Festzeit.ch Forum » Computer » Windwos startet nüm komplett...
| Autor | Beitrag 1 - 15 |
|---|---|
| CoupeDanemarkDo 10.6.10, 15:24 | Sali zämme ha scho wieder e Problem mit mim liebe alte PC. Han en bitz welle ussmischte, will en nur no als reine Sound- und Film-PC ha welle. Do ich no zimmli viel so Softwareleichene druff gha ha, wo nid rächt deinstalliert worde sinn (worum au immer, isch scho ewig här), han i das Züüg mit em RegClean bitz welle uffruume. Ha wirklig nume die Sache glöscht, won i gwüsst ha, dass si zumene Programm ghöre, won i nüm ha. Isch alles ganz normal gloffe, denn han i nur ganz kurz dr Ruum verloh und won i zrugg cho bi, het sich sWindows scho uffghängt, ohni Fählermäldig oder sunscht öbbis. Ha denn Reset druggt und bim neu starte isch nüt me gange. Das heisst, s'isch immer bitz unterschiedlig.... mängmol chunnt nid emol sWindwos-Symbol, mängmol hänggt är sich bim blaue "Willkommen"-Bild uff und mängmol schafft ärs sogar bis uff dr Desktop, jedoch ohni Startmenue und die unteri Taskleischte. Muus bewege oder öbbis aakligge goht gar nid. Do das Ding eh vollgmüllt isch, han en aigentlig grad welle formatiere und neu uffsetze. Und do isch mi aigentligs Problem. Wenn ich F8 oder F9 drugg zum ins Bios cho, chunnt nur, dass letscht mol e Problem uffträtte isch und wie das en will starte (normal, abgsicheret oder die letscht als funktionierend bekannti Konfiguration). Ha alli scho probiert, goht gar nüt. Do mi PC immer grad ab Harddisk bootet, chan i au per Cd nüt flicke oder über Ubuntu oder so ine. An was chönnt das liege? Oder gits sunscht no e Möglichkeit, das Ding zformatiere, ohni dass i grad dFeschtplatte muess wäggsle? Ha ächt kei Ahnig.... Isch übrigens e alte HP-PC mit Windows XP Home. Und nei, i kauf mr kei Mac. Google frooge chönnt i, das stimmt, aber bis i e Antwort uff mi (und genau das) Problem gfunde, won i drzue au no check, vergöhn Stunde. |
| DAREDEVILRYDo 10.6.10, 15:27 | Bringt er sunst no meldige? Ins bios chunsch eigentlich immer ihne, sunst isch nüm guet^^ lueg mol öb de usefindsch was genau für e mainboard/bios hesch... oder bisch dr sicher das es F8 und F9 gsi isch?^^ |
| TrexxDo 10.6.10, 15:28 | F8 isch glaub für Windows Reperatur usw. Im Bios chunnsch ine, wenn du ganzi Zit F2 oder DEL drucksch (aber das isch je nach Model vo Bios anderst, stoht au natürlich am Afang bim Boot-Vorgang druf, was du muesch drucke). Und im Bios eifach CD-ROM uf 1. (First) Position istelle, damit PC vo CD-ROM bootet und Windows Installation startet. Aber um Date zsichere, chasch du en Linux Distribution verwende. 1 mal bearbeitet, zuletzt Do 10.6.10, 15:30 |
| CoupeDanemarkDo 10.6.10, 15:30 | Zitat: TT1 F2 han i au scho probiert, funzt au nid F8 isch glaub für Windows Reperatur usw. Im Bios chunnsch ine, wenn du ganzi Zit F2 oder DEL drucksch (aber das isch je nach Model vo Bios anderst, stoht au natürlich am Afang bim Boot-Vorgang druf, was du muesch drucke). Und im Bios eifach CD-ROM uf 1. Position istelle, damit PC vo CD-ROM bootet und Windows Installation startet.  Was i denn im Bios muess mache, weiss i glaub scho, aber ebe... chum irgendwie nid ine Chan i das nid umgoh, dass är immer mit däre Froog chunnt, wie dass i will starte? Edit: Nei, keini wytere Mäldige 1 mal bearbeitet, zuletzt Do 10.6.10, 15:30 |
| TrexxDo 10.6.10, 15:31 | Was stoht ganz am Afang, wenn er startet. Marke etc? Wie heisst PC bzw. was ischs für e Model? 1 mal bearbeitet, zuletzt Do 10.6.10, 15:32 |
| DAREDEVILRYDo 10.6.10, 15:34 | Bios Flashe pc ufmache, klini batterie 10 sekunde entferne pc neustarte^^ den söte die meldige widr cho eigentlich  |
| TrexxDo 10.6.10, 15:35 | Bitte gar nit versueche irgendwas ufem Bios abzspiele bzw. update.. Das machts villicht nur schlimmer. Ehm, ja das mit Batterie chönntisch versueche, aber wenn du nie im Bios öbis igstellt hesch, bringts glaub au nix. 1 mal bearbeitet, zuletzt Do 10.6.10, 15:37 |
| CoupeDanemarkDo 10.6.10, 15:36 | S'isch e HP Pavilon k334.ch Bim starte stoht sunscht nüt, usser halt welles Betriebssystem dass i druff ha... aber momentan chunnt nid emol me das. Würd är gar nüm starte, wüsst i, dass es an dr Hardware liggt... aber mängmol schafft ärs jo bis zum "normale" Desktop mit de Symbol und allem druff. |
| CoupeDanemarkDo 10.6.10, 15:39 | Zitat: TT1 Kei Angscht, wenn i mol im BIOS bi, ändere i nur mol, dass är ab Cd bootet. Denn probiers mol mit dr Recovery-Cd. Und sunscht halt wirklig alles formatiere und neu uffsetze.Bitte gar nit versueche irgendwas ufem Bios abzspiele bzw. update.. Das machts villicht nur schlimmer. Ehm, ja das mit Batterie chönntisch versueche, aber wenn du nie im Bios öbis igstellt hesch, bringts glaub au nix. |
| DAREDEVILRYDo 10.6.10, 15:41 | bitte, wenn de mol im bios bisch^^ wird grad d XP cd dri und formatier und setz neu uf ;D macht er pfiff grüsch am ahfang? |
| TrexxDo 10.6.10, 15:42 | Zitat: DAREDEVILRY Ich glaub meistens muess me erst CD-ROM uf 1. Position stelle, damits vo CD au bootet.bitte, wenn de mol im bios bisch^^ wird grad d XP cd dri und formatier und setz neu uf ;D macht er pfiff grüsch am ahfang? |
| DAREDEVILRYDo 10.6.10, 15:44 | Zitat: TT1 jo, scho klar^^ aber wenn si mol im bios isch und das umgstellt het, söll si jo nid repariere...Zitat: DAREDEVILRY Ich glaub meistens muess me erst CD-ROM uf 1. Position stelle, damits vo CD au bootet.bitte, wenn de mol im bios bisch^^ wirf grad d XP cd dri und formatier und setz neu uf ;D macht er pfiff grüsch am ahfang? Edit: Date sichere mit emene Ubuntu und neu ufsetze 1 mal bearbeitet, zuletzt Do 10.6.10, 15:44 |
| TrexxDo 10.6.10, 15:44 | Halt mol während neustart F1 oder ENTF gdruckt, bis Meldig "Entering Setup" stoht. First Boot Device: CD ROM wähle (findsch unter Advanced Bios Features) Und Save & Exit natürlich nit vergesse  2 mal bearbeitet, zuletzt Do 10.6.10, 15:46 |
| CoupeDanemarkDo 10.6.10, 15:46 | Also, ha jetzt 100x uff del druggt, jetzt bin i inecho... ABER.. au im Bios hänggt är sich uff (bi nid emol drzue cho zum dBoot-Reihefolg ändere).Dämfall scho eher e Hardware-Problem, oder? Edit: Reihefolg isch g'änderet.... auf ein neues, das mol ab Cd. 1 mal bearbeitet, zuletzt Do 10.6.10, 15:49 |
| CoupeDanemarkDo 10.6.10, 15:47 | Und nei, pfyfft gar nüt. Macht nid emol me s'normale Start-Piep. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©