Festzeit.ch Forum » Computer » amoklauf
| Autor | Beitrag |
|---|---|
| JacksonyFr 6.11.09, 13:10 | sali zämme ich schrib mini diplomarbet über videspiele ..eins vo de theme wird sie amoklauf durch games was dänket ihr dezue wieso laufe lüt amok?sind games schuld?eltere? etc. |
| proletFr 6.11.09, 13:20 | http://www.festzeit.ch/forum.php?show=thread&id=3563 |
| JacksonyFr 6.11.09, 13:21 | thx |
| ladynkayFr 6.11.09, 13:24 | Das kann man nicht so einfach sagen; ER oder SIE ist schuld...! Da spielen viel dinge zusammen und diese sind bei allen unterschiedlich... ein punkt ist aber eigentlich immer der selbe: Die Leute stauen in sich was auf, was sie nicht ablassen können, weil sie sich entweder nicht ausdrücken können (autismus) oder ihnen niemand zuhört..(einzelgänger)...aber es gibt auch amokläufer, welche nicht in dieses schema passen! Das neuste Beispiel aus dem Fort in den USA zeigen es! Da lief einer Amok, welcher eigentlich andere abhalten sollte davon... Dann liegt die schuld meiner meinung nach auch bei den Medien! Aus jedem Amoklauf wird ein grossereignis gemacht, was potentiele nachahmer noch mehr überzeugt davon - sie können's sich ja stundenlang im tv reinziehen und geilen sich wahrscheinlich an der vorstellung auf, dass sie auch im tv kommen könnten...Ein Beispiel (vielleicht unpassend, aber egal): Wieso zeigen die TV's wohl keine Fans mehr im Stadion, welche petarden zünden??? |
| SahasralaFr 6.11.09, 13:44 | also ich game siit joohrä jenschti ego-shooter games oder action games diä ab 18 rated sind - sprich "this game contains scenes of explicit violence and gore" ich glaub weniger das mr zum amokläufer wird durch games diä gwalt darstelle,ich denk ehnder das do en Psychische hintergrund bstoht bi dene lüüt,diä das mache oder diä so reagiere...sicher chönne aud d eltre schuld dra ha aber ich glaub gröschteteils das das wohl mit fehlemdem verständniss für recht und unrecht zämmähängt...e guetz biispil sind do soziopathä...de soziali -status oder hintergrund (integrität) spielt sicher au e grossi rolle...aber seh das mol vo dere siite...stell dr mol vor du bisch eine de IMMER aabegmacht wird,niä en kollegechreis kenneglernt hett oder sunscht dich übermässig mit gwalt iidecksch(aber niä en grosse unterschied zwüsche dem und m "normale läbä" gmacht hesch,villicht noniä e fründin gha hesch,vo de eltre diä alkoholiker sind, jede daag gschlage wirsch und sunscht e sehr dunkles läbä führsch - do staue sich sicher irgendwenn agressione uf...und diä müen irgendwenn uuse...kurzschluss reaktione...e randgruppe in miine auge...e ziemlich verkorksti jugend und sunscht e kranki psyche sind für mich scho en erklärig für so "usbrüch"...aber das GAMES en uslöser si chönne,naja ich weiss nit so rächt...ich kenn sehr viel lüüt diä gta gspielt hen und bis jez hani noniä vo einem ghört de ufgrund vo däm game mit m "hackebeil" uf d stroos isch,well mr das in däm game au mache cha... ich ha mol e gschicht gläsä vo eim de chlie zviel final fantasy 7 zockt hett...er hett sich noch siim lieblingscharakter gstylet und isch noch und noch diä lebendigi Person vom Cloud (de haupt - protagonischt us ff7) worde. Hett sich uf Wiehnachte e Katana vo siine alte gwünscht und an Heilig oobe e Bluetbad durch enthauptung dessen aagrichtet...en einzelfall..."Einer der weder frau,freunde noch familie hat und alle erfolge im Leben gesaved auf memory card (zitat Samy D - bürger von Konsolien - jan delay - searching for the jan soul rebels)^^ aber wenn mr normal ufwachst und nit übermässigem gwalt konsum (scho vo chind uf) usgsetzt isch,und wenn mr nit grad de labilschti mensch isch...sött e virtuelli welt nit de uslöser für so gräultate si... |
| RIPDIPSo 8.11.09, 19:37 | apropo, vor kurzem isch grad wieder eine in Texas gsi, 13 todi und 30 verletzti |
| GlasSo 8.11.09, 19:44 | http://www.youtube.com/watch?v=qHM6_A9Dt1c |
| FrankWhiteSo 8.11.09, 19:47 | Zitat: Unforgiven x) |
| cyberb00mSo 8.11.09, 20:05 | Zitat: facepalm again...ich schrib mini diplomarbet über videspiele ..eins vo de theme wird sie amoklauf durch games ego-shooters (nei, dr begriff 'killerspiel' gids im computer-bereich schlicht nid) händ kei begründendi wirkig für en amoklauf wenn di würkli befasse willsch demit, lies dr abschiedsbrief vom amokläufer vo erfurt, em robert steinhäuser. es gid no wiiteri biispiel vo abschiedsbrief vo amokläufer. es chunt nirgends vor, dass irgend es spiel dr impuls zum amoklauf geht het oder als inspiration dient het. eifach nid. viel mehr isch es en extremi psychischi und physischi peinigung vo mitschüeler oder mitmensche gsi wo ihm sin lebenswille hend loh raube. und als "abschied" wend sich d'amokläufer bi ihen peiniger "bedanke" ... das als grobmuster... wie gseit, wenn willsch drüber brichte dass computerspiel an amokläuf schuld sind, lütisch mol ins dütsche aa, chasch dr Professor oder doktor, weiss nid sin titel, pfeiffer froge und er verzellt dr alles werum computerspiel so bös sind, aber achtung, en wahrheit wirsch nid erfahre, nur en hexejagd... ... |
| JacksonySo 8.11.09, 23:53 | messi aber ich bericht ebe degege das videospiel zu däm füehre ich will nume vershiedni argumänt vershiedeni asichte meinige etc aber süsht messi viel mol wird mir sicher e hilf si |
| moseyMo 9.11.09, 07:39 | Zitat: cyberb00m Zitat: facepalm again...ich schrib mini diplomarbet über videspiele ..eins vo de theme wird sie amoklauf durch games ego-shooters (nei, dr begriff 'killerspiel' gids im computer-bereich schlicht nid) händ kei begründendi wirkig für en amoklauf wenn di würkli befasse willsch demit, lies dr abschiedsbrief vom amokläufer vo erfurt, em robert steinhäuser. es gid no wiiteri biispiel vo abschiedsbrief vo amokläufer. es chunt nirgends vor, dass irgend es spiel dr impuls zum amoklauf geht het oder als inspiration dient het. eifach nid. viel mehr isch es en extremi psychischi und physischi peinigung vo mitschüeler oder mitmensche gsi wo ihm sin lebenswille hend loh raube. und als "abschied" wend sich d'amokläufer bi ihen peiniger "bedanke" ... das als grobmuster... wie gseit, wenn willsch drüber brichte dass computerspiel an amokläuf schuld sind, lütisch mol ins dütsche aa, chasch dr Professor oder doktor, weiss nid sin titel, pfeiffer froge und er verzellt dr alles werum computerspiel so bös sind, aber achtung, en wahrheit wirsch nid erfahre, nur en hexejagd... ...  |
| martiinFr 4.12.09, 18:22 | http://bazonline.ch/schweiz/standard/Drohung-an-Schule--Unterricht-faellt-aus/story/147851 82 möglicherwiis dr falsch thread xD |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©