Festzeit.ch Forum » Sonstiges » SP will alle drogen legalisieren... was denkt ihr?
| Autor | Beitrag 76 - 90 |
|---|---|
| mondkindMo 10.11.08, 09:29 | Jä das isch halt s Budget  Ich finde me sött dr Konsum vo harte Droge no viel härter verfolge.. S git jo mehr als gnueg Bispiel drfür was si arichte. Junkies gits nur wenn dr Stoff verfiegbar isch. 1 mal bearbeitet, zuletzt Mo 10.11.08, 09:31 |
| holysmokeMo 10.11.08, 09:37 | es git (leider?) e riese mängi vo lüüt wo droge konsumiere, aber trotzdem nit zum junkie verkömme. und diä mache das obwohl illegal isch. wiä willsch däm entgegewirke? de staat ka jo nitmoll d quaität vo dene stöff überprüefe und wenigstens halbwägs de konsum regle. so wies jetz isch, isch de staat machtlos. s einzig woner ka mache isch >vereinzelt< zwüschehändler ussortiere. wemme seht wie viel konsumiert wird isches wirklich en sehr e kleine teil. do kasch nit degege aachoh. aso muesme ändlich moll raffe was do abgoht und das nit immer in tote winkel schiebe. nur wells illegal isch, findets halt trotzdem statt. me ka doch nit vor allem d auge zue mache numme wells nit ind heidi-bilderbuech schwiiz basst! usserdäm wirdme au in zuekunft asträngige unternäh de lüüt d droge nit unter d nase z riibe. und wägder kommende droge-absimmig: s 4 süüle modäll het sich bewährt, me het könne über 300 menscheläbe rette! und jetz gits do so, sorry, idiote wo uf rote plakat mit sprützi, pille undeme joint verlange dasme degege stimmt. ein JA bedütet doch no lang nit dasme droge beführwortet, oder dasmes guet findet was mit dene lüüt passiert! und denn no de satz "keine weitere legalisierung" -> zielt ufd hanflegalisationi ab. do wird uf KEI problem iigange, es wird eifach widr eimoll meh tabuisiert! |
| phallusimpudicusMo 10.11.08, 09:45 | Ich denk eifach, dass immer meh Lüüt ikei Perspektive me hen, t Gründ doderfür seie emol dahin gstellt, und ich denk au, dass sich das nit so bald wird stabilisiere. Und sehr vil Lüüt griffe in dr Verzwifflig hüüte zum Alk, und möglicherwiis, spöter denn eifach zu Droge... Ich gseh scho was de meinsch, ich denk nur, dass es nit so klar isch, dass es eso poitiv usekunnt , wie du das do probiersch z proklamiere. Aber i los mi gern positiv überrasche! |
| mondkindMo 10.11.08, 09:45 | Wenn d Beschaffig erschwert wird köme d Priise jo au widr usm Tal use. S isch viel ufm Märt, drum tiefi Pryse. Mir isch das scho klar dases vili git wo sich für en Schnupfe e Hirnschlag riskiere wänd, isch schlussendlig jedem sis eigene Problem. Abr mir zahle s alli übr unseri Krankeversicherig. Wenns Pulver scho nur doppelt so viel koschte würd wie hüt gäbs weniger Konsumänte. 1 mal bearbeitet, zuletzt Mo 10.11.08, 09:46 |
| holysmokeMo 10.11.08, 09:51 | jo dä erschreckend düefi priis isch glaub nur bim koks e so... halt widr öppis, de staat chönt de priis künstlich hoch halte, wie bi ziggis (oder meinetwegen wie bim benzin). und wägder krankekasse womer alli mitzahle: diä stoff sin praktisch NIE rein, und sin dorum giftig - widr öppis wo de staat chönt kontrolliere. well de dealer het do kei inträssä dran. mr mues eifach gege dä schwarzmärt kämpfe, es ka doch nit sii das sone offesichtlich wichtige zwiig eifach kriminelle lüüt unkontrolliert überloh wird. do kasch nitmoll e kassesturz biitrag übere scheiss dealer bringe, well das alles illegal isch, und do redetme nit gärn drüber. |
| mondkindMo 10.11.08, 10:04 | S isch doch eifacher dr Sumpf ustrockne und trocke lo? D Personefreizügigkeit bringt uns do viel wiiter  (in die anderi Richtig). |
| holysmokeMo 10.11.08, 10:09 | es isch eifach nit möglich. s bedürfnis nach droge isch viel z hoch als dasmesi ka verschwinde loh. (ineme freiä land wo sich d mensche dörfe frei bewege) es isch eifach e illusion. prohebition hets zeigt, es goooooooht eifach nit. de mensch het scho immer nach droge gsuecht, vode alte grieche bis zu de römer, azteke, indianer - alli. mr läbe halt nit imene märli. und jetz isches doch langsam ader ziit dasme us de fehler lernt, und wäg chunt vomene verbot, wo nur nochteil bringt, aber nüt bewirkt. |
| mondkindMo 10.11.08, 10:18 | Naja, z.B. in Singapur hange kei Junkies umme. Dert schyynt d Prohibition z griffe. Wer frei verfiegbari Droge befürwortet het doch selber e Drogeproblem? I wott do keine beleidige, abr irgendwie findi das kei niechterni Sichtwys. |
| phallusimpudicusMo 10.11.08, 10:22 | Goht me halt dr Weg vom gringschte Widerstand... |
| holysmokeMo 10.11.08, 10:26 | aso singapur isch jo grat e schlächts bispiel. det gits wohl grat todesstrof druff, oder wie? het jo au nüt mit dr iisicht z due dasme keini droge brucht. übrigens red ich nur voder legalisierig, nit vonere freiä verfüegbarkeit. i will das wenn denn scho kontrolliert abgäh, so wie wemme gäld abhebt - alles dokumentiert wär, wenn und wie viel. |
| mondkindMo 10.11.08, 10:28 | So quasi wie in Adam? Dert miends d Shrooms au vom Märt neh will d Lüüt nit wüsse wie drmit umgo. |
| holysmokeMo 10.11.08, 10:30 | i weiss ehrlichgseit nit wies det abgoht  aso e legalisierig bedingt natüerlich au e ufklärig. und dämfall also nit so wie in Amsterdam, sondern en schritt witter. |
| mondkindMo 10.11.08, 10:33 | S git no kei funktionierens System wie sich d SP es vorstellt. Velicht isch dr Status quo jo s kleinere Übel. |
| holysmokeMo 10.11.08, 10:35 | villicht. denn muesch aber wenigstens em 4 süüle prinzip zuestimme - das isch jo e grosse erfolg, und do gohts au nit umd legalisierig, sondern um menscheläbe. |
| mondkindMo 10.11.08, 11:55 | Würd dr Staat gnueg gege dr Märt mache brüchte mr das Prinzip nit.. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©