Festzeit.ch Forum » Sonstiges » Bye Bye Glühbirne -,-
| Autor | Beitrag 1 - 15 |
|---|---|
| DjHurricaneDi 1.9.09, 23:27 | http://www.netzwelt.de/news/79099-verbot-eu-schafft-klassische-gluehbirne-ab.html einfach total unnötig, oder ein guter schritt für die zukunft. |
| bcomplexDi 1.9.09, 23:28 | ich wird sie vermisse und mini deheime verstecke XD |
| marcovoltDi 1.9.09, 23:31 | Zitat: pii die wo du hesch dörfsch du au in 50 Johr no bruche ich wird sie vermisse und mini deheime verstecke XD  also jetze no chaufe solangs no het ^^ ich finds eigentlich kei schlechti idee, denn was stromverbruch betrifft isch LED/Sparlampe hald scho dütlich besser. |
| bcomplexDi 1.9.09, 23:36 | jo weiss denk scho xD isch jo eigentli klar gsi dass die moll abglöst werde |
| RoimungstruppDi 1.9.09, 23:45 | Mäp, n riese witz... D Energiesparlampe spare gar nid so vill Energie, und Ökologisch sin si e Katastrophe! LED isch eifach noni sowit dasmes als adequate ersatz zur gliehbiire ka iisetze, s liecht isch sehr unagnähm. Fuzzdummi Sach, hänn die ach so Umwältfründlege Griene wieder mol e Alibiüebig dureboxt. |
| ChaosEngineMi 2.9.09, 00:00 | Zerscht Verbanne mr alles Quecksilber us de Fiebermässer und nacher stecke mrs widdr in en Sparlampe^^ dr Gröscht Witz Energiesparlampe ghöre neustens in Sondermüll , was eigtl alles andere als "Umwältfründlich" isch^^ weil dä crap muess widdr irgendwo ahne^^ Lieber en Glüebire wo 90% Vodr Energie Verpufft als Sowas. |
| WeepingAngelMi 2.9.09, 00:01 | Zitat: ChaosEngine Nit wükli...Lieber en Glüebire wo 90% Vodr Energie Verpufft als Sowas. |
| marcovoltMi 2.9.09, 00:02 | Naja du weisch scho, das Glüebirne durch d Kraftwärk au Sonderabfall erzüge was somit öppe ufs gliche chunt? |
| RoimungstruppMi 2.9.09, 00:22 | Hmm ne marcovolt ebbe nid... S isch erwiese , dass d lüt wenn si u Energiesparlampe umstiege äntwäder mehr oder vill stärkeri Lampe kauffe als sis no mit de härkömmlege gha hän, da d Lüchtkraft eifach nid die glich isch. Aber lömmer das mol usser acht. D Energieeffiziänts isch au sone thema. Energiesparlampe setze grad mol 35% vom Strom um im gegesatz zu 10% bi härkömmlege Biire. Also nid sooo Wältbewegend. Lustig isch au uf welli Zahle sich gwüssi lüt Stütze, die aagäblege 1 Joor bi härkömmlege Lüchtmittel und die 5 Joor Bi Sparlampe beziehn sich uf Dauergebruuch. Nimmt me jetzt aber s ständige ah und abschalte hinzueh, sinkt d läbeserwartig vode Sparlampe, wobi hingege das vode härkömlege Bire stigt. Luschtig gelle  Zuedäm dörf me nid vergässe, dass d entsorgig vode Sparlampe, massiv mehr Energie brucht als die bi härkömmlege Bire. D Energiebilanz gseht zimmleg usgliche us unterem Strich. E bitz besser stöhn d Sparlampe natürlkeg do. Denn hetme aber immerno d Problem mit de Schadstoff. Drumm in mine Auge, aleinigi Gäldmacherei, s isch schlicht no z frieh. Mr sin noni ganz sowit. Sobald LED oder OLED soweit sind, voll dafür. 1 mal bearbeitet, zuletzt Mi 2.9.09, 00:23 |
| olliMi 2.9.09, 00:46 | euch isch scho bewusst das dr quecksilberdampf i de sparlampe recyklet wird und mä dä wider cha uffbereite und in die neue lampe wider dri tue cha? |
| RoimungstruppMi 2.9.09, 00:48 | Dir isch scho bewusst dass dä vorgang unmänge Energie frisst? Und naja... Scho mol dra dänkt dass au die Lampe verbräche könne? Nur so im hiiblick uf Umwält etc. 1 mal bearbeitet, zuletzt Mi 2.9.09, 00:50 |
| marcovoltMi 2.9.09, 00:51 | du muesch jo nit Energiepsarlampe für 29Fr chaufe Ich han vor öppe eme halbe Johr in dütschland für 4.90€ Energiesparlampe kauft (glaub 14W, was 75W Glüelampe entspräche söll) Das die nit lang hebe wird han ich au dänkt, aber jetze chunts, ich han 5 Johr garantie uf die Lampe. Und wenn si würklich 5 Johr hebt denne het sich das ebe scho glohnt. Klar, s viele ih und usschalte isch für die dinger nit guet, drum findis au en witz d Glüehbire z verbiete. In eme durch gang wos liecht nume 2minute brännt defür 10X am tag macht so e energiesparlampe bestimmt kei sinn. aber neume wo d Lampe eh die ganz zyt brennt oder zumindist immer wenn öpper dehei isch, lohne sich energiepsrlampe prislich bestimmt. Im Keller hend mir Lüchtstofröhre wo sit mir do sind nie gwächslet worde sind, da sind jetze 16 Johr... hingege d Glüebire bi de stäge zum abelaufe wird 2X im johr oder meh ustuscht |
| marcovoltMi 2.9.09, 00:55 | http://de.wikipedia.org/wiki/Datei:Vergleich_der_Quecksilberemissionen.PNG |
| RoimungstruppMi 2.9.09, 01:06 | Zitat: marcovolt Kanni so zimleg zuestimme... Aber i frog mi amme was dir mit eurne Gliehbire mached, bi mir hebe die aller aller aller mindestens e joordu muesch jo nit Energiepsarlampe für 29Fr chaufe Ich han vor öppe eme halbe Johr in dütschland für 4.90€ Energiesparlampe kauft (glaub 14W, was 75W Glüelampe entspräche söll) Das die nit lang hebe wird han ich au dänkt, aber jetze chunts, ich han 5 Johr garantie uf die Lampe. Und wenn si würklich 5 Johr hebt denne het sich das ebe scho glohnt. Klar, s viele ih und usschalte isch für die dinger nit guet, drum findis au en witz d Glüehbire z verbiete. In eme durch gang wos liecht nume 2minute brännt defür 10X am tag macht so e energiesparlampe bestimmt kei sinn. aber neume wo d Lampe eh die ganz zyt brennt oder zumindist immer wenn öpper dehei isch, lohne sich energiepsrlampe prislich bestimmt. Im Keller hend mir Lüchtstofröhre wo sit mir do sind nie gwächslet worde sind, da sind jetze 16 Johr... hingege d Glüebire bi de stäge zum abelaufe wird 2X im johr oder meh ustuscht  Zu dim Link, würd mi wundernäh was das GENAU für 2 Bire gsi sin.. also do bini skeptisch, vor allem au willme nix me über dr Autor usefindet. Und zum Ufbau schribt er: Die dargestellten Werte ergeben sich, wenn man eine Quecksilberemission von 0,0147 mg/kWh zugrunde legt sowie annimmt, dass die Kompaktleuchtstofflampe 3 mg Quecksilber enthaelt. Find untersuechige immer gwagt wo uf "Annahmen" basiere |
| marcovoltMi 2.9.09, 01:45 | naja das isch eh nume in dütschland, s got um kohlekraftwärk wo quecksilber freisetze... In de schwitz isch das nit so, do Produzeirt e Glüehbire kei Quecksilber bzw. nume durch de strom wo mir im usland beziend. Aber ebe, i find s Verbot an sich isch en witz, s set en hiwis geh das me keni set an ort verwände wo s liecht langi zyt brennt z.B. igangstüre oder wohnzimmer etc. Zum Glück han ich Halogenlampe eigentlich im ganze hus und die söle jo au nach 2012 no verchauft wärde, was au en witz isch ich han 4 so Halogenlampe im Zimmer was 200W Stromverbruch git, also meh als wenn ich e 100W Glüebire hätt |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©