Guet, das isch jetzt Asichtssach. Au wenn ich Tier au gärn ha, ich könnt kei Tierläbe über Menscheläbe setze. In däre Hiisicht duen ich keini Mensche diskriminiere. Au öpper won ich hass würd ich im Prinzip us em brennende Hus z'erscht versueche z rette, als mini Katz (guet, ha jetzt keini, aber so als Bischpil).

Dass Tier au gwüssi Emotione hän und mir zum Teil au nach Instinkt handle, duen ich au nid bestritte. Ich behaupt jedoch, dass Tier meh us Instinkt handle als mir, und mir meh dänke (könne) und meh Emotione hän. Und do git s au gwüssi Tier, wo s meh eso isch oder eso. Ich glaub, das isch scho uf d Usprägig vom Hirn zruckzfüehre.

Mit Willkür han ich gmeint, dass mir Mensche unsers Üssere und unseri Körpergrüch usw. düen verändere, um d Wohrnähmig vo anderne z beiiflusse. Bi dr Partnerwahl z.B. spiile bi uns (hützutags) au anderi Aschpäkt e Rolle, als bi de Tier. Dört herrscht vor allem dr Fortpflanzigsinstikt, wobi dä bi de Männer natürlich au in eme gwüsse Mass vorhande isch! (Bi de einte au meh als bi den andere…)

Ich mein, die Tierhaltig koschtet jo au. Schliesslich müesse die Tier ebe ernährt wärde. Und wenn me s Getreide würd verkaufe, wenn d Nochfrog vorhande isch, würd me jo meh defür beko als für vil weniger Fleisch.

Ich würd natürlich in somene Fall beidi versueche z'rette. wenn's für dä Typ woni hass, oder au für d'Katz woni Lieb e hoffnigslose Versuech wär, würdi es loh. Dennoch würdi eher dr Katz hindrnoche truure. (Ha au keini, aber für s'Bischpill jetzt mol )

Es git meh als gnueg Mensche wo nid dänke chönne oder nur us Instinkt handle... xD (sött sich niemer do im Forum agsproche fühle, es isch nid gezielt an e Person grichtet)

Naja, nur will es Tier jetzt sin Körpergruch usw. nid beiflusse cha, isch är für mi nid unbedingt blöd wie Brot. Jedoch chönne sich au Tier wäsche (ich gang jetzt nid vo Hustier us)

Jo, das stimmt au, aber d'Lüt wo z. B. do läbe sind vill eher bereit, Gäld für Fleisch uszgäh, als d'Lüt in de Armuetsländer, für Getreide.

Sich sälber abiete wär gar nid mol so e schlächti Idee, bi so öbbisem. Aber wirklich, würdsch du di ere Firma abiete, wo dir total unsympathisch isch?

"Veganer", heißts.
Warum sind sie schlimm? Begründe, bitte.

Was s Rette abelangt, klar würd ich zerscht au e Mensch rette und denn grad s Tier. DAs isch für mich kei Frog.

Aber was für mich au definitiv isch, dass de Mensch für mich überem Tier stoht...das heisst aber für mich nit dass er besser isch!

Ich bin e Tierliebhaber und verurteil Walfang und so Sache ufs üsserschte....ohni Fleisch will ich aber nit Lebe so wie au agno e Raubfisch nit ohni Fleisch will lebe.
Aber eins wo für mich sicher isch, wenn ich uszoge bin dehei, wird ich sehr viel Fleisch früsch bim Metzger go kaufe und nit bi irgendwelche normale Ikaufsläde.
E Tier wo gschlachtet wird zum Esse het us minere Sicht erst recht s Rächt ufe astendigs Lebe vorher.

bitte, BITTE-
vrzell uns drvo das veganisch läbe gsünder isch als fleisch ässe..


BITTE!!!111

ich ernähr mech so hüüfig wies goht vegan. das ned, wells gsönder sött sii oder so, sondern well tier au be de melch- ond eierproduktion sterbed. uusbütig vo tier chan ich als anarchischt sowiso ned guet heisse.

öbs gsönder esch, als vegetarischi ernährig magi z bezwiifle, aber ongsönder esches secher ned. me chan alles wo i tierische produkt denne esch sehr guet ersetze...