Festzeit.ch Forum » Computer » Wireless Audiosystem für Mac?
| Autor | Beitrag 1 - 15 |
|---|---|
| AwesomenessDi 9.3.10, 12:12 | Hallo Leuts Ich suech e schlaus Luutsprechersystem (5.1) für e Mac. Da ich die Luutsprecher überall im ne Ruum will könne platziere (wird au TV / Film / Musig übere Mac abspiele) suechi Wirelessgrät. Was gits do guets und günstigs? Ha googlet, abr irgendwie find ich nix schlaus (und d Hälfti vo de Sites isch wägem Gschäft gsperrt ><"  Besti Griess! |
| dosenbiermachtschlauDi 9.3.10, 12:32 | benutzisch sunsch irgentwas über WLAN? Funkwecker, Internet, Media server etc.? wenn jo söttisch unbedingt söttigi mit Kabel näh, viel gschiider & wennd se gschickt legsch bermerksch se au nit. |
| AwesomenessDi 9.3.10, 12:42 | Radiowecker und WLAN wirdi benutze. Nai, wie gseit, s setti wirklich ohni Kabel laufe! Klar kames gschiid vrlegge, abr das isch meistens mit ufwand vrbunde (und je nach dem au d Wohnig vrändere) Was haltet ihr vo sowas? http://www.digital-world.de/artikel/_Tests/1251223/vergleichstest_drahtlose_51_komplettsys teme_bis_600_euro/2 |
| dosenbiermachtschlauDi 9.3.10, 12:45 | s problem bi WLAN isch halt, dassd je nach dem wod im zimmer bisch störgrüsch hesch, genau so wie wennd im Internet surfsch oder scho nur durchd Stromleitige in de Wänd... ich finds dr Letscht schrott. kaufsch dr lieber mit Kabel, investiersch ä halbe tag (hei, so kompliziert isch das au nit) und drfür funktionierts au... ohni mehrköste mit de Batterie |
| AwesomenessDi 9.3.10, 12:47 | Störgrüsch? Staht jetzt nirgends was... Jo nei, Kabel sind wirklich dämlich, denn könnti ja grad e PC kaufe. Ich hass Kabel täglich wie meh. Das isch wirklich schrott |
| holysmokeDi 9.3.10, 13:03 | Stereo Audio elleige funktioniert zB miter AirPort Express via WLAN (die technik nennt sich AirTunes, evt. moll nach AirFoil sueche) Do chunts allerdings zu 2-3 Sekunde verzögerig, "live" isch demit also nit möglich. De Mac het e digitale Audio usgang, mit dem chasch 5.1 übertrage. du hesch zum Mac ehh e Stromkabel, derte no e sone fiins optischs Kabel (gits in wiss) und du wirdsch di nit dran störe ^^ Denn defür aber e 5.1 Alag mit schnurlose funk Böxli (nit WLAN!) mit optischem input und ab denne spielts au kei rolle me ob du Mac oder PC benutzisch. Und do chas denn aber wirklich zu störige cho im Ton wies de dosenbier gschribe het. Fuktioniert denn eifach gseit wiene alte Radio. Also, mit Kabel hesch somit immerno die best Lösig. 1 mal bearbeitet, zuletzt Di 9.3.10, 13:06 |
| AwesomenessDi 9.3.10, 13:06 | Denn defür aber e 5.1 Alag mit schnurlose Böxli (nit WLAN!) mit optischem input und ab denne spielts au kei rolle me ob du Mac oder PC benutzisch. Jop, genau nach sowas suechi. Ich mein Wireless heisst jo Schnuerlos, odr nid?^^ Will das meh de Subwoofer muess ahschliesse und die zwei vordere Luutsprecher, das isch mr egal. Ich will eifach nid durs ganze Zimmer kabel miesse zieh |
| LolololololololDi 9.3.10, 13:09 | Ich ka dir s Logitech Z-5500 nume empfähle. Wie scho gseit worde isch, all das Wireless Züg überzügt eifach nid. Es goht nüd überes Kabel, sigs bim Luutsprächersystem, Internet usw. Oder wotsch e sogenannts Wirelesskabel ha? Nei Spass bisite. Das mitem Wireless cha gwüssi Zit guet laufe, aber plötzlich dene mol nümmi. Es git sovieli Faktore wo chönne störe: Microwälle, Handy, Wireless Router usw. Die sind alli uf der gliche Frequänze und die hend sich nid immer gärn. Was no drzue chunnt isch, dass du zwar d' Kabel vo vorne bis hinde spare duesch, aber die Luutsprächer hinde laufe nid ohni Strom. Bim Logitech Z-5500 hesch zahlrichi Aschlüss und es tönt sehr guet für de Priis. D Kabel sind gwöhnlichi Luutsprächerkabel, sprich de hesch dini Freiheit wenn d' Kabel z kurz wäre. 3 mal bearbeitet, zuletzt Di 9.3.10, 13:23 |
| AwesomenessDi 9.3.10, 13:19 | ach, denn holi mr lieber sone stereo system, 2.1 odr so |
| LolololololololDi 9.3.10, 13:23 | jop do chani s Logitech Z-2300 empfähle. Das rockt d Bude und d Soundqualität stimmt absolut für dr Priis. Dene hesch kei "Kabelsalat". |
| AwesomenessDi 9.3.10, 13:31 | Easy, wie seht das Priislich us? |
| holysmokeDi 9.3.10, 13:32 | http://www.toppreise.ch/index.php?a=48079 |
| LolololololololDi 9.3.10, 13:38 | Isch en guete Priis. ich han vor 3 Joor no 250.- zahlt ka. S' Z-5500 wird vo Johr zu Johr tüürer. |
| ProgiyvesDi 9.3.10, 13:49 | Kabel unterd Sockeliste, und Ruhe hesch..... nervsch die nie me das BAtteri bim ne spandende Film usgöh, oder plötzlich kei verbindig me het... Wieso zieh mr bi Open Airs immer na Kabel zum FOH, wends ou mit WLan würd go(scho testet), wels eifach zu unsicher isch... Git so schöni gflächtschläuche zum überd kabel mache hinde am Rechner, gits ou in weis, und passe sich dr Dicke vo de kabel a, de merksch nit mol das es 10Kabel sind.... |
| AwesomenessDi 9.3.10, 14:53 | Ja, ich hamers ebe so vorgstellt, dass ich d Luutsprecher hinde übers Bett an d Wand montier. Mit Kabel weissi nid, abr ich glaub, füre PC i mim zimmer langt e 2.1 ahlag. sourround gits im wohnzimmer ala heimkino |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©