Festzeit.ch Forum » Politik / Religion » Velohelm zur pflicht
| Autor | Beitrag 16 - 30 |
|---|---|
| DylanMo 18.12.06, 09:13 | @fineline ich glaub eifach das die wo chli "risikoricher" fahre, und das nid nur ind stadt und widr heime, die einzige sin wo das richtig checke das me eifach e helm muess azieh |
| MythINCMo 18.12.06, 11:32 | Unsers Land lebt nur vo Verbot und Pflichte s einzige wo ich mich no chönt überrede loh en helm ztage wär boarde - abe ich liebs doch so wenn de wind durch hoor pfuust |
| timmyMo 18.12.06, 11:54 | lieber kei velohelm drfür mol VeloNummere und vor allem mol härteri bestrofig fürd velofahrer. s kha jo nit sii, dass für die "keini" vrkehrsregle gälte... |
| finelineMo 18.12.06, 11:56 | Härteri stroofe... Sorry, wenn de als Velofahrer in dr stadt unterwägs bisch chasch dr genau ei fähler leiste, denn liggsch unter emne Auto. Längt das nid? oder söll me denn grad no e Buess zahle= |
| timmyMo 18.12.06, 12:09 | ich weiss das me sich genau ei fähler kha leischte. i fahr sälber sehr viel velo. aber s kha jo nit si, dass wenn me amene rotliecht stoht eifach alli drüber fahre? sorry, rot isch rot, obs jetzt e velofahrer isch odr e autifahrer. |
| RheinPiratMo 18.12.06, 12:26 | Ich mein mitem Töffli fasch um die 30 kmh umme. Mitem Velo bisch viel schnäller, und oft fahre die schiss 2-rad strampler wied sau, so nachem motto, Verkehrsregle gälte für alli andere, nur nid für mii. Dorum bini derfür das au die ä helmpflicht verpasstkriege  |
| NobelpreisträgerMo 18.12.06, 12:27 | Helmpflicht - Wayne ? Wird mi wie alli andere garantiert NIT dra halte, und au wenns denn eimol halt e Fünfliber kostet, das ischs mer wärt. |
| MaleschMo 18.12.06, 12:40 | Ich find, langsam sött me sich doch widremol uf dr menschlich Verstand zruggberuefe! Dä wo das will, dä söll, und susch halt ned, do isch jede sälber verwantworlich. Odr muess dr Vater Staat denn alles vorschriebe, demit sich au jo niemer es Bobochen zuefüegt? Am Schluss hän mr no s Gsetz wo vorschriebt, dass me im Winter höchschtens fünf Minute s Fäschnter offeloh dörf zum Lüfte, demit sich au jo kei arme Bürger e Lungeentzündig holt  |
| NobelpreisträgerMo 18.12.06, 12:45 | Passt halt in die aktuelli "Verbotts-Euphorie"  Rauchvrbott usw. ... Vater Staat übernimmt das Denken für euch |
| MaleschMo 18.12.06, 13:44 | Gseht fascht so us ... Allerdings wirkt sich s Rauche uf mehreri Mensche us (sprich uf die umgäbende Mitmensche, ums mol so z forumliere). Dr Velohelm betrifft nur d Person sälber. Wenn öper keine hed, schadet das em nögschte ned. naja, abr egal! |
| heimdallMo 18.12.06, 14:53 | sölle mache wa se wänd, nur mit verbot chummt mer ned allzu wiit, mer hetzt ender gege sich... vorallem isches ned mis bier wenn eine de chopf ufschloht will er kene agha het, isch jedem sälber überloh wie er sich richte wot... |
| SpinnerDi 19.12.06, 19:19 | Also i find e Helmpflicht guet! Im Auto muesch di jo au agurte und uf em Töff muesch au e Helm azieh. Kopfverletzige sind tür und wer zahlts? D Krankekasse und mir müend jo alli zahle wenn si weider ufegönd. I wär au drfür das meh bi de Töff e Töffjacke und Händschepflicht würd ifüre! Es isch halt gföhrlicher uf 2 Räder. I bi au dr Meinig das meh d Velofahrer sowiese härter sett bestrofe die fahre immer wie d Arschlöcher und wennd denn mol ein uf dr Motorhube hesch will ein gmeint het er müess über rot fahre bisch au no Schuld!! |
| StinsonSa 30.12.06, 17:48 | http://www.festzeit.ch/viewpic.php?id=3394235 |
| sepaschtianSa 30.12.06, 17:52 | wer doch guet? es isch ja kei strof wen me e velohelm trage mues. es isch fürd eigeni sicherheit. es wär sogar notwändig dass mol velofahrer verkehrsregle lerne miend ... |
| IIIIIIISa 10.2.07, 23:50 | Ich ha jetzt nur 3 oder 4 post gläse und weiss nit öb öber das gschriebe het... Aber mini Muetter het moll so öbis gläse, sie händ neume e test gmacht und resultat isch gse: mit pflich: -Viel weniger Velo gfahre... -Glich viel unfäll, vrletzige ohni pflicht: -Viel me velo gfahre... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©