Höhö, a propos Vegirestaurants, dr Tibits z'Basel chani empfähle Hän usschließlich vegetarischi Menüs, schmeckt zimli genial. ^_^

unseri vorfahre, wie au scho uffe paar sitte hinde dra erwähnt isch, händ e BITZ e anders gebiss gha, und e andere körper gha als jetzt-falls de in dr schuel uffpasst hesch!fleisch hend sie sowieso nit sehr viel gha, do sie mehr gsammlet hend als gjagd hend. und usserdäm, hend sie s fleisch ROH gässe am afang! aber sie hend ebe e "stärkere Körper" gha als mir jetzt händ, und hend daher au keini problem gha. hütte weiss mr, das rohs fleisch für uns schädlich isch, wills zu viel erreger etc. dinne hett wo mir nit verträge.

also die ussag:friener hends au fleisch gässe isch eifach für dr arsch-sorry!

Ei mol schribsch, du findsch dass me Tier nid mit Mensche vergliiche cha. Denn wiederum schribsch, dass Pflanze und Tier genauso nooch binenand sind, wie Mensch und Tier.

Tier empfinde jedoch sehr wohl Liebi oder Hass. Es git Tier, die sind sehr gärn noch binenand und liebe sich, und au bi dene hets verschiedeni sexuelli Orientierige.
Und es git au welchi, wo anderi Tier hasse... oder Mensche.

Dass s'Wasser erneuerbar isch, stimmt natürlich - jedoch könnt är zu däre Zytpunkt, wo das Tier überfüllt wird mit Wasser, amene andere Ort in irgend eme Notfall vill besser brucht wärde. Nur will öbis Erneuerbar isch, heißts noni, dass alli druf Zuegriff händ.

Do kömme mir ebe wider zum Problem vo dr Massetierhaltig, won ich jo au verurteil. Dur das, dass die Tier nur für d Fleischproduktion "härgstellt" worde sin, sin das eigetlich unnötigi Wassersuffer, und die suffe den andere und uns s Wasser ewäg und frässe s Getreide ewäg (und nid d Vegetarier ) und stosse erscht no CH4 us.
Ich frog mi, ob das überhaupt für die Buure rentabel isch, dass si das ganze Getreide dene Tier verfüettere für so wenig Fleisch, anstatt dass si eifach s Getreide würde verkaufe. Isch denn eifach d Nochfrog nach Getreideprodukt z gering (trotz em Hungerliide uf dr Wält)?

Wenn Mensche und (Wirbel-) Tier noch binenand sin, heisst das jo nonig, dass me si gliichsetze ka.

Hmjo klar, stimmt scho. Aber ich behaupt jetzt, dass es (no) nid ganz eso isch wie bi uns, au wenn s in die Richtig goht (was btw au nid bi allne Tier dr Fall isch, sondern vor allem bi Vögel und Säugetier). Das hängt demit zämme, dass Tier m.E. nid eso "guet" dänke könne bzw. weniger intelligänt sin wie mir (klar ka's do au wider Usnahme gäh) und haupsächlich nach Instinkt handle.

Und wenn sich Tier gärn hän oder hasse, hängt's au vo Aschpäkt ab, wo ihri Wohrnähmig vom andere beiiflusse. Sprich vo Duftstoff, wo sie absondere, Farbe usw.. Die bewirke denn, dass s andere Tier sich (nach sim Instinkt) äntwäder azoge oder abgstosse fühlt. Klar isch das bi uns zum Teil nid vil anderscht, aber es steckt scho meh Willkür dehinter. Und au bi de Pflanze isch es jo eso.

Do kömme mir ebe wider zum Problem vo dr Massetierhaltig, won ich jo au verurteil. Dur das, dass die Tier nur für d Fleischproduktion "härgstellt" worde sin, sin das eigetlich unnötigi Wassersuffer, und die suffe den andere und uns s Wasser ewäg und frässe s Getreide ewäg (und nid d Vegetarier ) und stosse erscht no CH4 us.
Ich frog mi, ob das überhaupt für die Buure rentabel isch, dass si das ganze Getreide dene Tier verfüettere für so wenig Fleisch, anstatt dass si eifach s Getreide würde verkaufe. Isch denn eifach d Nochfrog nach Getreideprodukt z gering (trotz em Hungerliide uf dr Wält)?

dörf ich au antworte? mer egal, ich nem mer das rächt eifach

ich haltes för moralisch dorchuus verträttbar und dänke, dass gwalt gäge sache dorchuus chan legitim sii, wenn me en begröndete standponkt vertrett.

das met de urne fendi es heikels thema... falls de herr vasella sehr religiös esch, esches ethisch ned verträttbar us mim standponkt her... jedoch wenn er ongläubig esch, esches diebstahl wie wenn me em es auto chlaut (ich weiss, böös uudrockt^^ aber velecht bedütet em es auto (oder en andere gägestand) meh, als d urne vo sim mami...)

wenn me gseht, was de daniel soscht no so alles ufem kerbholz het, dänk ich also, dases dorchuus aabrocht esch, en au met dene mettel dezue z bewege, d tierversüech iizstelle.

Gliichsetze würdi nidmol verschiedeni Mensche, will au jedi einzelni Person individuell isch. In minere Sicht gits welchi, die sind mir so unsympathisch, dass ich sie mir gärn wägwünsche würd. Jedoch gits au Lüt, uf die ich niemols verzichte möcht. Genauso ischs bi mir au mit de Tier, und wenn ich es Tier mag, denn het das für mi sälber e höhere Stellewärt als e Person, woni nid liide cha..

Nur will es Tier e weniger usprägts Hirn het als e Mensch, heißts nid, dass sie hauptsächlich us Instinkt handle. Und sälbscht wenn sie das mache würde, do sind mir Mensche nid sehr vill anders. Wenn es Tier Füür berührt, wirds us Instinkt dr gliich Fähler nid nomol mache. Wenn är vomene Mensch verjagt wird, wird är sich ihne nid nomol so schnäll in dr Nöchi befinde wölle. Söttigi Sache mache Tier us Instinkt - jedoch händ au sie Emotione, was en riesige Ifluss uf d'Tier het.

Meh Willkür steckt bi uns drhinter, als bi de Tier? Dänki jetzt weniger. Eher steckt meh Willkür bi uns Mensche und Tier drhinter, als bi Pflanze - d'Pflanze sind die, wo kei Närvesystem händ und lediglich per Liecht, Schwärkraft, Berührig, Tön und Temperatur reagiere. Sie chönne also nid wirklich "dänke", wie mir Mensche oder Tier es mache.

D'Noochfrog isch vorhande, s'Gäld weniger. Das wirds wohl si... :/