ich wähle svp will diä diä glich meinig händ wiä ich musch nur luege mite ziit wird immer meh svp gwählt

ich weiss es wird immer meeh geh kai wunder in shwiiz sau vill rechts radikal/extrem!!

du hast ja am meisten ahnung .. du musst es ja wissen. (vorsicht ironie)

go KC

gsehsch das isch ebbe genau das wo chli schad worde isch a dem land... wenn me sich e chli "pro land" üsseret (das bezieh ich jetzt nid uf die initiative, sondern generell uf d'schwizerbürger wenn's um d'schwiz goht) isch mr sofort en rassischt oder en rechtsextreme.

vieli wo anderne solchi sache vorwerfe, hend in dem fall nid würklech ahnig vo dr materie.

sott ich die ussag für bari münze neh, denn müesst ich ja jede wo für sis eigede land ihstoht als rechtsradikale bezeichne. usgehend vo dere meinig müesst ich ja zu folgendem schluss cho:

- jede türk, wo e flagge ufhängt, isch e extremischt
- jede albaner wo e flagge ufhängt, isch in dem fall e agressive schläger und verteidigt us nationalstolz sis land
- jede dütsche wo e fahne ufhängt, isch immerno e neonazi
- jede franzos wo stolz isch uf sini quiche lauraine isch ebbefalls e rassischt.
- jede schwarze wo in sim rap über scharzi singt isch e rassischt.

das dörftli öppe lange zum zeige, uf wasi use will... es isch bi allne ok, nur bi de schwizer wirds als rechtsradikal usglegt. i dere beziehig findi sin mir genauso wenig rechtsradikal wie anderi landslüt au (oder hald ebbe glich, aber sicher nid mehr)

a dere stell benutz ich genau s'glieche argument, wo me so gern immer vo de linke hört: bi de usländer isch es en chleine teil, wo dtr rescht mit ihrne handlige in dreck ziehnd. das glieche argument verlang ich denn aber au für d'schwizer! me cha nid immer alles nur vo einere site ahluege und dr rescht gekonnt ignoriere!

ich wiederhol: das meini jetzt generell, das ha ich nid bezoge uf d'initiative, sondern well dr monsieur zwei oder drei ihträg witter obe mal so sprüch falle lost. evt e altersfrog solchi ussage...

als nachtrag:
ich finds falsch in ere diskussion immer druf zrug z'griffe, was damals die und die partei (resp. kirche) vor es paar hundert johr ja dört emal in dr vergangeheit au falsch gmacht het usw.
wenn dir euch zrug beziehnd uf sache, wo scho mehr als 400 johr zrug liege und meined, dass es für die hüttigi zyt no relevant isch, denn müesste ja alli vorkommnisse wo jünger sind als zum biespiel krüzzüg no relevanter si.

ergo: ständig sich druf bezieh, dass d'chrischte sich damals dr weg duregschlachtet hend und in dr hüttige zyt das anderne s'recht git, sich besser z'etabliere heisst in dem fall grad so guet, jede mensch jüdische glaubens darf sämmtlechi dütschi nachträglech in d'gaskammere stecke. DAS isch nämmlech erst 70 johr her und somit rund 300 johr aktueller. und hüt isch glaub d'meinig, dass jede dütsche e neonazi isch au nöm vorhande... also lönd doch verglieche oder gschichtlechi hintergründ vo vor 400 johr und älter!

ps: ich stand immerno zu mim "ja" bi dere initiative. und alli wo mit dem es riese problem hend und für sich selber immerno sage, die meiste gsehnd das nid eso: immer überlege... 58% heisst, dass über jede zweite mensch wo dr in dr stadt träffed au jo gstumme het.


als überarbeitig: natürlech will ich mit dem nid sage, dass gschichtlechi hintergrund unwichtig wäre! das bitte nid falsch verstoh, es isch meistens e sehr intressanti thematik und hilft für gwüssi zämmehäng. ich bilediglich drgege, dass me denn solchi sache wieder füre holt und als argument benutzt.

bezoge uf zB d'initiative: d'pro-site het sich mines wüssens zu 99% uf gegewarts-argumente gstützt. bi dr kontrasite ha ich als letschts argument meischtens ebbe ghört: "ja, was hend denn d'chrischte gmacht damals..."

ja... was hend d'neandertaler gmacht? was hend d'nazis im zweite weltchrieg gmacht? was hend d'habsburger gmacht? für e diskussion in dr hüttige zyt sind das eifach keini würksame argumente me...