Festzeit.ch Forum » Sonstiges » MaturBücher
| Autor | Beitrag 1 - 15 |
|---|---|
| HardBabeSa 21.10.06, 15:33 | Hallooooooo Lüüüt....I NEED HELP! Wer chan mr paar Büeche für d Matur empfehle? In Änglish, Franz und Düütsch...Danke. |
| heartSa 21.10.06, 16:05 | Uhhh schwierig, isch Gschmackssach und ob de eher gern liesisch oder eher weniger, aber do mol paar tipps ( die hanich u.a. gha ): Dütsch:  Das Parfum - Patrik Süskind --> sogar grad dr film im Kino, no praktisch Hiob - Joseph Roth --> isch bi mir denn dra ko, het mr sehr guet gfalle Demian - Hermann Hesse Nathan der Weise - G.E. Lessing --> GschmackssachEnglisch: Cat on a Hot Tin Roof - T. Williams --> Theaterstück The Bluest Eye - T.MorrisonFranzösisch: Carmen - Prosper Mérimée |
| neokataSa 21.10.06, 16:09 | haha nathan der weise hani au müese läse...sau langwilig  |
| CBMSa 21.10.06, 16:27 | @neo jojo..chunt halt kei computer drin vor... Au sehr guet sind: -> Sansibar oder der letzte Grund (Andersch) (sehr guet) -> Bahnwärter Thiel (Hauptmann) -> Minna von Barnhelm (Lessing) Französisch -> Rhinoceros (Ionesco) -> Au revoir les enfants (Malle) -> Au nom de tous le miens (Gray) |
| neokataSa 21.10.06, 16:31 | nei nid wäg däm... es isch sau doof gschribe und kei erzähler derbi  |
| finelineSa 21.10.06, 16:31 | Anna Göldin, die Letzte Hexe Mutter Courage vom Brecht Ei Tipp: nimm di in acht vo schwizer romän vor dr johrhundertwändi. ich ha mir de conrad ferdinand meier und uli der knecht z'gmüet gfüert... und das züg isch verdammi schwirig. |
| EdHardySa 21.10.06, 17:21 | dütsch: definitiv "das parfüm"! franzi: - La peste (sehr z empfähle) - Le Pont de la rivière Kwaï |
| heartSa 21.10.06, 17:26 | Rhinoceros vom Ionesco hani voll verschisse gfunde... allerdings au scho lang her gsi, Nathan der Weise hanich aber nid emol schlecht gfunde.... und jop PARFUM isch schwer zempfehle!!! |
| CBMSa 21.10.06, 17:38 | Jo sisch scho wohr, Rinoceros isch sehr speziell,aber wenn me sich mol igläse het, gar nüm so doof... -> Bourgeois gentillhomme vom Molière isch au nit so schlächt zum läse... und nit sehr schwer z'interpretiere... |
| MountainLABSa 21.10.06, 18:47 | lis Die dunkle Seite des Mondes vom Martin Sutter. isch e schwizer Autor voll geil. S goht um so drogepilzli und so und isch isi z interpretiere und zverstoh |
| TseddiSa 21.10.06, 19:37 | Muashi e sehr geils buech vo öbbe 800 site |
| HardBabeSo 22.10.06, 12:48 | wow,danke villmal für die feedbacks..bin natürli wiiterhin froh über jede iitrag...also nathan hani scho gläse,findi nöd soo übel..das parfüm isch würkli genial,aber hemmer ebe als klasselektüre scho gha  vo wem isch denn "muashi"?800 siite isch glaub echli gar vill :/ demfall kämpfi mi ez mal chli durch büecher-rezensione...MERCI! |
| GlasSo 22.10.06, 12:59 | Liis im Franz "hector et la recherche du bonheur" vum Françcois Lelord, das gfallt dir sicher ^^ Ansunschte vilicht no "les jeux sont fait" vum Satré |
| leStroumpfSo 22.10.06, 14:11 | Martin Sutter isch ächt z empfähle als schwizer autor, uf französisch würdi le grand cahier neh, spannend, eifach gschriebe und guet zum drüber reede mit de lehrer. änglisch--> tolkien wennde dörfsch |
| juli87So 22.10.06, 14:24 | englisch: 1984 dütsch: die physiker, romeo und julia aus dem dorfe, nathan der weise, katz und maus, im westen nichts neues franz: maigret et le corps sans tete, trois carees rouges sur fond noires. si im übrige mini maturbüächer.  cha so zimli alli empfähle. vorallem im franz, da si nid so alt sind und kei komplizierts franz hei. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©