Festzeit.ch Forum » Sonstiges » Welches Tele-Objektiv (Sigma oder Tamron)
| Autor | Beitrag 1 - 15 |
|---|---|
| marcovoltDi 13.4.10, 21:07 | Ich bin mir am überelge e chli bessers Tele-Objektiv z chaufe do mis jetztige leider kaput gange isch. Ich bi mir aber nit so ganz sicher wele Hersteller ich am beste nimme... Zur uswahl stot: Sigma Objektiv 70-200mm, f/2.8 APO EX DG Makro HSM II (Nikon) ca 900.-, 3J. Garantie TAMRON SP AF 70-200mm, f/2.8 Di LD IF Makro (Nikon) ca. 800.-, 1J. Garantie Vom Tamron hani gläse das es e sehr gueti abbildigsleistig het, hingege s Sigma dört chli hindenoche isch... Hingege de Fokus söl dank em HSMII Fokus-Motor dütlich schneller sie. Ich sälber finde s Tamron chli schöner als s Sigma, das isch aber näbesach, wichtig isch das es e gueti abbildigsleistig het und de Fokus schnäll isch. Bruche würdi das ganze vorallem für Konzeärtföteli vilicht het jo irgend öpper eis vo beidne oder chan suscht us erfahrig rede wiso oder wiso nit ^^ Gege s Sigma spricht ganz klar das es türer isch, weniger Garantie het und d Abbild-leistig schwächer isch, bim Tamron bis jetze nume de Fokus Edit: Was au no interessant wär: isch bim Sigma e Gegeliechtbländi debie oder nit? Bi Tamron weisi das si debei isch 2 mal bearbeitet, zuletzt Mi 14.4.10, 14:16 |
| DAREDEVILRYDi 13.4.10, 22:03 | Canon Objektiv EF 70-200mm, f/2.8 L IS USM 2000.- 3 johr garantie.. isch TOP! |
| StinsonDi 13.4.10, 22:18 | Zitat: DAREDEVILRY Lol ich wot mr das au no bsorge xDCanon Objektiv EF 70-200mm, f/2.8 L IS USM 2000.- 3 johr garantie.. isch TOP! |
| DAREDEVILRYDi 13.4.10, 22:22 | Hans scho chöne usprobiere  göttlich !!! |
| DAREDEVILRYDi 13.4.10, 22:22 | - 1 mal bearbeitet, zuletzt Di 13.4.10, 22:22 |
| marcovoltDi 13.4.10, 22:26 | Zitat: DAREDEVILRY i han nikon ^^ und würd s nikon eigene au am liebste neh aber es isch eifach viel z tür für das dasi nüt demit verdiene ^^Canon Objektiv EF 70-200mm, f/2.8 L IS USM 2000.- 3 johr garantie.. isch TOP! aber wenn scho vo usprobiere redisch: wo würdsch es objektiv go teste wenn de genau weisch das es nacher eh im Internet bestellsch ^^? das s Sigma türer isch und weniger Garantie het regt eifach uf, suscht wär de fall klar ^^ Weis nit öb de Fokus z lahm wär für Konzärt und co. bis jetze hani es billigs Nikkor 70-300mm f3.5-5.6 gha und de Fokus speed het eigentlich immer glängt ^^ |
| DAREDEVILRYDi 13.4.10, 22:36 | guet demfall hani s überläse das du e nikon hesch, min fehler, Also ich han s glück das 2 bi mir im gschäft au foti ahgfresse sind und gueti gläser hend und ha au scho d combination 1d + 70-200 chöne teste genial..sunste... gang in e foti lade, dues dr uslehne vom kolleg ( git au läde die lehne objektiv us) |
| marcovoltDi 13.4.10, 22:46 | isch doch kei problem das es überläse hesch ^^ im moment wirds alwä schwirig mit em aluege aber weni irgend mol zyt han gangi vilicht mol in e fotigschäft go luege... Das d Bilder mit beidne guet wärde weisi aber mini gröst sorge isch de AF ^^Bringt jo nüt wenn s Objekt scho 2km witer isch bis ich mol scharfgstellt han Suscht findi machts Tamron de besser idruck wels grösser isch ^^ |
| funnyjokerMi 14.4.10, 00:17 | wenn de di erste artikel bearbeite würdisch, wärs eifachen e tip z gä. du schribsch sigma 900.- 3 joor garantie und tamron 800.- 1 joor garantie drnoch behäuptisch, dass s sigma türer isch (ok) und weniger lang garantie het (?) denn hesch gläse, dass d abbildig vom tamron besser isch, hingege tamron drbi chli problem het??? Minere meinig noch isch bi konzärtufnahme d abbildigsquali wichtiger als dr autofokus (so gross isch dr ruum / d bühni nit, dass dr eine 2km wäglauft und d strahle vo de schienwärfer (meistens grad) lönd verzeichnige so schön zur gältig ko) es kunnt notürlich au druf a, was de denn wie und vo wo us fötele willsch. zu dene 2 objektiv sälber kan i aber nüt sage. |
| ProgiyvesMi 14.4.10, 10:32 | Also mi Tip isch kauf dr es Nikon 70-200 2.8 Vor kurzem ischd Serie 2 useko und de findsch die ersti serie günstig occasion. Solang de nit wilsch Vollformat fötele hesch ou keini nachteil. Hans sigma 2 wuche ka bis is wieder retur gä han und mrs Nikon kauft han. Es isch eifach um welte besser, und Grat bi konzert bisch froh um en schneel AF ! |
| marcovoltMi 14.4.10, 14:24 | ups ^^ irgend wie bini gester liecht abwesend gsi woni das gschribe han. Korrekt sets natürlich heisse das s Sigma schlächter isch in dere hisicht. So schnell zämegfasst: Tamron: - Günstiger (800.-) - Design gfallt mer besser - 3 Johr Garantie - Sehr gueti Abbildigsqualität Sigma: - scho eher Tür (900.-) - Design mittelmässig ^^ - 1 Johr Garantie - Gueti Abbildigsqualität - Schnellere, lislichere Fokus (lut testbricht und co ) @Progiyves: Uf ricardo hani wege dem ebe au scho gluegt, aber nüt gfunde nume es ganz alts wo no kei eigene Fokusmotor het = no langsamer als die beide. Wie viel würdsch denne dänke das me ungefär für soeis mues zahle? Chli meh lit sicher no drinne wens denne all mini Wunsch erfült, aber z viel willi au nit zahle für die paar Konzärt und suschtige Föteli wo ich mache. Weg em Fokus: Do bini mer nit würkli sicher öbs Sigma besser als s Tamron isch. Klar isch er schneller vo Unentlich uf 1m aber wenn d distanz nume chli isch (z.B. bühni, bewegends Objekt) denki set au s Tamron mitcho und genau do hani imne youtube video (öbs stimmt kA) d schwächi gse vom Sigma, es fokusiert nit direkt witer sondern suecht de halb Fokusbereich ab was es denne wider herum langsam macht. Grundsättlich han ich früener mit de Fokusgschwindikeit vom Nikkor 70-300mm 3.5-5.6 kei Problem gha an Konzärt vo dem här set do s Tamron scho mithalte chöne. s Problem wird sie dasis nüm chönt zruggeh wenis im WWW bstelle, suscht hättis hald bstellt und molle chli testet und notfals wenn de Fokus würkli so langsam isch hätis immer no chöne zruggeh. Do i im moment eigentlich nit grad so viel Geld übrig han würdi scho lieber s Tamron neh aber weni denne imne halbe Johr s wider verchaufe well mer de Fokus eifach z lahm isch wärs hald au nit so toll |
| AwesomenessMi 14.4.10, 14:27 | Kolleg... du schriibsch günstiger und bizeli tüür. alte, das sind 100 franke ... entscheid di für das wo dr besser gfallt und kaufs. also bitte, wäg 100 franke öppis schlechters go kaufe. wäres jetzt 500 stutz unterschied gsi hättis vrstande. abr 100 ... |
| ProgiyvesMi 14.4.10, 15:11 | also für ca. 1500.- sötsch e guets 70-200 finde, den hesch En richtig guete AV, bildstabi, und e schöni blände mit 2.8... Gib dr süsch gern mol mins für es Wucheend zum test. |
| marcovoltMi 14.4.10, 15:38 | Zitat: DRAUFistwichtig 100.- sind viel ^^Kolleg... du schriibsch günstiger und bizeli tüür. alte, das sind 100 franke ... entscheid di für das wo dr besser gfallt und kaufs. also bitte, wäg 100 franke öppis schlechters go kaufe. wäres jetzt 500 stutz unterschied gsi hättis vrstande. abr 100 ... die 100.- würde mi sicher nit störe ^^ aber wenn de Fokus nume bedingt besser isch lohnt sichs nit. Das wo mi am meiste närvt isch das es nur ei Johr Garantie het... Was isch wens imne Johr irgend e fehlfunktion het? Do das alwä eh importiert isch wirds wohl au kei Schwitzer Ott + Wyss charte debie ha wos erlaube würd 1X im Johr z reinige. @Progiyves: Danke fürs Agebot wäg em teste  En Kolleg het s neue au, luege suscht dasi sis molle chan ha für es WE oder mit im mol neume ahne gange go Fötele. |
| funnyjokerMi 14.4.10, 16:25 | Ich bi mr jetzt nit ganz sicher, aber das mit em bessere AV ka sich doch nur druf bezieh, wie schnäll e obj vo unändlich uf e nochberich umstelle ka. wenn d scharfstellig immer am objäkt verbifahrt, denn isch das doch dr fähler vom body. dä misst doch d scharfstellig und stührt denn dr motor vom obj aa. (ok wenn d fiinstürig vom motor es so schlächt isch dass er z langsam stoppt und an dr scharfstellig verbirast, denn isch es e obj-problem. aber sind die würklich no e so schlächt? in de meiste fäll misst dr body doch aifach nit gnueg genau, will s liecht z schwach isch. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©