Festzeit.ch Forum » Liebe & Sex » Mol e Froog and Fraue
| Autor | Beitrag 1 - 15 |
|---|---|
| digitalrebelDo 2.9.10, 12:56 | Stelled euch vor, ihr sitzed im Auto oder uf em Roller, und s kunnt uf dr Stross zume Blickkontakt mit eme männliche Rollerfahrer, zwei drei Wortwechsel und e Lächle . E paar Tag spöter krieged ihr e Brief, wo sich dr Rollerfahrer bi euch nätt bedankt fürs hübsche Lächle und euch uf e Kaffi iladet. D Adresse het er über d Kennzeiche-Nummere usegfunde. Er het au sini Handynummere ageh ... Wie reagieret ihr? 2 mal bearbeitet, zuletzt Do 2.9.10, 14:18 |
| YelinaDo 2.9.10, 13:01 | hm, uf ei art fänd ichs voll härzig, dass er sich sowas ifalle la hed, uf di ander art würdis glaub ignoriere, willi en fründ ha oder würd mi gstalkt fühle, wenni scho ähnlichi erfahrige gmacht ha, wo negativ use cho sind.  |
| zaggiDo 2.9.10, 13:29 | i würds ignoriere, chunt eim scho rächt heftig ine we sich ein grad drollernummere merkt und dadrässe usfindig macht |
| digitalrebelDo 2.9.10, 13:40 | I muess drzue sage, und wie ihrs sicher scho g'ahnt händ ... ich bi dr männlichi Rollerfahrer in dere Gschicht  Hani vor es paar joor scho mol gmacht, mit ere Bernerin .. si het sich denn tatsächlich gmeldet und mir sin go e Käffeli trinke, and that's it ... meh hani au gar nid welle ... si hets' au eher witzig gfunde, dass ich das gmacht ha ... jetzt isch mr ebe sone begägnig wieder passiert und ich frog mich jetzt, öb ich wieder söll e briefli schriibe ... bösi absichte oder stalking hani jo nid im sinn ... s het mi eifach ufgstellt hüt am morge so nätt aglächlet worde z sii und i wött eifach danke sage |
| nada11Do 2.9.10, 13:47 | Mir het mol eine aglüte wo via minere Autonr. mini Telefon Nr. usegfunde het und är het mi gfrogt ob ich möcht öpis mit ihm go trinke. Bi ganz baff gsi zerscht. Ha denn gseit ich sigi vergeh und dodrmit het sichs erledigt.. D'Idee findi eigentlich no guet, nur hätti wohrschins au wenni single gsi wär, abgseit. Ich ha jo kei Ahnig wär das isch und so... Denn findi s'Briefli scho besser, denn cha me sichs überlege und denn vilicht mol e SMS schriebe, isch denn biz distanzierter am Afang als grad mit eme wildfremde Typ am Telefon e Date usmache..  Viel Glück dir, digitalrebel  |
| digitalrebelDo 2.9.10, 13:57 | Zitat: meShaly ebe ... ich wött ere jo kei Angscht iijage ... drum Brief .... ka si jo denn entscheide öb si sich meldet oder nid, und wenn nid, denn machi au nüt meh ... ebe, ich bi jo kei Stalker Mir het mol eine aglüte wo via minere Autonr. mini Telefon Nr. usegfunde het und är het mi gfrogt ob ich möcht öpis mit ihm go trinke. Bi ganz baff gsi zerscht. Ha denn gseit ich sigi vergeh und dodrmit het sichs erledigt.. D'Idee findi eigentlich no guet, nur hätti wohrschins au wenni single gsi wär, abgseit. Ich ha jo kei Ahnig wär das isch und so... Denn findi s'Briefli scho besser, denn cha me sichs überlege und denn vilicht mol e SMS schriebe, isch denn biz distanzierter am Afang als grad mit eme wildfremde Typ am Telefon e Date usmache.. Viel Glück dir, digitalrebel  |
| zaggiDo 2.9.10, 13:57 | Zitat: digitalrebel da wäri jetzt nieeeeee im läbe druff choI muess drzue sage, und wie ihrs sicher scho g'ahnt händ ... ich bi dr männlichi Rollerfahrer in dere Gschicht   ja du we nüd dümmers zdue hesch, schribsch ere es briefli,zverliere hesch ja eh nüd und we si sich nid mälde wet, gits sicher no anderi rollerfahrerine! |
| StinsonDo 2.9.10, 13:59 | Irgendwie isch doch Briefli schriibe so richtig dr Romantik Klasiker  |
| zaggiDo 2.9.10, 14:04 | und de mit richtig vill parfüm ispraye nid vergässe! falls si de brief de nid umhaut, de wenigstens de duft |
| digitalrebelDo 2.9.10, 14:13 | Zitat: zaggi aso *das* fändi denn doch als Frau eher erschreckend ... nid ?? und de mit richtig vill parfüm ispraye nid vergässe! falls si de brief de nid umhaut, de wenigstens de duft |
| StinsonDo 2.9.10, 14:20 | Ach solang de keini eigene Hoor mitschiggsch oder so... |
| digitalrebelDo 2.9.10, 14:21 | Zitat: WhyIsTheSkyBlue was machsch du überhaupt in dem Thread. Bisch e Frau? Ach solang de keini eigene Hoor mitschiggsch oder so... |
| zaggiDo 2.9.10, 14:22 | bis de brief dört achunt isch doch das eh wider verduftet! wiso erschreckend, hesch sone schlächts parfum? |
| digitalrebelDo 2.9.10, 14:24 | Zitat: zaggi nei nid erschreckend wägem duft ... eifach wäg em Klischee vom parfümierte Brief ... das tönt eso nach "uuuuh ich bi unsterblich verliebt und wenn du nid antwortisch gumpi vo dr brugg" ... Dä iidruck wotti jo denn au nid hinterloo ... bis de brief dört achunt isch doch das eh wider verduftet! wiso erschreckend, hesch sone schlächts parfum? Ich ha generell d Erfahrig gmacht, dass Briefe bi Fraue guet akömme au ohni Parfüm s wär denn aber übrigens CK FREE, wenn's di interessiert 2 mal bearbeitet, zuletzt Do 2.9.10, 14:26 |
| zaggiDo 2.9.10, 14:26 | hmmm stimmt au wider... demfall nimmsch am beschte eifach grad en halbverrissene notizzettel und chraflisch dini 2sätz dört druff när chunt si bestimmt nid uf falschi gedanke! //jap briefe sind toll!  aber nur solangs kei rächnige sind und böh, kenn mi nid us mit parfum, aber wird wohl nid schlächt si... 1 mal bearbeitet, zuletzt Do 2.9.10, 14:27 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©