Festzeit.ch Forum » Computer » "Grand Theft Auto IV" zu "Grand Theft Auto: Basel City"-Projekt
| Autor | Beitrag 391 - 405 |
|---|---|
| DeepBassDi 20.9.11, 11:37 | SPAM |
| DeepBassDi 20.9.11, 11:37 | SPAM |
| DeepBassDi 20.9.11, 11:37 | SPAM |
| MojoDi 4.10.11, 10:18 | @ DeepBass: Niemerts mag Spammer. ^^ Die Wuche kömme 1,2 neui Videos, ich schrib's im Forum, wenn si upgloadet sind. Greetz |
| JackDerilloDi 4.10.11, 14:57 | ich würd dr forum ort wäksle ;-D |
| MojoSo 9.10.11, 11:26 | Sooo... wie vrsproche, isch jetzt no do s' Video mit unsere Fortschritt.   Mir händ jetzt dr Import und d' Kollision im Griff.  Zwei Modäll vo dr Pauluskirche sind importiert worde - e kleins und e grosses. D' Textur funktioniert nonig wunschg'mäss, abr das bringemer no in Ordnig. Mitem jetzige Wüsse probiere mir nägscht Wuche, e ganze Stadtteil (Oschttangänte) iiz'füege. Lueget immer wieder emol s' Forum nach Neuigkeite duure. Schöns Weekend euch allne und no e gueti 2. Feriewuche. Greetz, Mojo / Mor-Games-Productions |
| MojoSo 16.10.11, 21:43 | Nachem 4-wuechige Praktikum gits jetzte e 2-wuechige Sprochufenhalt in Colchester, Aengland. Ich bi am 30. Oktober zrugg, denne goht's mit dr Arbeit witer. Es git au scho e Video, wo Modaell, Kollision und Textur (teilwiis) funktioniert, abr das isch nonig hochg'lade. Will jetzt divaersi Tools gnueg wiit sind und mir s' noetige Wisse vrfuege, foend mir baldmoeglichscht aa, Stadtteil z' importiere. Greetz |
| MojoSo 6.11.11, 01:40 | Sooo... Praktikum und Ängland-Ufenthalt sind vrbii. Näbe dr Schuel wird jetzt wieder g' moddet. Ich lad so bald wie möglich e Video uffe, wo paar Fortschritt zeigt... momentan will's nonig grad richtig uffelade.  Vor wenige Täg isch (wie ihr sicher wüsset) au dr Trailer fürs GTA 5 uusekoo. GTA 4 isch jo 2008 erschiene und die ganzi Idee het erscht Ändi 2009 aag'fange. Falls jetzt also GTA 5 nit all zu spot würd uusekoo, wär's au e Option, Basel für GTA 5 übrz'näh. Ob's Spiel ähnlich ufbaut isch, weiss ich nonig. Jedoch muess me au sage, dass GTA 4 in paar Sache grossi technischi Schwierigkeite gha het. Vo däm här würd sich's gar nit schlächt träffe, wenn GTA 5 bald emol uusekämti. Mir sind jetzt zwar in dr Lag, Modäll, Texture (teilwiis no fehlerhaft) und sogar ganzi Stadtteil z' importiere. Abr ich wott euch jo au öppis biete könne. Schön wär's natürlich, wemme GTA 4 no witer (odr sogar fertig) ka modde und das Ganze denn mehr odr weniger ka uf GTA 5 übrnäh... und das wärdemer jetzt wohl au vrsueche. Ich halt euch witerhin ufem Laufende. Evtl wird au e neue Forums-Thread ufg'macht. Greetz |
| ToxicatedSo 6.11.11, 18:56 | wann isses denn fertig |
| LaFaTequillaSo 6.11.11, 22:01 | nice wär geil alles uf gta 5 wennmes übernää ka ! nid das die ganzi arbeit für nix gsii isch |
| MojoDo 19.1.12, 14:22 | Wird wieder emol Zit zum Schriibe. Hoff, ihr händ alli e guete Start ins Johr 2012 gha. Novämber und Dezämber sind leider zwei sehr hektischi Mönet gsi und s' het vil z'tue gäh schuelisch. Jetzt isch abr grad biz e Ruhephase, die ich - und s' Team - usnutze wänd, zum Witerkoo. Wie seht's eigentlig momentan us? Mir könne Texture uswächsle (siehe Video) odr völlig neui erstelle. Imene Tescht (siehe Video) isches uns g'lunge, e Modäll z'vrschiebe. Während emene 4-wüchige Praktikum bi cadwork isches mir g'lunge, komplett neui Elemänt iiz'füege (z. Bsp. Pauluskirche [siehe Video]). Mit einige Modäll gits no Problem wäge dr Textur, abr das probier ich z'löse. Wie bereits scho öfters erwähnt, isch GTA IV leider e sehr inkompatibles Spiel und ich ha Problem, uf mim neue Computer d' Karte z' bearbeite. Sprich, alles muess übr müehsami Transfers ufeme zweite Computer odr bi cadwork baut wärde. Abr au das probier ich natürlich so bald wie möglich z' behebe. Ich weiss, es het lang keini Zeiche und Posts me vo dr Mod gäh. E Zit lang isches au ächt fruschtrierend gsi, eifach nit witerz'koo. Abr ich vrsichere euch, dass ich witerhin dra schaff, die letschte paar Täg bini stundelang hinter em PC g'sässe. Mi vorrussichtliche Zitplan isch jo gsi, bis Ändi 2012 das Projäkt z' beändet ha. Das isch immer no möglich, usserdäm sind divärsi Tools scho updatet worde und ich ka mir vo paar grössere Mods 2,3 Sache abluege. Danke für euri Geduld! Entschuldiget bitte die langi Wartezit, ich probier euch so bald wie möglich, miteme neue Video z' beliefere. Mitem Start vom neue Video entstoht au e neus Forum-Thema, das do isch langsam richtig lang. ^^ Greetz, Mojo |
| MojoDo 19.1.12, 14:27 | PS: Für all die, wo biz GTA-Nostalgie uf dr IV-Engine g'niesse wänd: http://www.youtube.com/user/MrDEAGLOS#p/u/0/cgpWkpTkwEs Vice City Rage und http://www.youtube.com/watch?v=6vlydsbCoq8&feature=channel_video_title San Andreas Rage Ich bi mir nit sicher, abr eventuell gits au für GTA III scho Rage-Mods. Vil Spass drmit. |
| hanauDo 19.1.12, 14:28 | haha geili sach, grat hüt hani wiedermol sones bild zu dem gseh und ha mir denkt öbs echt ded wittergoht oder nit^^ |
| LaFaTequillaDo 19.1.12, 22:19 | Keep it up !  Wendes packsch wers legendäääär |
| hanauDo 19.1.12, 22:23 | oh nei er het e fründin.. also wirds doch nüt mit endi 2012  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©