Festzeit.ch Forum » Sonstiges » Externe belohnungen und wie sie unsere Welt beinflussen!
| Autor | Beitrag |
|---|---|
| MindlessOverkillDo 15.4.10, 01:43 | http://www.sirlin.net/blog/2010/2/22/external-rewards-and-jesse-schells-amazing-lecture.ht ml S video isch in Englisch dorum sött me dr link nur aklicke wenn mes au verstoht  Ich jedefalls bi schockiert vo dem was de typ nach 1/2 vom Video übers alltagslebe verzellt und kamr leider au vorstelle dases e so kha usekho und passiere wird. Was isch euri Meinig drzue? |
| SvartsolDo 15.4.10, 09:05 | Also ha so näbebi zueglost während em schaffe. Tönt scho heftig, aber das isch doch nid neu. De hets eifach ahand vo neue Biespil zeigt gha. |
| holysmokeDo 15.4.10, 13:33 | trifft nit uf alli mensche zue, somit relativiert sich das... |
| MindlessOverkillDo 15.4.10, 13:55 | Jo trotzdem stell ich mir das zimli nervig vor wenn würklich jedi sach in dim huushalt und uff dr stross elektronisiert isch und di verhalte überwacht und gegebefalls no duet bewerte und belohne  Ich lieb zwar elektronik aber das würd mr eidütig z wiit go hehe |
| SplinterDo 15.4.10, 14:52 | Es git en eifache Grund wieso dass das wird cho, au wen nid alli Mensche so handle (i denk allerdings dass das en sehr chline Teil isch wo nid so handlet wemes nid nur uf Games bezieht). Drzue en "Witz" zums veraschauliche: E alte Ma goht jede Tag ufe Bus zum go ikaufe (odr irgendwas anders). Es paar chlini Buebe hän nüt bessers z'tue als de alt Mensch z'nerve wo si au chöne. Si strecke ihm d'Zunge use, beleidige ihn, eifach wills Spass macht und will er sich nid chan wehre. Irgendeinisch grifft de Herr zumene Trick: Er seit dene Buebe dass si morn 2.- bechöme wenn si ihn denne wieder nerve. Natürlich möche die Buebe das! Spass ha und drfür belohnt z'werde isch jo schliesslich toll. Am nächste Tag passiert was eigentlich scho klar isch und dr alt Ma git ihne die 2.- und er seit dases morn 1.- git. Dr Usgang in dere Gschicht isch absehbar: Dr alt Ma zahlt jede Tag weniger bis d'Kinder s'interesse dra verliere ihn z'nerve und er het sini Rueh. Die Gschicht tönt zwar e biz realitätsfremd, isch si jedoch überhaupt nid. Jede einigermasse gebildete Pädagog weis dass externi Belohnige interni Motivation kille. Bi dene Kinder laufts also so dass dr "Spass" wo si drbi hän abglöst wird durch s'Geld wo si beköme! Erstunlicherwies funktioniert die menschlich Psyche abr nid so dass bimene Usblib vo dere Belohnig wieder uf die herkömmlichi "Belohnig" zrug griffe wird. Mehr drzue: http://www.openlogic.com/blogs/2008/01/do-external-rewards-kill-intrinsic-motivations/ Fazit: Setz bi irgend emene Game/Konzept es Belohnigssystem i und es wird zumene Grundpfiler, wo nid chan entfernt werde ohne s'ganze System extrem z'gfährde! Stellet euch nur mol vor WeightWatchers würd ihres Punktesystem abschaffe... Bankrott nach paar Monet würd i säge... 1 mal bearbeitet, zuletzt Do 15.4.10, 14:54 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©