passwort vergessen - registrieren

Festzeit.ch Forum » Medien » Warum sich junge Frauen (und Männer) betrinken

Autor Beitrag 46 - 60
AngelYunaSa 26.12.09, 00:39
Ich finds eh bireweich sich voll zsuffe. Ich has no nie gmacht und wills au nit. Es git fast nüt unagnähmers, als wenn näbe dir alli eine unnötigerwis "dinne händ" und es di eifach nume närvt!
D Problem im Alkohol zersüffe isch armseelig.
Und denne no gross umeverzelle, me isch die halbi Nacht am WC ghange... Hey super ächt.. Ich dänkt nit, dass das so agnähm isch O.o

Aber nit mi Läbe, nit mi Problem Nume mini Meinig.
CaramboSa 26.12.09, 01:11
i finds schwach aber s isch nid mini sach das isch d ussag @dopammin

es goot um hemmige im bezug uf offeheit und spass

die wo fraue ahmache und belästige und aggro im nüchterne zuestand sind dumm und mit alk ischs jo no schlimmer aber vo dem hani nid gredet
1 mal bearbeitet, zuletzt Sa 26.12.09, 01:12
CalimochoSa 26.12.09, 02:27
Ich bi immerno mitem Wusaaa einere meinig.

Schüchheit wird vom grössere Teil durchus als Schwächi agseh. Anderi stönd wieder druf.

Es goht doch wiedermol ums Thema, dass mer sich nid git wie mer isch ^^
Ich denk mer mol, der wusaaa und ich hend halt eher lust uf de Mensch wie er isch und immer sie wird und die andere kümmere sich eifach nur um de Moment (jetzt) und sorge dass sie möglichst viel spass hend...

In d Zuekunft betrachtet isch unseri Lösig sicher sinvoller, vorallem wenn mer uf Partnersuechi isch oder uf e gueti Fründschaft us isch.

Wenn mer aber der Meinig isch, mer cha jederzit sterbe, den lohnt sich die "jetzig" variante eher, nämlich s läbe gniesse, solang mers het.

Das sind 2 Lebensihstellige...
Ich würd sogar sage, mer cha do dra guet unterscheide obs optimiste oder pesimiste sind
SlackerbitchSa 26.12.09, 11:52
du findsch trinke oder nid-trinke isch e läbensihstellig? als wäre das 2 verschiedeni mensche.. die böse, wo trinke und die vernünftige wo nie trinke..

und hm... also ich finds eher schwach, wenn me uf partnersuechi isch, als wenn me trinkt um chli entspannter sii.
und es stimmt nid, dass me denn si wohres ich versteckt. ich mein dir kennet sicher alli au lüüt, wo mit fremde schüch sind, aber bi den kollege chönne sie s muul nüm zue mache?! si wohrs ich, isch das wie er bi de kollege isch und nid so wie er mit fremde isch, das heisst alkohol hilft nur si wohrs ich z betone

optimischte und pessimischte? ok.. also dämfall sind d nid-trinker pessimischte, will sie meine sie chönne ab eme tropfe alkohol stärbe?! oder willsch öpe sage s isch umgekehrt?
CalimochoSa 26.12.09, 13:36
Liess der mi bitrag nomol dure, denn atmisch eimol tief ih damit dis ghirn suurstoff bechunt, denn liesischs nomol dure und den überlegsch nomol was de gschribe hesch...

Dini art jede post so z verdreihe mag bi anderne zieh, aber nid bi mir ^^
SlackerbitchSa 26.12.09, 15:12
(das mit em verdreihe muesch grad du sage.. )
was hani verdreiht? ich ha nur chli übertribener welle darstelle wie lächerlich das es isch, das als läbenstellig darzstelle, oder z sage dass me am alkohol-konsum d pessimischte und optimischte erkennt!
MonarchySa 26.12.09, 15:24
sry, aber wo sie recht het het d'slacker recht..
du stellsch es so dar als würd jede wo trinkt sich e dreck für sini zuekunft interessiere, und das isch bullshit^^
CalimochoSa 26.12.09, 16:27
E Lebensistellig isch e grossi sach wo sich uf unendlich vielne chleine stüzt, aber ich find, d Freizitgstaltig und vorallem unter welchne umständ, treit viel derzue bi was für e ihstellig das mer het...

@Monarchy
Ne, aber jede wo sich us unwohrheite mehr macht als us der Realität...
Sust chöne mer jo grad in de wasserversorgig LSD auflösse damit alles lustiger wird. (stell ich mir grad lustig vor ^^)

ich gib en scheiss druf wie öper isch wenn er/sie bsoffe isch...
Entweder mer isch witzig und mer cha sich dermit guet verkaufe bi sine kollege oder mer het anderi Qualitäte...
das isch mini Meinig

Sorry, aber "chum mir gönd ins A2 und luege obs lustig wird und wenn nid denn mache mirs uns lustig"
isch genau das was zu oft passier und es isch genau so bescheuert und kurzsichtig wie es tönt

Und wenn me de neue Studie vo de Uswürkige vom Alkohol uf Ghirnzelle ufmerksamkeit schenkt, denn chönt dini behauptig sogar e funke wohrheit dinne ha

Aber ich vertritt do nur mini Ahsicht...
wie ihr das handhabe wänd isch mir schlussendlich ziemlich egal

Greetz


PS:
Zitat: Slackerbitch

und hm... also ich finds eher schwach, wenn me uf partnersuechi isch, als wenn me trinkt um chli entspannter sii.
Us somene Satz chani nur schätze, dass die geistlichi rifi nonid erreicht hesch zwüsche ere Partnerschaft und ere "Lueg mit dem bini mol 3 Wuche zemme gsi"-Partnerschaft z unterscheide..

(schad hend mer keini Spoiler sust würd ich do eine drihaue^^)
SPOILER: ACHTUNG WAHRHEIT
1. Es git kei Märcheprinz wo uf dich wartet.
2. 99.9% vo de menschliche Bevölkerig werde di Wert nie schätze z wüsse (de wohri, nid de selbstgegebeni, bi zweiterem wäres 110% ^^)
3. Und egal wie du es dreisch, du wirdsch immer unglücklich si, will der Mensch nunmol so isch und immer das ha wot, woner nid het
1 mal bearbeitet, zuletzt Sa 26.12.09, 16:29
SlackerbitchSa 26.12.09, 18:09
(danke Monarchy)

@ Calimocho
du hesch s gfühl du seisch nur wiisheite aber es isch völlige quatsch!

mann, niemer het gseit "wenn mer langwilig isch, trink ich halt, denn hanis luschtig" aber du stellschs würklich so ane, als wär mer voll dr absturz wenn me trinkt. als würd me si läbe wäggheie

und hmm.. also ich ha erscht zwei fründe kha. und s chürzischte isch 1.5 johr gsi. i cha e beziehig sehr guet vomene "kurztrip" unterscheide. vo däm halt ich nämmli nüt. und jo, ich finds wüüüürklich so armselig, wenn öper öper suecht. (duet mer leid, fühlsch di wohl agsproche)

und do liggsch wiedrmol falsch. ich bi nämmli glücklich!! sit öpe 1.5 johr!und das isch öpis wo ich (fascht) jedem wünsch. die meischte chönne nämmli nur zruggluege und sage "jo damals, das isch e schöni ziit gsi" aber damals, zu dere ziit händ sies nid ihgseh. ABER ich has gschafft! ich lieb mi läbe, ich weiss z schätze wasi ha und i ha e tolli ziit. klar, ich hätt gärn meh gäld, wär gärn grösser und blabla aber jo bi trotzdäm glücklich, das änderet nix dra. und ich glaub das chönne au anderi. (sogar die pessimistische trinker )
1 mal bearbeitet, zuletzt Sa 26.12.09, 18:20
D0paminSa 26.12.09, 18:23
mer merkt scho wer kei ahnig het..

aber gueti idee mitem lsd
CalimochoSa 26.12.09, 18:31
Zitat: Slackerbitch
@ Calimocho
du hesch s gfühl du seisch nur wiisheite aber es isch völlige quatsch!
das Gfühl hani würkli ^^

Zitat: Slackerbitch

mann, niemer het gseit "wenn mer langwilig isch, trink ich halt, denn hanis luschtig" aber du stellschs würklich so ane, als wär mer voll dr absturz wenn me trinkt. als würd me si läbe wäggheie
Hani alles nid gseit...aber wieder schön ahnedreiht ^^


Zitat: Slackerbitch

und hmm.. also ich ha erscht zwei fründe kha. und s chürzischte isch 1.5 johr gsi. i cha e beziehig sehr guet vomene "kurztrip" unterscheide. vo däm halt ich nämmli nüt.
Guet z wüsse, rofl.

Zitat: Slackerbitch

und jo, ich finds wüüüürklich so armselig, wenn öper öper suecht. (duet mer leid, fühlsch di wohl agsproche)
bisch wohl sone "es ergit sich" Mensch...schwer z glaube das nid religiös bisch ^^

Zitat: Slackerbitch

und do liggsch wiedrmol falsch. ich bi nämmli glücklich!! sit öpe 1.5 johr!und das isch öpis wo ich (fascht) jedem wünsch. die meischte chönne nämmli nur zruggluege und sage "jo damals, das isch e schöni ziit gsi" aber damals, zu dere ziit händ sies nid ihgseh. ABER ich has gschafft! ich lieb mi läbe, ich weiss z schätze wasi ha und i ha e tolli ziit. klar, ich hätt gärn meh gäld, wär gärn grösser und blabla aber jo bi trotzdäm glücklich, das änderet nix dra. und ich glaub das chönne au anderi. (sogar die pessimistische trinker )
Armselig findi, dass mer erst mit (21.0 - 1.5 = 19.5) sich mit dem was mer het glücklich schätze cha, aber kei angst, das chöne die wenigste...bisch nid allei, chöntsch jo mit dene ein go trinke, damit sie es lustiger hend

alles in allem, danke für dini Rechtfertigung wo 0 zum Thema bitreit und ich denke ich red für alli wos interessiert wenn ich sag:
Schön das glücklich bisch
1 mal bearbeitet, zuletzt Sa 26.12.09, 18:32
SlackerbitchSa 26.12.09, 18:33
jo weisch ich ha erscht mit 19.5 afo trinke..
SlackerbitchSa 26.12.09, 18:41
1. ha au nid gseit dass dus gseit hesch. aber du stellschs so ane.
2. was het das jetzt wieder mit religion z due? ok, ich glaub nid and eh usw. aber wäg däm bini NID pessimistisch. ich weiss nid, öbi e "es ergit sich"-mensch bi. aber ehnder als "isch das mi potenzielle partner, oder är vilicht? ou nei är, ich versuechs mol"-mensch
und wenn me das mit atheischte und chrischte vergliich, denn würdi sage dass EHNDER e chrischt uf dr suechi isch. aber jo ich glaub s einte het nüt mit em andere z due
3. also sorry, zerscht hesch gseit kei mensch cha glücklich sii, und jetzt seisch du finschs armselig, dass ich erscht mit 19.5 glücklich worde bi.. und so hanis nid ganz gmeint. aber mit 19.5 hani eifach checkt wie geil s läbe isch. und nid, dass es nur schöni momänt git.

du bisch doch nur ihversüchtig, will ich glücklich bi, und du dich sälbscht bemitleidisch, will du uf partnersuechi bisch, aber alli fraue so blöd sind und alkohol konsumiere..
nei, ich glaub, dass ich glücklicher bi, als die meischte mensche. und das ohni alkohol, heroin usw
CalimochoSa 26.12.09, 20:15
Zitat: Slackerbitch

bla bla blabla...
Zitat: Calimocho

Liess der mi bitrag nomol dure, denn atmisch eimol tief ih damit dis ghirn suurstoff bechunt, denn liesischs nomol dure und den überlegsch nomol was de gschribe hesch...
Zitat: Slackerbitch

du bisch doch nur ihversüchtig, will ich glücklich bi, und du dich sälbscht bemitleidisch, will du uf partnersuechi bisch, aber alli fraue so blöd sind und alkohol konsumiere..
Witzig wie mir mit dem Satz folgendes an Kopf wirfsch:
Ifersucht
unglücklich si
selbstbemitleidend
alleinstehend z si
Frauefeindlichkeit

S geile isch, dass bis uf de verdacht, durch anderi Posts im Forum, uf Frauefeindlichkeit, du dir alles andere usem Hohlrum zoge hesch wo di hals belastet ^^
Aber bruch mich do nid z rechtfertige...

Leb dini Lüg und teil sie allne mit
du vergissisch, mir hend zemme gschribe


Greetz
1 mal bearbeitet, zuletzt Sa 26.12.09, 20:17
SlackerbitchSa 26.12.09, 21:06
hmm? ich glaub ich bi z blöd. aber ich chum nid drus was du meinsch...

hä? jo mir händ 1 mol zämme gschriebe uf grund vomene forum-biitrag und s het im stritt gändet..

das mit dr ihversucht isch en witz gsi, will du gseit hesch kei mensch cha jemols glücklich sii, will em immer öpis fählt. und woni gseit ha ich bi glücklich hesch so do als wäre alli glücklich und ich bi hindedrii und viel z spot glücklich worde.. (ich glaub ich bi glücklicher als die meischte mensche. und das nid will ich mini problem wägsuff)

Als angemeldeter festzeit.ch Member kannst du Themen erstellen und auf Beiträge antworten.
 
Infos/Hilfe » ©