Festzeit.ch Forum » Offtopic » Aastand?
| Autor | Beitrag 1 - 15 |
|---|---|
| finelineDo 9.11.06, 08:32 | Ich weiss jo nid, öbs öpper interessiert, aber ha mi grad saumässig uffgreggt. Hogg so im Bus und eine im 4er-Abteil und im abteil näbedra lost eine in voller luttstärki mit sim Ipod si sound (vo dr luttstärki här wie e chline poser wo mit sim natel sound lost). denn tippt en die frau (öppe 40) aa und bittet ihn, d'musik doch chli z'lislig mache (si hetts aaständig gseit). alles was dä findet isch "Sitz doch dört übere!" (In däm allsitz beliebte "Dialäkt"  Ha gmeint ich ghör nid rächt... Ha gar nid gwüsst wieni söll reagiere, aber so scheiss macht mi rasend. Oder übertrib ich do? |
| GMGDo 9.11.06, 08:36 | dasch scho kli derb, aber git immer so lüüt! ... was hätsch welle mache? |
| finelineDo 9.11.06, 08:37 | Jo das isch ebe de scheiss gsi... was hani welle mache... ächt zum kotze... |
| bubuDo 9.11.06, 08:41 | nöö du übertribsch nid.. i glaub es goht de meischte glich! wie alt isch denn dä gsi? |
| finelineDo 9.11.06, 08:45 | Ich schätz dä isch öppe glich alt gsi wie ich, so um die 22. Bi so lütt wunderets mi ächt nümmi, dass es lütt gitt wo rassistisch wärde. |
| GMGDo 9.11.06, 08:52 | jo si ziehnd grad alli junge ins glyche bild! ... s druurigste findi denn eifach wenn älteri lüüt afangs sogar zämä zucke / dir usem wäg gönge will si schiss händ! ... denn dänki amigs eifach was bi so lüüt jungi scho miend botte ha!  |
| SLuTkiLLDo 9.11.06, 09:27 | ich bi jo au sit 3 johr immer zur gliche zyt im gliche bus, und jede tag seh ich e granni wo au i stiegt... am mittwuch uf die halb 6 hets immer rächt viel schieler wo vom turne in bus stiege.... und wo die granni i gstiege isch het sie eine gfrogt ob sie ächtsch dürft häre sitze, no seit dä cheib stink fräch: hey oma, sehsch ni dasi grad turne kha ha, bi voll uf dr frässi... mag ez nit!! und wo ich den ufgstande bi und si gfrogt ha ob sie möcht hi sitze, isch e andere cheib ahne gsässe und grinst mi ah: danke bella....  astand zellt hüt nüt me |
| GMGDo 9.11.06, 09:32 | @ slutkill: das isch krass hesch däm kei chläpper ghaue? |
| bubuDo 9.11.06, 09:32 | süper sach.. würkli geniali gsellschaft.. ächt! i säg nüd me drzue, süscht muessi mi no sälber sperre  |
| finelineDo 9.11.06, 09:34 |  oh shit hätt ich däm e vortrag ghalte. isch jo unglaublich. aber hesch richtig reagiert. |
| SLuTkiLLDo 9.11.06, 09:36 | emmm... nei i ha ihn gfrogt: "Bisch scho e sau koole gäll? jetzt bisch sicher dr beliebdischdi keib in dinere schuel" no het sie kollegin gseit: " ey blabla, dörfi uf di schoss sitze" und er het mi wider nur a grinst |
| SLuTkiLLDo 9.11.06, 09:38 | abr bi so sache wirdi eh ni ärnschd gno, i wird meischdens au no als junge schnudrgoof abgstämplet, welli e rächt chlini bin, und den hani no weniger i fluss ufs gescheh.... |
| GMGDo 9.11.06, 09:38 | das isch grad ganz krass... so öbbis hanni au no nie khört! ... do söttsch eifach e electroschocker ha! und jedem e schlag verpasse wo so blöd duet! nüm normal! ... ps: hesch aber guet reagiert, weiss nid obi no so ruhig blybe wär! |
| finelineDo 9.11.06, 09:38 | oh scheisse man isch dä kul man shit ey... merksch eingendlich nid wie unkul du bisch?   |
| SamtpfoteDo 9.11.06, 09:40 | lägg du mir,... ha letschtin au so e erläbnis ka... hett sone halbstarki e alti oma aagfiggt... die hett ihre nüt gmacht, aber die "cooli" hett gmaint sie würd se verhaue und bla bla bla... sie hett eh s'halbe tram aagfiggt und miesse verzelle wie kuhl as sie isch, das sie in dr ganze schuel (negativ!!!) bekannt isch und alli lehrer sie würde kenne, well sie immer schlägle wür, alkohol suffe wür, schwänzt und rauche duet (wow wie kuhl). ei nei.. ha nur no druff gwartet dass die my kunnt ko aastresse  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©