Festzeit.ch Forum » Sonstiges » Sproochuffenthalt - Erfahrige?
| Autor | Beitrag 1 - 15 |
|---|---|
| CoupeDanemarkMo 29.6.09, 18:54 | Sali zämme ha mol welle frooge, öb mol öbber vo euch e Sproochuffenthalt gmacht het und wo das gsi isch. I hätt näggscht Johr bitz Zyt und Gäld vorig, drum han i dänggt, dass i neume gang go sCAE mache. Dr erscht Gedangge wär London gsi, will ich die Stadt lieb und mi dört au scho bitz usskenn. Denn han i mr aber überlegt, für 13 Wuche chönnt i jo theoretisch au bitz witer wäg, in dUSA, uff Australie oder Neuseeland... und genau do foht mi Problem aa. Bi no nie witer wäg gsi als Griecheland und ha drum kei Ahnig, wos mir chönnt gfalle. I weiss, Gschmägger sinn verschiede, aber chönnt mr öbber speziell öbbis empfähle? Klimamässig sötts nid allzu heiss si, also so wie bi uns, tendentiell eher chli kälter. Am Meer wär sicher au cool. Denn sötts nid grad mega in dr Pampa usse si bzw. neume, wo me vo so Riese-Krabbelviecher witgehend verschont isch  (klar gits ab und zue, aber muess es jo nid usefordere).Ganz toll wärs, wenns in dr Umgäbig (so 200-300km) paar Sache gäbt, wo me chönnt go aaluege. Do mein i jetzt nid Mueseum oder so, sondern schöni Landschafte, wo me ev. mit eme Töfftüürli chönnt verbinde. Wohne wird i vermuetlig inere Gaschtfamilie, isch glaub besser... oder was meinet ihr? Het öbber scho Erfahrig mit www.esl.ch gmacht? Wär cool, wenn ihr mir paar Tipps chönntet geh... |
| DysisTMo 29.6.09, 18:58 | Also, ich würd ine Gastfamilie wennich dich wer, me lernst eifach eifacher und ebsser und lernt au d Kulur besser kenne.... joaxD |
| gonjooMo 29.6.09, 19:36 | bi z sydney gsi. isch e supi geili city. a gnämi lüt und nie langwilig http://www.ace.edu.au/ 1 mal bearbeitet, zuletzt Mo 29.6.09, 19:37 |
| PortisheadMo 29.6.09, 19:57 | Gastfamilie isch es Muss. Nur Didac schuel chani echt nid witer empfehle. PS:Bi in Eastbourne ( England ) gis...vo dine erwartige wer das zwar was . Am Meer keini Krabe und nid all zu heiss . gghttp://cs.wheatonma.edu/~mgousie/webimages/england/eastbourne.jpg 3 mal bearbeitet, zuletzt Mo 29.6.09, 20:02 |
| BloodforBloodMo 29.6.09, 20:13 | Bi z L.A. gsi. Schuel isch de Oberhammer und ja über L.A. muess me nüm viel sage, eifach genial. Ha en Host Family ka wo super nätt gsi isch und in Beverly Hills gwohnt het Falls meh willsch wüsse eifach schribe |
| DysisTMo 29.6.09, 20:53 | Zitat: Portishead ich bi mit dr didac gsi xD aber si isch eh scho vill z alt drfür...joa usser de schüeler dette, hanis gar nid soo shclimm gfundeGastfamilie isch es Muss. Nur Didac schuel chani echt nid witer empfehle. PS:Bi in Eastbourne ( England ) gis...vo dine erwartige wer das zwar was . Am Meer keini Krabe und nid all zu heiss . gghttp://cs.wheatonma.edu/~mgousie/webimages/england/eastbourne.jpg  |
| CoupeDanemarkMo 29.6.09, 22:38 | Merci scho mol für euri Infos  Dass me in dr Gaschtfamilie am meischte lernt, han i scho dänggt. Anderersitts wohn ich scho länger elai und bi nid wirklig "WG-tauglich". Muess mr das guet überlege, öb i do 3-4 Mönet ine fremdi Familie will (3 Wuche wieder bi dr eigene Muetter wohne isch scho zviel gsi). Als Alternative chönnt i ine Studänteheim, das wär sogar no bitz günschtiger. Hm... Ängland wär glaub nur "Notlösig", will i mol plant ha, mit em Töff 1x um die ganz Insle zfahre. Aber vom Klima här wärs halt scho perfekt. Anderersitts gang i jo im Winter. Vo däm här wär Australie am noheliegendschte oder irgendneume in de USA, wos nid allzu heiss isch, aber au nid grad e Meter Schnee het (woby i au scho an Alaska dänggt ha )Ach, i glaub i muess mol e Lischte mache, mit allne Vor- und Nochteil vo de einzelne Länder/Ort, em Flugpries und em Pries für dSchuel/Unterkunft. |
| faHrawayMo 29.6.09, 22:45 | vancouver isch glaub au e rächt geili stadt hesch am einte stadtrand d bärge und am andere s meer und hett glaub e huffe jungi und vill studäntä dört |
| UnforgetableTimeMo 29.6.09, 22:46 | Sali Ich bi jetzt grad für 6 Mönet in Ängland. Und ich ha e richtig geili Zyt do. Ich wirds au jedem witerempfähle, wo ich kenn. Mer lernt so viel neui Lüt kenne...cha so viel Sache mache, wo mer sunscht au nid würd mache. Und für mich au ganz wichtig: Ich bi in Bournemouth, und das liegt jo diräkt am Meer. Deswäge cha mer jede Daag an Strand go, und natürlig au ins Meer (au wenns am Aafang e chli chalt gsi isch^^) Und du hesch gseit du würdsch 13 Wuche go. Und au wenn du s Gfühl hesch, das wär e extrem langi Zyt, aber es vergoht eso schnäll... Also d Entscheidig wo ahne, das du söllsch go cha ich dir nid abnäh. Aber wenn du ebe gseit hesch, dass du ans Meer willsch, und nid zu warm. Denn isch Bournemouth scho sehr guet. Und do isch au alles für Studänte usgrichtet. Au mit de Gastfamilie han ich eigentlich nume guets erläbt... Hoff du findsch en guete Ort und hesch dört sicher viel Spass, aber lernsch au öpis  Liebi Grüess PS: Fals no irgendwelchi Frooge hesch, dörfsch mich natürlig gärn aschriebe! |
| DysisTDi 30.6.09, 00:04 | also england wirsch au kuum schnee ha xD |
| dosenbiermachtschlauDi 30.6.09, 00:16 | Zitat: CoupeDanemark d USA ka i dir sehr empfähle, i ha viel gueti erfahrige in däm Land gmacht. So typischi Hintlerwäldler gits dört nit viel (zumindest hani nie ein gse).Denn han i mr aber überlegt, für 13 Wuche chönnt i jo theoretisch au bitz witer wäg, in dUSA, uff Australie oder Neuseeland... und genau do foht mi Problem aa. Bi no nie witer wäg gsi als Griecheland und ha drum kei Ahnig, wos mir chönnt gfalle. in dr USA isch eifach alles grösser, in de Städt d hüüser, autos, esse, d lüüt (grösser im sinn vo Dicker), ud em Land d Streckene wod Wahrsch, d Wälder, d Wiestene etc. d USA isch halt au toll weils für alli was het: Heiss und trocke? ab nach Texas, Nadelbäumwälder wie in Schwede? ab nach south Dakota: bade, strand? Florida oder LA, Glamour für jedermann? Las Vegas. Naturwunder am laufmeter? Rocky Mountains (grand cannion, Yellowstone Park, Redwoods, Mt. Rushmore) oke dr Mt. Rushmore isch in South dakota XD |
| MrThompsonDi 30.6.09, 08:50 | Hallo Ich bi au in de Staate gsi mitem Rotary Club! Zerscht 9 Monet in Seattle denn no 3 Monet in Los Angeles (Orange County)! In dim Alter isch das notürlich wieder öppis anders... ich würd nit in e Gastfamilie go mit 24! E Kolleg isch jetzt grad gsi vo mir und het sich easy immer wieder könne e Wohnig näh oder isch in WG's unter cho! du lernsch notürlich au tonnewies Lüüt in dr Schuel kenne, was aber au negativ kha sii wegem Englisch...well denn tendenz do isch düütsch zrede wenn öpper uss dr heimat nebe dir sitzt !Ich weiss nur nit obs Intitutione git wo di in dim Alter no zunere Gastfamilie düen! Viel Glück und falls de gosch... viel Spass!!! |
| kekslosekeksdoseDi 30.6.09, 10:03 | ich bi im bärneroberland gsi ^^ joa isch zimlich witzig gsi und hald eifach saaaaaaaaauuuuuuuu langsam xD |
| CoupeDanemarkDi 30.6.09, 13:07 | Zitat: DosenBiermachtSchlau Das isch doch mol e bruuchbari Info, merci d USA isch halt au toll weils für alli was het: Heiss und trocke? ab nach Texas, Nadelbäumwälder wie in Schwede? ab nach south Dakota: bade, strand? Florida oder LA, Glamour für jedermann? Las Vegas. Naturwunder am laufmeter? Rocky Mountains (grand cannion, Yellowstone Park, Redwoods, Mt. Rushmore) oke dr Mt. Rushmore isch in South dakota XD Dass 13 Mönet mega schnäll verby sinn, weiss i. Das wär aifach dZyt won i Schuel und dPriefige für sCAE hätt. Nochhär will i sicher no 1 Monet bitz umereise. @Mr. Thompson: Doch doch, das gits. Ha friehner ame "auf und davon" gluegt und dört hets au älteri, wo inere Familie gsi sinn. Falls i wirklig ine Familie gang, würd i mi vorhär guet erkunde und ev. mol Kontakt mit däne uffneh und frooge wies so mit Freiheite usseht. Ansunschte --> Studänteheim. Aber do muess i halt immer sälber koche und so  Ängland isch glaub ächt uss em Renne, will das isch mr aifach znoch. Dört chan i easy au mol nur e Wuche in dFerie oder so, was sich jo für dUSA oder Australie eher nid lohnt. |
| gonjooFr 3.7.09, 21:11 | z sydney kennti e witzigi famile, döde wohnsch inere 4er wg aber ässe duesch bi de gaschteltere.so sind immer rund 20 jungi studänte zwüsche 20 und 30 ig umme und me isch nie eleige und het imer öbert woh me was unternä chan... wenn de wotsch chani dir d nummere und d adrässe gä... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©