter vom Pascha isch, ha ni haut gwartet... wöu go reklamiere oder so ha ni ned chöne, wöu jo das es blöds Fahrverbot gsi wääääääääääääääär!! jo... nachere gschlagne Stond warte, esch dä Siech ändli of e normau Parkplatz föregfahre... ond e be, was tschigerlisch was pfigerlisch, devodüüsed Öbrigens: E be neu do... macht das e guete Iidrock, wenn i grad am Aafang so Züg verzöue?! 1 mal bearbeitet, zuletzt Do 15.9.05, 11:17 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©